اهدي كده على نفسك يا بنت الحلال وماتحمليش نفسك فوق طاقتها انتي شاطرة ومجتهدة وماشية في طريقك صح والخطأ اللي حصل ده عادي جدا وبيحصل مع أي حد في بداية حياته العملية والكل حواليكي أكدلك إنه بسيط وطبيعي عشان لسة بتتعلمي ومافيش حد بيتعلم من غير ما يغلط فالجلد الزائد للذات ده مالوش أي لازمة وهيهد حيلك على الفاضي وماتخليش غلطة صغيرة تضيع كل تعبك وتخليكي تشكي في ذكائك ونجاحك اللي وصلتيله بمجهودك وسيبك من الأفكار السلبية وخوفي من الفشل وخليكي حنينة على نفسك واستمتعي بالرحلة والتجربة وافتكري دايما إن الكمال لله وحده وإن كل غلطة بتبني خبرتك ومافيش حد شايفك فاشلة غير فكرك اللي بيشد عليك افتحي صفحة جديدة وثقي في قدراتك وكملي طريقك بكل ثقة.. وجد والله ربنا يحفظك ويوفقك
فاهمك جدا وعلى فكرة طبيعي جدا تحسي بكده لأن عقلك متعود على السكربت ده من زمان ومحتاج وقت عشان يتعلم طريق جديد ومشكلتك مش إنك مش فاهمة مشكلتك إن جسمك ومشاعرك بياخدوا الصدمة قبل عقلك ما يلحق يفكر وعشان كده الحل مش في الكلام الحلو الحل إنك لما تقعي في غلطة ماتقاوميش الشعور بالضيق سيبيه يمر عادي وخدي هدنة يوم كامل من غير ما تحكمي على نفسك ولا تحللي اللي حصل لحد ما العاصفة تهدا وافتكري دايما إن رجوعك للصفر ده وهم بيتهيألك لكن الحقيقة بتكسري حلقة قديمة وبتتعلمي حاجة جديدة والرحلة دي بتاخد وقت وطولة بال وخليكي أحن على نفسك واحدة واحدة والله هتعدي انتي بس محتاجه تحبي نفسك اكتر شويه ..ربنا يحفظك ويسعدك
تم النشر الخميس، ٢٧ أغسطس ٢٠٢٦
المشكلة اني ببقى بجد عارفة كل الكلام دا بس تنفيذه صعب جدا بجد مهما حاولت اتقبل وأخفف جلد ذات وانه ايه يعني وعادي اول ما بقع في غلطة بجد برجع للصفر تاني
تم النشر الخميس، ٢٧ أغسطس ٢٠٢٦
لعرض الإجابة في فدني اضغط هنا