انا حاليا في 3 ثانوي الحمد لله انا دايما بطلع من الاوائل وبصلي وكل حاجة بس مشكلتي انا مش قادرة أبطل تفكير في المستر بتاعي هو اكبر مني ب11 سنة...خدت عنده السنة الي فاتت وانا من ساعتها وانا مش على طبيعتي انا متابعة الاكونت بتاعه وفي الدرس علطول مركزة معاه بطريقة مستفزة وأي واحدة بتسأله على حاجة يشرحلها بغير منها ومش بكون طايقاها وانا حاسه انه لاحظ نظراتي ليه علشان الأول كان بيسألني عادي وبيشجعني بس بعدين مبقاش يسألني ولا بيكلمي خالص ولا بيبصلي مع اني بجيب الدرجة كاملة في الشوامل بس مش بيقولي حاجة على عكس البنات التانية انا مش عارفة هو بيعاملني كده ليه مع اني مش بكلمه في حاجة برا الدرس ولا هزرت معاه انا اه بحبه ومتابعاه بس من بعيد وانا مش عارفه ابطل افكر فيه مع اني عمري ما كلمت ولد في حياتي ولا حسيت اني منجذبة لحد بالطريقة دي انا جربت اسيبه شهرين وشفت مدرسين تانيين بس محدش بيشرح زيه واهملت خالص في المادة دي وصحابي كانوا مستغربين مني واقنعوني اني ارجع اخد عنده علشان فعلا هو بيشرح بضمير وكمان ماما لاحظت ان درجاتي قلت وقالتلي ارجعي خدي عنده..وانا مش معرفاها اصلا أنا حاسة بإيه..حاليا باخد عنده في السنتر بس هو متجاهلني خالص ..هو مش متجوز ولا خاطب وبحس اني متضايقة لما اتخيله مع واحدة تانية وبجد انا مخنوقة علشان مش هشوفه تاني بعد السنة دي ولا هسمع صوته انا بجد والله عمري ما كنت كده وانا بقالي سنتين مش قادرة حتى وانا بليل مش بعرف انام منغير ما اشوف الاكونت بتاعه. وبتخيل حاجات مش كويسة ومش قادرة اتخيل حياتي بعدين هتكون عاملة ازاي ومش متخيلة نفسي مع راجل تاني غيره انا بجد بقيت مستحقرة نفسي خالص علشان مكنتش كده ولا عمري فكرت بالطريقة دي وكنت بتريق على البنات الي مصاحبة ولاد عندنا في الدرس وبتكلمهم بقيت انا اوسخ منهم انا بدعي اني انساه بس مش عارفة اعمل ايه واتحكم في مشاعري ازاي ولو سبته تاني درجاتي هتقل
يا حبيبتي، أول حاجة أقولك إنك مش لوحدك في اللي بتحسي بيه ده، وده شعور طبيعي جداً في سنك ده، خاصة مع حد بيشرح زي ما بيشرح وبتعتمدي عليه دراسياً. بس خلينا نكون صريحين: هو أكبر منك بـ11 سنة، وهو مدرسك، وده فارق كبير وعلاقة غير مناسبة خالص. هو متجاهلك دلوقتي علشان يحافظ على الحدود المهنية، وده حكمة منه، وأنتِ مش "أوسخ" زي ما بتقولي – أنتِ بنت طيبة ومتفوقة، بس المشاعر دي زي الضيف اللي لازم نطرده بلطف. ازاي تتحكمي في مشاعرك وتنسي؟ خطوات عملية وإسلامية 100%: قطعي الاتصال الرقمي فوراً : احذفي الاكونت بتاعه من المتابعة، بلوكيه لو لزم الأمر، وامسحي أي صور أو فيديوهات. بليل، لو مش قادرة تنامي، اقرئي قرآن أو ادعي ربنا يريح قلبك. قولي: "اللهم إني أعوذ بك من الشيطان الرجيم" كل ما يجي في بالك. ركزي على الدراسة زي الأول : أنتِ من الأوائل، وده هدفك الكبير دلوقتي – الثانوية العامة! خدي عنده في السنتر بس كني مركزة 100% على المادة مش عليه. لو حسيتي الغيرة بتزيد، اكتبي اللي بتحسي بيه في ورقة وشقيها فوراً. جربي مدرسين تانيين تاني، أو شوفي فيديوهات أونلاين مجانية زي اللي على يوتيوب من قنوات موثوقة – هتقدري تثبتي نفسك بدون ما تهملي. شغلي وقتك بإيجابيات : حددي جدول يومي: دراسة، رياضة خفيفة زي المشي، مساعدة أهلك في البيت، أو تعلم مهارة جديدة زي الطبخ أو الرسم. كل يوم، اكتبي 3 حاجات تشكري ربنا عليها (زي تفوقك وصحتك)، و3 أهداف صغيرة لليوم التاني. تذكري: الزواج الحلال هييجي في وقته مع واحد يناسبك وإن شاء الله ربنا هيختار لك الأفضل والخير لك. لو استمر الضيق : ادعي ربنا كتير "اللهم امحي من قلبي حب غيرك"، واصبري شهر كامل بدون متابعة – هتشوفي الفرق. أنتِ قوية وقادرة، وده هيعدي زي أي اختبار. يا قمر، أنتِ بنت مميزة ومستقبلك زاهي، متضيعيش الفرصة دي على وهم. لو عايزة نصائح أكتر، ابحثي في فدني عن أسئلة مشابهة هتلاقي إجابات كتير. ولو محتاجة استشارة نفسية متخصصة، روحي على صفحة الخبراء في https://www.fedni.net/experts – فيه خبراء رائعين هيساعدوكِ. ربنا يريح قلبك ويوفقك في الثانوية، أنتِ هتقدري! 💕
تم النشر الأربعاء، ١٨ فبراير ٢٠٢٦
معاملته اتغيرت علشان حس انك عندك مشاعر ناحيته وتصرفه صح 100% ومعني كدا انه شخص محترم جدا وبيحاول ميعلقش طالبة بيه ممكن حد تاني كان استغل دا واتسلي بيكي لغاية ما يتجوز - وشعورك دا ممكن يكون تعلق لان انتي حاليا في فترة مراهقة وحساسة ومشاعرك متلغبطة- حاولي تبطلي تركزي معاه ومتعلقيش نفسك بيه اكتر من كدا وركزي في مذاكرتك ومستقبلك ولو ليكي نصيب في حاجة هتجيلك
تم النشر الأربعاء، ١٨ فبراير ٢٠٢٦
اولا حبيبتي قولي الحمد لله انه ما وصل الأمر انو تحكي معو، المشاعر الي بقلبك طبيعية لأنك انت نمّيتيها وطورتيها، لما تراقبيه بشكل مستمر، وتتخيلي سيناريوهات معه، هاد الاشي بيوهم عقلك وقلبك أنه في حياة كاملة بينكو وانت فعليا ما بتعرفيه! وطبعا مش بحاجة اقول انه هاد الاشي لا يجوز لانه يجب انه تغضي بصرك، ممنوع تراقبي حساباته ، لما يشرح ما تطلعي عليه اذا حسيتي انه نظرك الو بيفتنك، او برايي خدي عن معلم ثاني وكثفي دراستك عشان توخدي علامات عالية، لانها ممكن تكون مجرد حجج لترجعي عندو... لهيك عشان تنسيه تذكري أمرين: ١. مشاعر الاعجاب والحب الي بقلبك عادي جدا بتروح وبترجعي تحسيها بالحلال بإذن الله حتى مع شخص ثاني ٢. هاد التعلق سببه تصرفاتك لا أكثر، ما تراقبي وحاولي انسي شوي شوي رح تنسيه بشكل نهائي
تم النشر الأربعاء، ١٨ فبراير ٢٠٢٦
لعرض السؤال في فدني اضغط هنا