السلام عليكم ورحمة الله وبركاته
عندي سؤال للمهندسين بالأخص الخريجين
أنا حاليا طالب في سنة تانية كهربا هندسة القاهرة و فاضلي بإذن الله سنتين و اتخرج
و بعد الثانوية كنت عايز ادخل حاسبات بس مع ضغط الأهل و السؤال هنا و هناك عرفت إن حاسبات مهارة تفكير ممكن تُكتسب من هندسة بل إن هندسة بتجعل منك من من تفكيرك أقوى و أكثر تنظيما
و صليت استخارة و توكلت على الله
فدخلت هندسة و من ساعتها حاسس إن ده مكانش افضل قرار نظرا لكمية الضغط اللي بنمر بيها في الكلية
و زائد حصلي كام دروب فيها بسبب اللايحة الجديدة ٢٠٢٤ بسبب إن الشئون مش فاهمين اللايحة لا هما ولا الدكاترة و تقريبا مكانش فيه حد فاهمها ولا عارفين يطبقوها أخدت قرار بإني اؤجل مادة نتج عن كدة ان مواد اتقفلت و مواد قفلت مواد و دوامة كدة دخلتني في مود اكتئاب لمدة و حاولت احول من الكلية ساعتها بس معرفتش و كملت السنة بس تأقلمت على الوضع و الكلام ده كان اول سنة في القسم.
بس عموما منكرش ان طريقة تفكيري فعلا اتغيرت كتير، بس هل النتيجة اللي بنلاقيها بعد التخرج فعلا تستاهل كل الضغط ده؟؟؟؟؟
بقعد كتير افكر طب ما كنت دخلت حاسبات و ريحت نفسي من الهم ده
و كتير من صحابي حولوا بعد اعدادي هندسة لحاسبات -مع العلم إن اعدادي دي اسهل سنة في هندسة- و بيقولوا الوضع في حاسبات أريح بكتير من الضغط اللي كنا بنمر بيه
و كتير من اللي بيسألوني عن الكلية بقوله متدخلهاش عشان هتتعب جدا و هي متستاهلش.
بس هل هي فعلا تستاهل ولا متستاهلش؟
لإني حاليا حتى الآن بمر بمساوئ التجربة اكيد المميزات كلها بتظهر بعد التخرج إن شاء الله.
رجاء رد لإن الموضوع فعلا كل فترة بيدور في دماغي و ببقى مش عارف هل انا ماشي صح ولا ماشي غلط
و بقيت بحس إني مبقدرش آخد قرارات لإن كثيرا ما بتكون غلط و بسأل نفسي بعدها انا ليه اخترت الاخيار ده و ملاقيش لنفسي إجابة.
فهل السنين اللي قضيتها في الكلية دي ضاعت هدر!
سلام عليكم ورحمة الله وبركاته. أنا في رأيي المتواضع إعدادي هندسة هي أسوأ سنة في الكلية نتيجة الصدمة الفجائية ونتيجة تعدد المواد وتفرقها على جميع التخصصات. لاحقا الأمور تتحسن تدريجيا نتيجة الاعتياد ونتيجة التخصص الدقيق. أقترح على حضرتك عدم الانشغال بمدى صحة قرارك الماضي إلا في حالة وجود احتمالية لتغيير المسار الآن. إذا كان تغيير المسار صعب أو غير متاح، فالواجب هو التركيز والتأقلم على الوضع القائم وعدم التشتت بالتفكير فيما مضى. لا يوجد أبدا في رأيي أي مسار يضمن النجاح بعد التخرج، لكني شخصيا أعتقد أن الدراسة في كلية الهندسة تغطي مجال أكبر من احتياجات سوق العمل مقارنة بكلية الحاسبات. ونسأل الله لنا ولكم التوفيق والسداد.
تم النشر الاثنين، ٥ يناير ٢٠٢٦
وعليكم السلام ورحمة الله وبركاته يا يوسف أسامة، أولاً، أشكرك على مشاركتك الصريحة دي، وأنا فاهمة تمامًا الضغط النفسي اللي بتمر بيه – ده شعور طبيعي جدًا لكتير من طلاب الهندسة، خاصة في جامعة القاهرة اللي معروفة بصرامتها. اللي عملته (الاستخارة والتوكل على الله) قرار حكيم، ودلوقتي السؤال: هل تستحق؟ نعم، تستحق تمامًا، بس بشرط إنك تحول الضغط ده لوقود لنجاحك بعد التخرج. ليه تستحق؟ فرص العمل والراتب : خريجي الهندسة الكهربائية من عين شمس/القاهرة مطلوبين جدًا في مصر والخليج (شركات زي سيمنز، ABB، أو حتى الـEV والطاقة المتجددة). متوسط الراتب بعد سنة تخرج: 15-30 ألف جنيه في مصر، وأعلى بكتير بره. حاسبات كويسة، بس سوقها أكتر تنافسية وتحتاج تحديث مستمر (AI، برمجة يومية)، مش أريح زي ما بيقولوا. المهارات اللي اكتسبتها : قلت إن تفكيرك اتغير – ده الذهب! الهندسة بتبني "عضلات عقلية" قوية (حل مشكلات معقدة، تنظيم، صبر)، اللي هتفيدك في أي مجال، حتى لو غيرت لاحقًا. السنين دي مش هدر، هي استثمار في شخصيتك. صحابك اللي حوّلوا : اعدادي سهلة، بس حاسبات بعد كده بتضغط بمشاريع وكورسات (زي LeetCode، ML). كتير منهم بيندموا لما يشوفوا رواتب الهندسة. نصائح عملية عشان تخرج أقوى: ركز على المهارات : ابدأ دلوقتي تتعلم MATLAB، AutoCAD، أو Arduino عبر يوتيوب/كورسات مجانية. اعمل مشاريع صغيرة (زي روبوت بسيط) وضيفها على LinkedIn – ده هيفتح أبواب. إدارة الدراسة : حدد جدول يومي صارم (4 ساعات دراسة + راحة)، وخلي يوم جمعة للراحة والصلاة. لو اللايحة الجديدة مضايقاك، روح لمكتب الشئون مع أوراقك مرتبة واسأل عن إعادة النظر. الشك في القرارات : طبيعي، بس مارس "التفكير اللاحق": بعد كل قرار، اكتب 3 إيجابيات و3 دروس. ده هيقوي ثقتك. وصلِّ استخارة تاني لو عايز تحول (ممكن بعد التخرج لماجستير حاسبات). الاكتئاب : لو رجع، مارس رياضة يومية خفيفة (مشي 30 دقيقة) واقرأ قرآن يوميًا – ده بيجدد الطاقة إسلاميًا وعمليًا. يا يوسف، أنت ماشي صح، والمميزات هتظهر إن شاء الله بعد التخرج (فرص، استقلال مالي، فخر). أنت قوي وقادر، استمر وثق في ربنا. لو عايز تكمل الحديث، أنا هنا! 💪😊
تم النشر الخميس، ١ يناير ٢٠٢٦
السلام عليكم.. توكل على الله واحتسب الأجر وهيكون اجتهادك كله اجر عند الله حتى لو شايف ان ملهاش فائدة فعالأقل هيكون ضميرك مرتاح انك اجتهدت في واحدة من أثقل الكليات ده ان مكانتش الأثقل .. وياسيدي مفيش حد بيدرس هندسة ويروح عالفاضي اكيد هيقويك في حاجات ثانيه وهتقوي عندك حس الإلتزام ودي حاجة هتنفعك في كل مجالات حياتك
تم النشر السبت، ٣ يناير ٢٠٢٦
توكل ع الله
تم النشر السبت، ٣ يناير ٢٠٢٦
لعرض السؤال في فدني اضغط هنا