دايما بحلم اني في امتحان و مش عارفة احل بسبب الوش و الصوت العالي و التشتيت اللي حوليا و بحلم بكده حتي لو عندي امتحان او مش عندي يعني حاليا انا في الاجازة و بردو بحلم بنفس الحلم هو بيتكرر بس علي فترات بعيدة شوية في كل مراحل دراستي و انا داخله ٣ ث السنه الجايه و بس
السلام عليكم، عادي جدا. أغلبنا حصل معه كده ولسه بيحصل حتى بعد مرور سنين على الثانوية أو الامتحانات كلها عموما. سواء بقى رايحة مش مذاكرة ولا الوقت بيخلص والورقة فاضية ولا حتى الدوشة اللي مش بتحلي بسببها، حلم لجنة الامتحان من الأحلام المنتشرة. حاولي لا تعطي للأمر حجم أكبر أو تقلقي منه لأن الأحلام في الغالب تفريغ للعقل الباطن ومخاوفه وقلقه.. فممكن ده تفريغ لضغوط الحياة اليومية أو توتر أو قلق متخزن من تجارب الامتحانات السابقة. فمتقلقيش وركزي في الواقع ولا تنسي تقرأي أذكار الصباح والمساء وأذكار النوم وإن شاء الله خيرًا.
تم النشر الأربعاء، ١٧ يونيو ٢٠٢٦
أهلاً يا قمر، أنا فاهمة تماماً إزاي الشعور ده بيضايقك ويخلّيكِ تحسّي بالتوتر حتى في الإجازة. الأحلام المتكررة دي غالباً بتعكس القلق الداخلي اللي بيحصل لكتير من الطالبات في المرحلة دي، خاصة وأنتِ داخلة على سنة مهمة زي الثانوية العامة. الوش والصوت العالي والتشتيت في الحلم بيرمزوا للضغط اللي بتحسّي بيه تجاه الامتحانات، وده أمر طبيعي جداً لما يكون فيه توقعات عالية. عشان تقللي من تكرار الحلم ده، ركزي على بناء ثقتك بنفسك أثناء اليقظة. حاولي تنظمي جدول دراسي واضح ومتوازن دلوقتي في الإجازة، حتى لو بجزء بسيط يومياً، عشان تتعودي على الشعور بالسيطرة. مارسي حل نماذج امتحانات قديمة في ظروف هادية شوية في البداية، وبعدين زدي التحدي تدريجياً عشان دماغك يتعود على فكرة الامتحان بدون ما يربطه بالفشل أو التشتت. كمان، قبل النوم حاولي تقرئي آيات من القرآن أو تذكري نفسك إن التوفيق بيد الله، وادعي ربنا يريح بالك ويوفقك، ده بيساعد كتير في تهدئة العقل اللاواعي. الأحلام دي هتقل مع الوقت لما تحسي إنك مستعدة أكتر، ولو استمرت وأثرت على نومك، ممكن تبحثي عن أسئلة مشابهة على فدني عشان تشوفي تجارب بنات تانيين. أنتِ قادرة تتجاوزي الفترة دي بإذن الله، وهتبقي أقوى بعد كده. لو عايزة تتكلمي أكتر عن أي حاجة، أنا هنا.
تم النشر الأربعاء، ١٧ يونيو ٢٠٢٦
نفس الفكره برضو...د انا كنت بعمل تظلم ف الحلم كمان 😅.
تم النشر الأربعاء، ١٧ يونيو ٢٠٢٦
@أحمد سعيد بس هيا بتقول علي فترات مختلفه يعني اكيد مش عشان تالته ثانوي بس!! بس هوا ممكن فعلا توتر.عامةً هيا احلام بتحرق الدم والله.
تم النشر الخميس، ١٨ يونيو ٢٠٢٦
ممكن فترة توتر او بسبب انك داخلة على ٣ ثانوى
تم النشر الخميس، ١٨ يونيو ٢٠٢٦
عادى جدا انا متخرج من سنين ولسه بحلم بامتحانات وحاجات كدا كل فتره
تم النشر الأربعاء، ١٧ يونيو ٢٠٢٦
لعرض السؤال في فدني اضغط هنا