اتمنى حد يجاوبني لانى والله نفسيتي وحشه بقالى شهرين انا كنت بحب شخص بقالنا 4 سنين وكنا متمسكين ببعض وكان دايما فى مشاكل من ناحيه اهلى وكنا متمسكين ببعض وهو مكنش بيزهق بس يعنى مكناش قريبين اوي ف المكالمات الكتير او اننا نتقابل كنت بقول يعني عشان تكمل ع خير وكنت بخاف يعنى هو كان شايف ان كده احنا بعاد ومنعرفش حاجه عن بعض وهو كان أول كل حاجه ف حياتى وكنت والله بخاف عليه وبراعي ربنا فيه
يمكن مكنتش بعرف اعبر بعدنا من حوالى شهرين بسبب انو انا سألته انت بتحبني ف وقت هو كان عنده مشاكل فيه وكان نيتى بس اطمن واتاسفت بعدها وفهمته بس هو مردش وشاف انى مش بقدر وموقف برضو ان وصله ان بقول مش معبراه عشان وصلى حاجات عنه زعلتني ولما واجهته قالى معنتيش تبعتي وخلى الناس يضحكو عليكي مع انى شايفه دا وبعد حاولت اتأسف وبعتله ورد ف عيد ميلاده بس اكتشفت انو كان بيحب واحده من حوالى سنه وانا معاه ورجعلها حاليا أنا بس عايزه افهم لى بعد كل دا عمل معايا كده وطبعا هو ميعرفش انى عرفت وفاهم انو بعد بسببي مع ان انا كنت بسامح كتير اوى وليه البنت دى هى استحملت اى عشانه وازاى قدر يكمل معايا ومعاها يعنى هو مكنش كده وكان أفعاله متبينش دا ابدا خوفه عليا وأفعاله وتمسكه بيا بقعد الوم في نفسي واقول يمكن قصرت وبستغرب هو ازاى عايش كده وانا لحد دلوقت حياتى متدمره وتانيب ضمير وحياتى وقفت حاسه انى مليش جد ولسه بتخيل نفسي معاه
السلام عليكم، طيب ده أصلا شخص خاين ولا يستحق تضيعي عليه أي وقت أو توقفي حياتك عليه. الكل قال لك إن العلاقة أصلا من البداية حرام فمش هخوض في النقطة دي. ** أنتِ كنتِ صادقة من ناحيتك وهو مكنش كده خالص وغالبًا كان بيتسلى مش أكتر وبيملأ وقت فراغ زي كتير من الشباب في علاقاتهم بالبنات حاليا. وعادي جدا ومش مستغرب إنه يكون عارف واحدة تانية أثناء علاقته بك... هو أصلا مفيش حاجة تلزمه ناحيتك لأنها علاقة غير رسمية، إذا كان بعض الرجال بيكون زوجته مش مقصرة في أي حاجة وبيروح يعدد عليها ولا بيفرق عشرة ولا بيت هيتخرب ولا أي شيء، ما بالك بعلاقة أصلا مش ملزم فيها بشيء؟ *** نصيحة من أخت أكبر منك، كفاية قوي شهرين ندم وعياط وكسرة وفوقي لنفسك، أنا متفهمة صدمتك وألمك ولكِ حق تزعلي بس مع زعلك على نفسك لازم تبدئي توقفي على رجليك، وميكونش زعلك وكسرتك عشان الشخص ده لأنه لا يستحق أبدا. وبطلي لوم لنفسك واتهام لها بالتقصير، لو فضلتِ تفكري بالطريقة دي هتلاقي نفسك مستقبلا في أي حاجة تحصل مع زوجك بتتهمي نفسك أنتِ بالتقصير معه وبتتنازلي وتيجي على حساب نفسك وبتعطيه المجال والاستحقاقية إنه مهما غلط وقصر وخان فالعيب كله منك وحدك. غيري تفكيرك وركزي مع نفسك وبلاش علاقات من دي تاني، بلاش تهدري مشاعرك وطاقتك في المكان الغلط وعلى الأشخاص الغلط. ربنا معك.
تم النشر الأربعاء، ١٧ ديسمبر ٢٠٢٥
الابتلاء ده عقوبة والله أعلم عشان ترجعي لربنا وتتوبي ودي نعمة من ربنا انه عايز يهديكي وانه فاتحلك الباب... فدي رسالة من ربنا ليكي ،، لازم تستغفري ربنا لان العلاقة غير شرعية حرام وثانيا هوه اصلا مش كويس وميصلحش يبقا شريك حياة ولا أي حاجة هوه ربنا يهديه اصلا وانتي برضوا حرام العلاقة غير شرعية ازاي هتتجوزي واحد مش كويس وتعيشوا كدا حياتكم حرفيا هتدمر يعني تخيلي واحد مبيصليش واتجوز واحدة مش بتصلي وولادهم مش بيصلوا دول بعاد عن ربنا = حياتهم فيه أخطاء كتير يعني حياتهم مضلمة مفيهاش نور خالص والحمد لله ان العلاقة مكملتش اصلا وسبتوا بعض
تم النشر الثلاثاء، ١٦ ديسمبر ٢٠٢٥
طبيعي جداً دي نتيجة علاقه محرمه ودي عقوبتها من الافضل التركيز على اهدافك و على الي جاي اصل مهما عملتي مش هتقدري تعمل حاجة في الي عدى
تم النشر الأربعاء، ١٧ ديسمبر ٢٠٢٥
استعيني بالصبر و الصلاة و ادعي الله بصلاح الحال و هوان القلب و الروح .. انتي مش لوحدك فكل دا انا و غيري كتير نفس موقفك و الحياة فيها الاحسن منه كتير مش تطيب خاطر أو مجرد كلام دا عن تجربه و حقيقي .. ربنا يريح بالك و قلبك و يبعتلك ابن الحلال الصادق المحب
تم النشر الأربعاء، ١٧ ديسمبر ٢٠٢٥
ربنا غفور رحيم...اكيد ربنا شاف اللي جواكي وربنا مطلع علي نيته بالنسبه ليكي لو حبك ماكنش حب واحده تانيه ولو كان ليكي ماكنش راح لغيرك اصبري واحتسبي وافتكري ان ربنا مابيعملش حاجه وحشه احتسبي وهتلاقي ربنا بيبرد قلبك ويعرفك هو بعده عنك ليه وصدقيني هترتاحي
تم النشر الأربعاء، ١٧ ديسمبر ٢٠٢٥
اصبري ومع الوقت ربنا هيفرجها بإذن الله والشعور ده هيروح... وهوه ميستاهلش ان حياتك تقف ولا حاجة بس اصبري وان شاء الله هترجعي كويسة
تم النشر الثلاثاء، ١٦ ديسمبر ٢٠٢٥
وخلاص كويس بدام بتصلي وسبتوا بعض وتوبتي فانتِ على خير وأبشري بالأفضل ليكي والأحسن ليكي في دنياك وآخرتك
تم النشر الثلاثاء، ١٦ ديسمبر ٢٠٢٥
أي علاقه بدايتها لا ترضي الله نهايتها لن ترضيك، ومن ترك شيئا لله عوضه الله بخير منه، لو ىجعلك تاني اتركيه لله وستنصدمي بالعوض
تم النشر الخميس، ١٨ ديسمبر ٢٠٢٥
ويقول يمكن انا ال قصرت وخليته يعمل كده
تم النشر الأربعاء، ١٧ ديسمبر ٢٠٢٥
هو عايش حياته معاها ومبسوط وانا بس بتفرج عليهم كان نفسي كل دا ماحصلش
تم النشر الأربعاء، ١٧ ديسمبر ٢٠٢٥
نفس قصتي رغم المشاكل هيا بتخاف عليا بنفس طبعك لاكن انا الي بقسي عليها بس عمري ما سبتها ولا خونتها انا عارف ان العلاقة حرام بس احنا اتعلقنا ومكناش نعرف انه حرام وبنحاول نقنع اهلينا اننا نتخطب عشان هما مش بيحبوا بعض ربنا يغفرلنا ويجمعنا مع بعض عارف ان احساس البعد ده وحش الحاجة مبتحسش بقيمتها قوي غير نما تروح منك
تم النشر الأربعاء، ١٧ ديسمبر ٢٠٢٥
اتا بس بستغرب لى مسابنيش وهو معاها وكان يوعدنى ويعشم فيا وانا والله عمرى محيت عليه اه يمكن مكناش قريبين وكنت برفض اننا نتقابل وف الآخر بعد كل دا عشان سبب مش كبير ورجع ليها
تم النشر الأربعاء، ١٧ ديسمبر ٢٠٢٥
وحاسه انى حياتى وقفت ومليش حد
تم النشر الثلاثاء، ١٦ ديسمبر ٢٠٢٥
انا مش عارفه انسى او انى اشوفه مع غيرى وعايشه ف ندم
تم النشر الثلاثاء، ١٦ ديسمبر ٢٠٢٥
هوه اصلا شخص في ضلال فطبيعي يحصل منه موقف زي ده هوه لو افترضنا انسان كويس ربنا يهديه مش هيعمل كدا ده لو افترضنا كنتوا في العلاقة غير شرعية دي لان من الأساس هوه مش هيبدأ العلاقة كدا
تم النشر الثلاثاء، ١٦ ديسمبر ٢٠٢٥
انا الحمدالله بصلى وكل حاجه انا بس كنت عايزه افهم لى
تم النشر الثلاثاء، ١٦ ديسمبر ٢٠٢٥
لعرض السؤال في فدني اضغط هنا