السلام عليكم، بصي هو ممكن تأثري على دراستك خاصة إذا مش عاملة إدارة وقت كويس أو مشتتة نفسك في كذا اتجاه، وعامة أنتِ مش هتشتغلي على طول.. إذا هتشتغلي عمل حر فهتحتاجي الأول تطوري معارة معينة من مهاراتك وتعملي نماذج عمل وتسوقي لنفسك لحد ما تلاقي عملاء مناسبيين. فأنت ممكن تستغلي الوقت الحالي في تطوير المهارة الأهم بالنسبة لك حاليا... اختاري حاجة واحدة بس عشان متشتتيش نفسك. أنا مريت قبل كده بفترة التشتت دي لأن فيه مجالات كتير أنا حاباها وكنت عاوزة أشتغل فيها. فأنتِ ركزي واختاري حاجة واحدة بس واختاري طريق واحد لتعلمها وتطويرها عشان برضه كثرة مصادر التعلم هتشتتك. ممكن أرشح لك متابعة قناة click your future على يوتيوب فيها كورسات مفيدة للعمل الحر والدخل السلبي ونصائحها هتساعدك تبدئي الطريق صح من غير تشتت. https://www.youtube.com/@ClickYourFuture أنصحك كمان تعملي حساب على لينكدن وتنشطي عليه وتظهري مهاراتك وتعملي شبكة علاقات وتتفاعلي معهم ده هيزود إن شاء الله فرص الشغل. طبعا زي ما قلتي اعملي إدارة وقت كويسة عشان توفقي بين دراستك وتعلمك للمهارات والشغل إن شاء.. كده كده أعتقد عندك وقت بيضيع على السوشيال ميديا أو غيرها ممكن تستغليه. وأهم حاجة توكلي على الله ولا تقلقي من ناحية توفير دخل مادي لأن القلق من ناحية المال بيعطل السعي. وبالتوفيق إن شاء الله.
لعرض الإجابة في فدني اضغط هنا