السلام عليكم ورحمه الله وبركاته إخواني في الله
عايز طريقه تخليني ألتزم في المذاكره و الصلاه
عشان لما بعمل جدول ساعات بلتزم و ساعات بكسر الجدول و من ناحية الصلاة ساعات بيجي وقت و بتكاسل ممكن طريقه
وعليكم السلام ورحمة الله وبركاته😇، أنا كنت بمرّ بنفس المشكلة، وكنت دايمًا أحط لنفسي خطط كبيرة وأرجع أتكسّل وما التزمش. اللي ساعدني فعلًا إني بدأت أخلّي الهدف بسيط وموزّع على اليوم بدل ما يكون حمل كبير مرة واحدة. بالنسبة للصلاة: ربطتها بالوقت مش بالمزاج. أول ما الأذان ييجي أقوم حتى لو قيام بسيط، وكنت أقول لنفسي “خمس دقايق بس”… ومع الوقت بقيت عادة. وبالنسبة للمذاكرة: بطّلت أعمل جدول طويل. بقيت أختار 2–3 حاجات بس في اليوم وأنجزهم، وده شجّعني أكمل. بركّز على أهم مادة، وبقسمها أجزاء صغيرة علشان ما أتقلش على نفسي. الخلاصة: ابدأ بالخفيف، وخلي الأهداف صغيرة، وادّي نفسك فرصة… ومع الوقت هتلاقي الالتزام بقى أسهل بكتير. وربنا يثبتك ويعينك يا رب🌸
تم النشر الأحد، ٧ ديسمبر ٢٠٢٥
1. نية صافية وذكر دائم: قبل أي حاجة، ركز على إنك بتصلي علشان رضا الله، مش علشان حد يشوفك أو عادة بس. كل مرة تفكر فيها تصلي، ذكر نفسك بالثواب والراحة اللي بتجيلك بعد الصلاة. 2. حدد أوقات الصلاة بوضوح: حاول تربط كل صلاة بوقت محدد في يومك، زي ما يكون عندك مواعيد ثابتة. مثال: المغرب بعد المغرب في العربية أو قبل ما تقرر أي حاجة تانيه. 3. ابدأ بخطوات صغيرة: لو صلاتك مش منتظمة، ابدأ بصلاة واحدة أو اثنين في وقتهم، ومع الوقت زوّد العدد. المهم الاستمرارية مش الكمال في البداية. 4. استخدم تذكيرات: ممكن تحط منبه على الموبايل قبل الصلاة بـ5 دقائق أو تستخدم تطبيق مواقيت الصلاة. ده هيساعدك متنساش. 5. ارتبط ببيئة تشجعك: حاول تصلي مع ناس ملتزمة أو في المسجد لما تقدر، لأن البيئة الجيدة بتشجع على الالتزام.
تم النشر الثلاثاء، ٩ ديسمبر ٢٠٢٥
بص اجعل المذاكره ممتعه يعني اي يعني مثلا عايزه اقولك انك فعلا لو صحيت الفجر مثلا اوعا تبدا اليوم بانك تذاكر خالص صلي الفجر اقعد ف البلكونه لو هتقرأ قران وشم هوا هتحس ان مودك حلو وبعد كد توكل علي الله وذاكر اول اما تذاكر متقولش لدماغك دا انا همسك اخلص دا ودا ودا لا دماغك هتهرب وهتقعد تقولك انا عايز انام لا ابدأها سهله يعني ذاكر ٣٠ دقيقه مثلا وبعدين ريح اوعا اوعا تقعد علي الفون خش شم هوااااا او اشرب مايه وتعالي كمل كفايه انك تخلص جزء اليوم ده كافئ نفسك اول باول وادعي ربنا كتير انك تستمر لان دا توفيق ولو يوم حصل حاجه واتكعبلت اوعا تدايق بالعكس قوم وكمل تاني اهم حاجه الدعاء والقران والله بجد يمكن اكتؤ حاجه تحفه خليتني عندي بركه في وقتي الحمد الله قراءه القران وذكر الله
تم النشر الأحد، ٧ ديسمبر ٢٠٢٥
جدول سهل جدا اصحى صلي الفجر و ذاكر ساعتين بعدها خد بريك وكمل لحد الظهر هذا أفضل وقت للمذاكرة عموما بعد الظهر روح اتمرن او اقضي اي مصلحة وتقدر تمشي بنفس النظام لباقي اليوم تذاكر بين الصلاوات بحيث تنظر الصلاة وترتاح في وقتها
تم النشر الأحد، ٧ ديسمبر ٢٠٢٥
طول ما انت حاسس بالتقصير ف أنت على خير عليك بالتفقه في الدين من المصادر الصحيحة زي ابن عثيمين والألباني وعليك بالدعاء
تم النشر الأربعاء، ١٠ ديسمبر ٢٠٢٥
المذاكره متخليش ليها جدول ثابت تمشي عليه عشان م كل يوم زي اللي قبلوا خلي كل يوم حدد انت هتذاكر اي وبس والصلاه دي في الاول بيبقا صعب انك تتعود وانك متكسلش بس مع الوقت بيبقا ادمان ليك وهتخاف تضيع فرض منك واقرأ ولو صفحه من القرآن وكل ما تكسل استغفر ربنا كتير وافتكر ان الشيطان اللي مخليك كده
تم النشر الأربعاء، ١٠ ديسمبر ٢٠٢٥
علشان نلتزم على الصلاه،،، ١- الاستعانه بالله والدعاء لإنه قادر إنه يهديك للصلاه ويجعلك منتظم عليها ،،، ٢- مجاهدة النفس لإن النفس كسوله ومحتاجه اللي يشدها مش هي اللي تشدك ،،، ٣- معرفة عظم الصلاه ومعرفة عقوبة تاركها وطبعا كلنا عارفين الحديث ( من ترك الصلاه فقد كفر ) ربنا يعافينا ،،،، ٤- إنك تجعل الصلاه حاجه بتهرب ليها من الدنيا
تم النشر الاثنين، ٨ ديسمبر ٢٠٢٥
لعرض السؤال في فدني اضغط هنا