حابه أدخل اقول اللي مأرق عليا حياتي من خمس سنين ودي مده تعبتني من ساعه مادخلت ثانوي فني عشان اخفض المصاريف عن والدي ومدخلش ثانوي عام ومقولتلهوش كدا ولا قولت لحد ف البيت وكلهم افتكروني فاشله لما دخلت مع ان مجموعي كبير المهم دخلت وشديت حيلي وطلعت من العشرة الاوائل ف ينه تالته وكنت بشتغل وقتها وطلع عيني وفجأه لا مالهاش لازمه تدخلي جامعه انتي متستهليهاش كفاياكي دبلوم انهارت سنه وحاليا رجعت الشغل وقولت هقدم خاص ايا كان التمن بس مكسرش نفسي زي ماهما عملو ياريت اللي يكمل قرايه يدعيلي ربنا ييسرلي امري واقدر اقدم ف حاجه كويسه السنه الجايه ولو حد عنده معلومات عان جامعه اومعهد سوق العمل بتاعه كويس ياريت ميبخلش عليا بيها
اولا ربنا مش هيضيع ليكي تعب ابدا وبجد عاااش وكملي اللى بتعمليه وربنا هيكرمك بالنسبه للمعاهد في معهد طيبه المعادي ده انا فيه ومعهد ممتاز وفي كذه قسم وكلهم سوق عملهم فوق الممتاز بجد انا في نظم معلومات فيها ومعهد عالى وشهادته بتبقى مختومه من عين شمس وربنا يعملك اللى فيه الخير وده يجيب مجموعك مع العلم يعني
تم النشر الأحد، ٤ فبراير ٢٠٢٤
طيب ليه تدخلي خاص؟ ما تدخلي عادي حكومي .. السنة القادمة. طبعا الايام اللي جاية سوق العمل قائم على التكنولجيا .. ف انتي قولتي انك دخلتي فني .. هل مجموعك يجيب حاسبات او هندسة؟
تم النشر الخميس، ١ فبراير ٢٠٢٤
التمريض و الكليات المعتمدة على التكنولوجيا
تم النشر الخميس، ١ فبراير ٢٠٢٤
من وجهة نظري ان الكليات المعتمدة علي التكنولوجيا و كلية التجارة مستقبلهم كويس
تم النشر الخميس، ١ فبراير ٢٠٢٤
شكرا لدعمكم ودعواتكم دي ربنا يجازيكم كل الخير بس انا محتاره الحقيقه ولسه معرفش ممكن أنجح في اي لاني بدور لوحدي ومفيش اي مساعده منهم ف لو في اقتراحات تسهل عليا الموضوع
تم النشر الخميس، ١ فبراير ٢٠٢٤
م انا تعليم صناعي مش تجاري ومع ذلك جاتلي الكليه دي ف التنسيق
تم النشر الجمعة، ٢ فبراير ٢٠٢٤
مش عارفه ممكن تستخيري ربنا انا برضو جالى خاص وحكومي بس حكومي كليات مش حابه ادرسها فا دخلت معهد فني تجاري معهد حكومي مصاريفه مكلفتنيش كتير هو سنتين وف سنه تانيه لازم مجموع فوق ٩٥ علشان ادخل كليه تجاره او كليات تانيه زي كليات التكنولوجيا بس اعتقد خاص برضو
تم النشر الجمعة، ٢ فبراير ٢٠٢٤
ما انا جاتلي كليه تكنولوجيا الخدمات الفندقيه شرق بورسعيد ومضطرة ادفع مصاريفها لانها غاليه
تم النشر الجمعة، ٢ فبراير ٢٠٢٤
طب انتي مجموعك كان يدخلك اي عادي تقدمي السنه دي لكن متدخليش خاص ادخلي حكومي افضل علشان المصاريف متضطريش تنزلى تشتغلى زياده وتضغطي نفسك وتسيبي وقت لدراسه
تم النشر الجمعة، ٢ فبراير ٢٠٢٤
انتي جميلة عشان ربنا رزقك بقلب بيخاف و يعمل حساب لوالده و اهله🌻 كملي في طريقك و ابحثي الاول عن الحاجة اللي نفسك تدخليها كويس و كلها ارزاق بإيد ربنا و ان شاء الله هيرزقك خير .. و متخليش حد يقولك ادخلي كذا عشان مستقبله كذا حتي احنا انتي فكري كويس و شوفي الحاجه اللي حابة تدرسيها و ابحثي عنها و خدي القرار 👏
تم النشر الخميس، ١ فبراير ٢٠٢٤
اولا ربنا معاكي ثانيا كملي ف الحاجه اللي انتي شايفه انك هتقدري تنجي فيها متستنيش حد يقولك اعملي كذا او خشي كذا انتي اعملي سيرش علي اليوتيوب او جوجل و هتلاقي قدامك حاجات كتيره جداً بس الفكره انك متزهقيش او تخلي الكلام يأثر عليكي لان محدش هينفعك غير نفسك و لما يلاقوكي بتنجي هيقولو اه دا هي كانت صح
تم النشر الخميس، ١ فبراير ٢٠٢٤
لعرض السؤال في فدني اضغط هنا