السلام عليكم ورحمة الله وبركاته
انا بنت عمري 18سنه دلوقتي من حوالي4سنين تقريباً كنت بعاني من الاكتئاب والوحده والتعلق بالحياه الوهميه في دماغي وكنت بعمل كاتنج لفتره يعني معينه
انا يعتبر متفوقه دراسيا يعني بطلع من اوائل المدرسه وكدا بس معنديش ثقه ف مستويا ولا في نفسي نهائي وحقيقي الموضوع مسببلي ازمه
المهم يعني عيشت تقريباً سنتين اللي هما 15 و 16كنت ف اكتئاب ودايما مدايقه وحزينه وتدرجيا بدأت اكره الناس والتعامل معاهم مع إني كنت شخص لذيذ واجتماعي جداً ومع الوقت الموضوع بدأ يتطور وبدأت انطفي اكتر وافكر ف الانتحار بشكل جد وقعدت لفتره كويسه افكر في الموضوع دا مع الوقت الموضوع مبقاش مجرد فكره وحاولت اكتر من خمس مرات وكل مره كان بيحصل حاجه الا اني اموت ومش عارفه لا اعيش حياتي زي ما أنا مع الافكار دي ولا عارفه اموت @Psy-a'laa M. Abdulhamid
عليكم السلام ورحمة الله وبركاته تواصلي مع أخصائية نفسية أو طبيبة نفسية فورا
تم النشر الخميس، ٥ مارس ٢٠٢٦
انا كنت زيك كده علشان تخرجي من جو الدكتوره النفسيه والادويه غير كده انك مش قابله الموضوع ده كلو حاولي تضيفي حاجه لحياتك مثلا ابدئي قراءة والروايات بتكون مشوقه ورخيصه حابه تخرجي يومين في الاسبوع تروحي اي مكتبه هيكون فيها ناس مهتمه بالكتب ف هتتعلمي منهم حتي لو رحتي سيشن واحد في الاسبوع في الجيم مثلا ولا هنلزم نفسنا ولا هنحط قواعد ولا اي حاجه وشوفي اي حاجه متاحه حواليك اي حاجه في حياتك البيئه اللي حواليكي زميلك كويسين عاوزه تصاحبيهم. مكان حبه تروحي لوحدك تماا تقفلي تلفونك وتنفصلي عن الدنيا. وحاجه اخيره لو حابه تفهمي نفسك اكتر اختاري الأوقات المميزه زي الفتره اللي ما بين الساعه واحده بليل لحد الفجر الوقت ده ربنا بينزل فيه فأكيد وارد الأفكار بتاعك هيبقي احسن بكتير
تم النشر السبت، ٧ مارس ٢٠٢٦
بصي روحك دي نفخة من روح الله، وقت ما تحسي إنك مش قادرة، قولي يا رب شيل عني، مش يا رب خدني. ربنا موجود وسامعك وهينصرك على الأفكار دي واطلبي المساعدة الاكتئاب مرض زي أي مرض عضوي، ومحتاج دكتور شاطر يساعدك تخرجي من الدوامة دي. وده مش ضعف. واتكلمي مع ربنا في سجدة طويلة، طلعي كل اللي في قلبك بلهجتك العادية، هو أكتر واحد حاسس بيكي وهيحن عليكي. وافتكري نجاحك إنتي بنت شاطرة ومتفوقة، وعندك مستقبل كبير مستنيكي. وَلَا تَقْتُلُوا أَنفُسَكُمْ ۚ إِنَّ اللَّهَ كَانَ بِكُمْ رَحِيمًا .. ربنا رحيم بيكي أكتر من نفسك، فاستعيني بيه . وجد ربنا يحفظك ويسعدك
تم النشر الخميس، ٥ مارس ٢٠٢٦
غاليين يا ملك
تم النشر السبت، ٧ مارس ٢٠٢٦
لازم تتابعي مع دكتور
تم النشر الجمعة، ٦ مارس ٢٠٢٦
لازم تتبعي مع دكتور نفسي حياتك مش لعبه وقت ما تفكري تنهيها هتنهيها انا عارف ان غصب عنك بس حياتك تستاهل والله خلي علاقتك بربنا كويسه وتعلقي بيه وادعيه انه ينجيكي من اللي انتي فيه وإن شاء الله ربنا ينجيكي وترجعي احسن من الاول اكيد في ناس بتحبك
تم النشر الجمعة، ٦ مارس ٢٠٢٦
لعرض السؤال في فدني اضغط هنا