إزاي استمر في الصلاة والجيم والشغل
السلام عليكم الإستمرار بيكون مـع الإجبار تجبري نفسك تصلي حتى لـو نفسك مش عايزة ومش قادرة تجبري نفسك تشتغلي وهكذا مع الوقت الحاجات دي هتكون ساهلة جدًا جدًا معاكِ. في الأول هيكون في معاناة بعدين الأمر هيكون روتين يومي. أوعي طبعًا تستلمي بدري حتى لو مش بتعملي الحاجة كاملة عادي جدًا جدًا ساعدي نفسك وتقبلي الوقعات. مثلًا النهاردة عملتي ربع التاسكات بكرة نصهم مرة مفيش عادي عادي المهم أنتِ مستمرة مع الوقت هتوصلي لمستوى عالي جدًا جدًا من الانضباط والالتزام خليكِ واقعية، تابعي ناس هادفة على اليوتيوب الله يعينك اللهم آمين بالتوفيق 🤍
تم النشر السبت، ١٨ يوليو ٢٠٢٦
يا حبيبتي، التوازن بين الصلاة والجيم والشغل أمر شائع ومهم، وأنتِ قادرة عليه إن شاء الله. الصلاة أولوية أساسية لأنها فرض ومصدر راحة نفسية، بينما الجيم يحافظ على صحتك كأمانة من الله، والشغل مسؤولية يومية. ابدئي بتحديد أوقات ثابتة للصلاة باستخدام منبهات أو تطبيق يذكرك، واجعلي الجيم جزءًا من روتينك اليومي باختيار أوقات لا تتعارض مع الصلاة، مثل بعد صلاة الفجر أو قبل المغرب بساعة. للاستمرارية، قسمي يومك إلى أجزاء صغيرة: حددي ٣٠-٤٥ دقيقة للجيم ثلاث مرات أسبوعيًا في البداية، واستخدمي تقنية "الروتين الصباحي" لربط الصلاة بالجيم معًا. في العمل، ركزي على إدارة الوقت بقوائم مهام يومية قصيرة، وخذي فترات راحة قصيرة للصلاة أو تمارين خفيفة. تذكري أن الاستمرار يأتي من البداية البسيطة، فلا تثقلي نفسك بأهداف كبيرة دفعة واحدة، واحتفلي بكل إنجاز صغير مثل الالتزام بصلاة واحدة في وقتها أو جلسة جيم ناجحة. ادعي الله دائمًا أن يعينك على التوازن، وجربي البحث عن أسئلة مشابهة على فدني للحصول على نصائح إضافية من تجارب الآخرين. أنتِ قوية، وكل خطوة صغيرة تقربك من هدفك!
تم النشر الجمعة، ١٧ يوليو ٢٠٢٦
في حاجة جميلة سمعتها بخصوص الالتزام في الصلاة من الدكتور ذاكر نايك ادعي بعد كل صلاة ربنا يوفقك للصلاة اللي بعدها
تم النشر الاثنين، ٢٠ يوليو ٢٠٢٦
الدعاء
تم النشر السبت، ٢٥ يوليو ٢٠٢٦
الغي حاجه اسمها عذر ... مهما كانت الاسباب تروح .... حتى لو تعبان روح واقعد في الجيم والصلاة خاطب نفسك وقولها والله الصلاة فرض تحت اي ظروف فلو مش هتقومي تتوضي وتصلي هتيمم واصلي مكاني غصب عنك فهتلاقي نفسك قومت والتزمت
تم النشر الثلاثاء، ٢١ يوليو ٢٠٢٦
و الجيم و الشغل شوفي ايام شغلك مش لازم يبقي ليك روتين يومي في الجيم اضبطي الجيم علي أوقات فراغك من الأسبوع و اربطي الجيم أو أي عادة بإشارة يعني مثلا بدل ما تروحي و تغيري في الجيم البسي لبسك في البيت و البسي عليه جلبيتك و روحي اقلعيها انت كده بتبرمجي مخك انه خلاص انا رايحة رايحة أو مثلا تشربي مشروب معين قبل ما تروحي و هكذا
تم النشر الاثنين، ٢٠ يوليو ٢٠٢٦
صلي الصلوات بوقتها و اشتغل عادي و الجيم آخر اليوم و أحفظ قرءان بعد الصلوات أهم شئ النية و تضبط وقتك و ادعي كتير لنفسك
تم النشر الاثنين، ٢٠ يوليو ٢٠٢٦
اولا بخصوص الصلاه خلي عندك نيه دايما وجددي نيتك وادعي كتييير تلتزمي في الصلاه او اي حاجه عامة الدعاء مهم اووووي + حاولي تعملي ملابس مخصصه الصلاه اول ما الأذان يأذن قومي اتوضي وصلي من غير تفكير واسمعي بودكاست وعي أو ايه المشكله
تم النشر السبت، ١٨ يوليو ٢٠٢٦
لعرض السؤال في فدني اضغط هنا