انا عندي مشكلة دايما في معاملتي مع ناس ودايما حاسة برفض وكل ماكون قاعدة وسط مجموعة احس بخنقة واني عايزة ارجع بيتي لدرجة اني عشان اتكلم مع حد او اسأل سؤال باخد فترة عشان اعمل دا او ابدا كلام وببقي حساسة جدا واقل حاجة ممكن شخص قدامي يعملها بشيل جوايا
ممكن بيكون عندك توقعات سلبيه من المخيطين بيكي وخوف وقلق من النقد او ملاحظه عيوب فيكي او اي حاجه يفكروا فيها بشكل يزعجك وده غالبا بيكون رهاب اجتماعي طبعا زيارتك لطبيب نفسي مهم جدا وتقدري تساعدي نفسك من...
حاولي بقدر الامكان انك متوصميش نفسك بحاجة هي فعلا ممكن تكون مش موجودة. يعني مينفعش علشان حد زعلان يقول عندي اكتئاب. مينفعش حد يكون عنده مشكلة ما، يقول انا عندي كذا، التشخيص مينفعش حد يشخصه لنفسه، والم...
معتقدش ان ده رهاب اجتماعي.. اعتقد بس انك شخصية خجوله ومتعاملتيش مع الناس كتير .. انا كنت كده في اولى وتانيه جامعه .. وده شيء عادي وهتلاقي ناس كتير زيك على فكره .. كل اللي هتعمليه انك حاولي تتصاحبي على...
أولاً، شكرًا لثقتك بي، سأحاول مساعدتك في التغلب على هذه المشكلة. أول خطوة هي الإدراك الذاتي والاعتراف بأن لديك مشكلة في التعامل مع الآخرين وأن هذا يؤثر على حياتك الاجتماعية. فيما يلي بعض النصائح التي ...
هو ده مش رهاب اجتماعى انتى حساسه جدا ...لذلك بتخافى من اى موقف يحصل وسط الناس او مع اى شخص فمتقدريش تتعاملى مع الموقف وتتحرجى سواء حلو او وحش.
انتي عندك حق انا فعلا لازام اي حاجة هتحصل اقعد افكر بتفاصيل واخطط ليها وممكن لو محصلش زي معايزة بضايق
انا كنت بمر بكدة واكتشفت ان سبب دة التوتر مع تفكير زيادة، لكن مفيش شئ اسمة رهاب بالموضوع دة، لان الرهاب شئ سئ مش سهل لذلك محدش يوهمك بالشئ دة وممكن يكون من اسباب كدة معاكي انك مش بتختلطي كتير بناس خارج اطار البيت، بتحبي العزلة او الوحدة وبتلاقي نفسك فيها مش اكتر
بس فعلا موضوع مأثر علي حياتي خاصة بعد دخولي الجامعة وكل ماتصاحب احس انهم مش شبهي وابعد وارجع للوحدة ومبقتش فاهمة هما الام شبهي ولا عيب فيا ومبعرفش اتأقلم مع ناس دا غير اني مش باخد علي ناس بسرعة وباخد فترة طويلة عشان اتعود علي وجودهم وبزعل من ناس بسرعة بس في نفس وقت مش بيبن دا ولابحب اعاتب ودا مخليني حاسة بالوحدة رغم اني فكرت ان الجامعة هتغيرني
الجامعة مش هتغيرك، انتي غيري من تفكيرك، انتي طبيعية جدا انتي لانك حاسة ان الناس الجديدة متشبهكش ومش قادرة تتعودي علي وجودهم مش مشكلة يعني، بس المهم انك تصبري وتشوفي هل احساسك دا غلط، والا فعلا عشان الاس دي مش شبهك فاحساس قلبك كان صادق، و ممكن تكوني لسة ملقتيش الناس او الاشخاص اللي يشبهوا روحك، لان ممكن انتي عندك صفات ومبادئ معينة متمسكة بيها لما بتقابلي ناس جديدة بتحسي انهم ناس تانية من حيث الاخلاق او التصرفات و نمطهم في الحياة واختلاف السلوك، بس هي الدنيا كدا كلها اختلافات لذلك اهم شي الثقة وانك تتعاملي مع الكل بس بلاش انك تتعمقي في التعامل لانك هتنصدمي في ناس كتير.
شكرا ليكي وعلي تعليقك ❤
شوفي، مع احترامي للناس اللي جاوبت، متوهميش نفسك بموضوع الرهاب الاجتماعي كل الموضوع بيتمثل في انك مش بتمري بمواقف وتجارب تخليك تتعلمي، انتي تمام، مجرد توتر لانك مش بتعيشي اللحظة اللي انتي فيها بمعني ادق انتي بتفكري في الموقف قبل ما يحصل بتفكري هتقولي اية هتعملي ايه ودا شئ عادي بس متتوتريش ولا تخططي وكل شئ هييجي بسلاسة، خليك عفوية واتصرفي بشخصيتك الطبيعية بدون تصنع او تكلف مع الثقة كلو هيكون تمااام.
لعرض السؤال في فدني اضغط هنا