اول مرة اتعلق بشخص كدا بواحد صحبي من اول يوم شوفته وحسيت ان هو اخويا عطيتو اهتمام مكانش لحد من صحابي قبل كدا وقلت ان ربنا عوضني بيه عن صحاب كتير ولمه كدابه
فات اول اسبوع كويسين مع بعض بداية تاني اسبوع اول يوم في تاني اسبوع من اول اليوم كويسين اخر ايوم اضربنا مع بعض وتعبت في اليوم دا بسببه عشان كنت زعلان منه ومعبرنيش في تعبي ولا اي حاجه
تاني يوم نفس الكلام من اول اليوم كويسين نيجي اخر اليوم نضارب مع بعض وازعل واتعب فضل الحال على كدا لمدة اسبوعين وعندي تعب بسبب الزعل وبنتعب ومخنوق وهو مش فارقه معاه عايز حل للموضوع دا
للعلم هو ساكن معايا في نفس الاوضه عايز اطلعه من حياتي واطلعه برا دماغي وتفكيري واعتبره صاحب عادي مش عارف
اي الحل بالله عليكم
السلام عليكم و رحمه اللّٰه و بركاته أعتبره درس تتعلَّم فيه إن أكبر غلط التعلق بغير اللّٰه ، و مش المفروض إنك تثق في حد و تحبه بالشكل ده و أنتَ لسه معرفتش طباعه ولا شخصيته ، من كلامك فهمت إنكم مش صحاب من فتره ، ف أعتقد الطبيعي إن لو حصل بينكم خلاف او مُشكله زميلك ده يبعد لإنه اصلاً هو ملحقش يعتبرك صديق مُقرب ولا لحق يتعود عليك حتى ، ف لازم تفهم إن تصرُفه معاك ده الطبيعي بالنسباله أو بالنسبه لأي حد مكانه، بس عموماً كونكم زُملاء سكن ف مع الوقت هتتصالحوا لإنكم يعتبر عايشين سوا و بتشوفو بعض كتير ف هتضطروا تتعاملوا سوا ،شئتم أم أبيتم ، حاول تتكلم معاه و تصلح علاقتك بيه و تتفاهم معاه بس مش معنى كدا إنك تدخله حياتك من جديد و تثق فيه بسرعه تاني ،، أنتَ لسه متعرفهوش عشان تثق فيه أو تعتبره أخوك اتعامل معاه بس ب حرص لحد متفهم طِباعه و تفهم إذا كان هو صديق سوء أو لاء حط حدود للتعامل معاه متدخلهوش في حياتك و تحكيله حاجه غير لما تعرفه كويس ،، حاول تملي وقتك كلو عشان تبطَّل الأفكار الكتيره حول الخناقات يعني مثلاً أنزل اتمشى حبه ،مارس رياضه ، ركز في دراستك أو شغلك ، مع الوقت التفكير ف الي حصل هيقل لحد مينعدم تماماً و هيبقا مش فارقلك لإنه أصلاً الشخص ده ملحقش يديك فرصه إنك تتعلق بيه بزياده كونك لسه متعرف عليه حديثاً يُعتبر ف ملحقش يكون جزء من حياتك بمعنى أصح ،، ف كونك مُنشغل ده مش بيدي لعقلك فرصه إنه يخليك تجلد ذاتك و تزعل ولا بتديها فرصه تفكَّر في الماضي بعمق أصلاً ف حاول تشغل وقتك قدر المستطاع و حط حدود للتعامل مش مع الشخص ده بس بل مع كل الناس، عشان متتعلقش بيهم ولا تتأثر بتصرفاتهم و أفعالهم ، و بالتوفيق
تم النشر الأربعاء، ١٥ أكتوبر ٢٠٢٥
حاول تشغل نفسك بانك تتعلم حاجه جديده او لو لسه طالب اشغل نفسك ووقتك في المذاكره و كل ما تحس إنك مخنوق طلع ورقة وقلم واكتب فيهم كل مشاعرك، و تدريجياً هتتأقلم ممكن كمان تسمع بودكاستس كتيره عن إنك تحب نفسك اكتر و تثق بنفسك و تعرف قيمتها، وعلى فكره لما تكون واثق من نفسك و ناجح هو اللي هيجري وراك و هيحب يقرب منك و ساعتها انت هتكون شايفه صديق عادي
تم النشر الجمعة، ١٧ أكتوبر ٢٠٢٥
من خلال تجربتي الشخصة: اتعامل معاه بشكل طبيعي زي اي حد الي هي المعاملة الي متعارف بيها بين الناس واصبر على الشعور بالتعلق بيه ده ومع الوقت والأيام هتلاقي انك اصلا بقيت تشوف حياتك وكده وخلاص محطة في حياتك وعدت وبقيت مشغول بحياتك فاهمنى
تم النشر السبت، ١٨ أكتوبر ٢٠٢٥
أخي العزيز، أشعر بما تمر به من مشاعر مختلطة ومتعبة جدًا، ويبدو أن العلاقة بينك وبين صديقك صارت عبء نفسي عليك أكثر مما هي راحة وسند. من الطبيعي جدًا أن تشعر بالألم عندما تعطي اهتماماً ومحبة لشخص تعتبره أخًا لك، لكنه لا يبادلك نفس المشاعر أو لا يقدّر تعبي ومشاعرك. دعنا نكسر الموضوع إلى خطوات تساعدك على الخروج من هذا المأزق بإذن الله: تعرف على حقيقة العلاقة: من كلامك، واضح أن العلاقة فيها تفاوت في المشاعر والاهتمام. أنت مهتم جدًا وهو لا يبادلك بنفس القدر. وجود خلافات مستمرة وضرب بينكم يشير إلى أن العلاقة قد تكون مؤذية نفسيًا لكما. حافظ على صحتك النفسية: أنت مش مضطر تتحمل زعل وتعذيب نفسي. أحيانًا، حبنا لشخص لا يعني أنه صح لنا. حاول تعطي لنفسك فرصة تبعد عن التجارب المؤذية حتى تهدأ مشاعرك وتسترجع نفسك. وضع حدود واضحة: طالما هو ساكن معاك، حاول تحدد مساحات خاصة لك ولتساميات حدود للتعامل تريحكما. مثلاً وقت للهدوء وعدم الجدال. قل له بشفافية إنك عاوز راحة نفسية وإن كل الخناقات المتكررة مأثرة عليك بشدة. توجيه مشاعرك وتفكيرك: لا تحاول “تخرجه من تفكيرك” بالقوة أو بالكبت، هذا قد يزيد التأزم. بل حاول تشغل وقتك بحاجات إيجابية تريح بالك، مثل هوايات، قراءة، أو تطوير ذاتك، حتى قلبك يقدر يكون أقوى. استعن بالله وادعوه: استعن بالدعاء واطلب من الله تهدئة قلبك، وفتح أبواب الخير لك في هذه العلاقة أو غيرها. تذكّر أن الله لا يضيع أجر من أحسن عملاً، وهو أعلم بما يصلح لك. بوابة الدعم والمساعدة: لو حسيت أن الوضع يزيد عليك وضغطك النفسي كبير، لا تتردد في مراجعة متخصص نفسي أو مدرب حياة يساعدك تتخطى هذه المشاعر. في تطبيق فدني، يمكنك البحث عن خبراء نفس أو استشارين يساعدوك بشكل أعمق وأفضل. في النهاية، أنت تستحق تكون سعيد ومرتاح في علاقاتك، وحبك لشخص ما مش لازم يضرك أو يوديك لألم نفسي مزمن. خذ خطوة خطوة، وامنح نفسك وقتًا للشفاء. وإذا حبيت، أنا هنا معاك ومرحب بأي سؤال يريح بالك. هل تحب أن نتحدث عن خطوات عملية لاشغال وقتك وتركز على تطوير نفسك خلال هذه الفترة؟
تم النشر الأربعاء، ١٥ أكتوبر ٢٠٢٥
ماتكونش مبالغ في حب الغير لانه ده بيحسس الشخص اللي بتتعامل معه انك كنت وحيد ويبدأ يستغلك ويعرف خلاص انك اتعلقت بيه لازم الإنسان يكون عنده مرونة نفسية للتعامل مع مواقف الحياة سواء حلوة أو مرة كمان اللي بيقدر غيره على حسب نفسه بيخسر ولكن لكل قدر من الاحترام والحب لو في نفس الاوضة اتعامل معه عادي بدون اهتمام ومتهتمش بحوراته وأقرأ كتاب وهو هيحس بكدا وهيلزم حد معين في التعامل معك
تم النشر الأربعاء، ١٥ أكتوبر ٢٠٢٥
اللي بيوجعك مش فراق الصديق، اللي بيوجعك هو الخوف من الوحدة اللي العلاقة دي كانت بتغطيه. حاول تشتغل علي علاح الخوف ده، هتبطل تحتاج تعلق بالشكل المدمر ده.
تم النشر الخميس، ١٦ أكتوبر ٢٠٢٥
إشغل وقتك وزاحِم يومك، دا هيخلّيك مش فاضي تفكّر فيه ولا هيبقا عندك وقت تهتمّ بوجوده.
تم النشر الخميس، ١٦ أكتوبر ٢٠٢٥
حاول تصاحب حد احسن وصالح وشبهك وركز مع نفسك شوية طور من نفسك مثلا ركز ف دراستك وحلي معاملتك بيه سطحيه متقربش اوي عموما من اي حد ف حياتك خلي كل علاقاتك بصحابك متوصلش لدرجة القرب اللي لو ممكن حصل حاجه يخليك تزعل كدا
تم النشر السبت، ١٨ أكتوبر ٢٠٢٥
لعرض السؤال في فدني اضغط هنا