السلام عليكم
انا عندي ١٧ سنه، كنت بمر باكتئاب حاد لمدة سنتين، سنتين كاملين وانا مبخرجش من البيت وعايشه ف دوامة الإكتئاب،حصلت أحداث كتير ف السنتين وكل مره كنت بواجه مشكله اكبر من اللي قبلها وكل مره كنت بفقد شيئ بحبه ف حياتي زي مثلا خسرت صحابي اهلي انفصلوا عن بعض عشت الوحده خسرت حد عزيز عليا
كنت بعاني من صداع توتري مزمن و شوية امراض اتحطيت ف أماكن انا بكرهها جدا وعشت فيها وهكذا ،الأوضاع لسه مش مستقره ولكن عندي شعور بأن الأوضاع هتتحسن باذن الله، حقيقةً انا حياتي واقفه من بداية السنتين خصوصا اني كنت شخص مرح جدا وبخرج كتير جدا وعندي صحاب من كل مكان
ف انا السنتين الي عدو دول مش حاسه بيهم فعليا ولا عارفه ابدأ حياتي تاني، انا الحمد لله شخص ناضج وذكي جدا حتى من قبل الاكتئاب ودايما بحب اتعلم عن اي شيئ وكل شيئ وكنت انسانه قريبة جدا من ربنا عندي طموحات واحلام وافكار كتير جدا، بس انا مش عارفه ابدأ حياتي تاني وبقيت واقفه عند نفس الحركه الروتينه،
حتى لما بفكر انجز حاجه ف حياتي بحس ان انا واقعه ف منطقة الراحه زي ما بيقولو مع ان الشغف رجعلي نوعا ما بس مش قادرة اعمل حاجه على أرض الواقع وكل ما ببتدي أعمل حاجه بتقفل جدا وبرجع لنفس المنطقه،اوقات كتير بحسس بشتات شعور ان انا مش عارفه انا عايزه اي من حياتي ولخبطة مشاعر وافكار وبتكرر كتير جدا انا سميتها نوبات تشتت خصوصا اني زي ما قلت حياتي وقفت عند سن ال١٥ تقريبا ف انا معرفش حاجه عن الحياة الواقعيه يعني طول السنتين دي كنت عايشه جوا أفكاري فقط،
ارجو الرد من خبير نفسي @Yasmine Tawfik
وعليكم السلام الاكتئاب كان درجته اد ايه كنتى بتاخدى علاج ولا لا كنتى بتمارسى النشاطات اليومية وبتذاكرى فى البيت ولا كان فى توقف تام بتتعاملى مع اهلك ازاى طول السنتين
تم النشر السبت، ١٩ يوليو ٢٠٢٥
لعرض السؤال في فدني اضغط هنا