انا متشخصة باكتئاب شبه حاد ومحدش من اهلي يعرف خالص ومش قادرة اعرفهم ده وخايفة وده بدأ يأثر على السيشنز اللي باخدها اني مبقتش باخد سيشنز علشان خايفة يفهموني غلط اني مثلا بتكلم مع حد مش المفروض اكلمه او حاجة ومش قادرة اعترفلهم بده لاني متأكده ان ردهم هيكسرني زي انك طول عمرك مرفهه بالنسبة لاخواتك مع اني ولا مره شوفت ده اي نعم حياتي غيرهم بس بجد انا شخص كتوم عمره م دخل اهله ف مشكلة وتقريبا مش بحكي حاجه ليهم ومش لاقية سبب لعدم الامان ده اتجاههم انا متأكده اني غالية اويي عندهم بس عارفة انهم مش هيفهموني انا مبقتش عارفة اعبر عن مشاعري طبيعي وبقيت خايفة اقصى طموحي اني اموت واروح الجنة وده سبب اني منتحرتش وبتجيلي مخاوف كتير اني خايفة اضعف وانتحر اويي خايفة ف لحظة غضب اموت نفسي واخسر اخرتي حقيقي عاوزاهم يساعدوني اتعالج بس خايفة ينكرو اصلا اني عندي اكتئاب لإني اصلا بحاول اقنع نفسي اني محتاجه اتعالج مش عاوزة حد يزدها عليا
بصراحة أنا متفهمة جدا خوفك، لأن فعلًا في بيوت كتير لحد دلوقتي مش بتتعامل مع الأمراض النفسية بجدية خصوصًا الجيل الأكبر، وفي ناس للأسف بتشوفها دلع،،، فطبيعي تكوني خايفة من رد فعلهم. بس برضه متقفليش كل الأبواب قبل ما تجربي. فكري كده، معقول مفيش حد واحد بس في العيلة ممكن يسمعك؟ حتى لو مش مامتك أو باباكي، يمكن أخت.. أخ او بنت خال..بنت عم..أو أي حد انتي حاسة إنه قريب منك وممكن يحتويكي. ولو فعلًا مفيش، هل عندك صاحبة قريبة تثقي فيها؟ لإنك مش محتاجة حد يحل كل حاجة، على قد ما محتاجة حد يسمعك ويفهمك. وبلاش تفضلي كاتمة كل ده جواكي، سواء مشاعرك أو كلامك، لأن الكتمان بيخلي الحمل أتقل على الواحد. ولو مش قادرة تتكلمي مع حد دلوقتي،،، جربي تكتبي كل اللي جواكي أو تسجلي فويس لنفسك كأنك بتحكي لحد.. ربنا يخفف عنك ويطمن قلبك. 🤍
تم النشر الخميس، ٢٣ يوليو ٢٠٢٦
أنا آسفة جداً يا صديقتي إنك بتحملي كل ده لوحدك، وأقدر تماماً الخوف والضغط اللي بيخليكِ تترددي في كل خطوة. الاكتئاب شبه الحاد مش ضعف ولا "دلع"، ده مرض حقيقي زي أي مرض تاني، وإنك بتفكري في العلاج ده شجاعة كبيرة منك. خوفك من رد فعل أهلك طبيعي، خاصة إنكِ شخص كتوم ومش متعودة تشاركيهم مشاكلك، لكن الاستمرار في إخفاء الأمر بيأثر على جلساتك وصحتك النفسية. ابدئي بخطوة صغيرة ومدروسة: جربي تكتبي مشاعرك ومخاوفك في ورقة أو مذكرة، وحددي النقاط اللي عايزة توصليها ليهم (مثل "أنا محتاجة دعمكم عشان أكمل علاجي"). ممكن تبدئي بحديث عام عن الضغوط اللي بتواجهيها بدون ما تذكري التشخيص مباشرة، واختاري لحظة هادية مش فيها غضب أو توتر. لو خايفة من الإنكار، قولي لهم إنكِ محتاجة مساعدتهم في البحث عن متخصص موثوق، واستندي على إيمانك إن الحياة أمانة وإن طلب العلاج مش هيخسرك آخرتك بل هيساعدك تحافظي عليها. لو لسه مش قادرة تواجهيهم دلوقتي، استمري في البحث عن طرق آمنة للعلاج (مثل جلسات أونلاين لو أمكن) وفكري في البحث عن أسئلة مشابهة على فدني عشان تشوفي تجارب ناس تانية. أنتِ غالية عندهم، وإنكِ تستحقي الدعم ده. لو عايزة نفكر مع بعض في كلمات أو طريقة معينة تقولي بيها، أنا هنا أساعدك بخطوات عملية.
تم النشر الأربعاء، ٢٢ يوليو ٢٠٢٦
راجعي نفسك
تم النشر الثلاثاء، ٢٨ يوليو ٢٠٢٦
ولازم تكملي علاج عشان حالتك متدهورش اكتر وتسوء الحالة
تم النشر الأحد، ٢٦ يوليو ٢٠٢٦
شوف اقرب حد في عيلتك متفهم وناضج ويقدر يغير الوضع
تم النشر الأحد، ٢٦ يوليو ٢٠٢٦
انا اتوقع يعني من خلال تجربة الاهل في الاول مش مقتنعين وحتى بظبط زي ما انتي بتقولي ممكن جدا يقولولك مستشفى مجانين وكلام سلبي ده ، بس لما هما يجربوا فعلا ويقابلوا المختصة او المختص لا هيتفهموا وهيقللوا الضغط ولو بشكل جزئي
تم النشر الأحد، ٢٦ يوليو ٢٠٢٦
وبعدين هما لنا يعرفوا انك بتروحي لمختص او مختصة هما نفسهم هيقللوا الضغط عليكي ولو بسكل جزئي برضوا ، وحتى هتلاقي المختص او المختصة هيطلبوا من والديك يوقفوا الضغط عليكي فورا واهلك هيتفهموا ويوافقوا
تم النشر الأحد، ٢٦ يوليو ٢٠٢٦
شوفي حد في العيلة ناضج وقوليله انك محتاجة علاج وهوه على طول هيقف معاكي مليون في المية لو هوه ناضج وعلى طول هيفهم والديك والمشكلة هتتحل ولو جزئيا ، خدي بالأسباب المتاحة اي حاجة
تم النشر الأحد، ٢٦ يوليو ٢٠٢٦
طبيبة مش طبيب بس الفكرة انهم بيسألوني بتكلمي مين وقت السيشن كذا مره اقول انها صاحبتي بس الفكر. اني شخص مش بيتكلم كتير مع حد ف حسيت انهم بيشكو فيا .. انا حرفيا جربت كل حاجه غصب عني بتسحل ف افكاري السلبية واحيانا الانتحاريه اني معدش عندي رغبة للحياة او سبب اصلا اعيش علشان انا مش عاوزة اعيش ولا عاوزة اموت
تم النشر السبت، ٢٥ يوليو ٢٠٢٦
لو قلتي لهم ممكن تعرضي نفسك للسخرية .. عليكي انك تكملي في العلاج النفسي ولكن ان كان الطبيب رجل فلا يجوز الخلوة .. والأفضل في رأيي انك تتعافي ذاتيا عن طريق الكتابة وتفريغ الأفكار يوميا أو على الأقل أسبوعيا
تم النشر السبت، ٢٥ يوليو ٢٠٢٦
@nada .. الله يعينك حقيقي
تم النشر الخميس، ٢٣ يوليو ٢٠٢٦
@Loai Abdulgawad انا فاهمه ده انا خايفة ميفهمونيش تبقى الناهية بالنسبالي
تم النشر الخميس، ٢٣ يوليو ٢٠٢٦
انا زيك بجد
تم النشر الخميس، ٢٣ يوليو ٢٠٢٦
لازم يعرفوا اللي بتمري بيه و أكيد هيفهموكي وهيحاولوا يساعدوكي
تم النشر الخميس، ٢٣ يوليو ٢٠٢٦
لعرض السؤال في فدني اضغط هنا