السلام عليكم، انا طالبة في تالته ثانوي عام دفعة ٢٥ يعني كنت مأجله مواد، من تانيه ثانوي وانا بدأت أكبر دماغي وبقول فكك بقا وشدي السنه الجايه م طول عمرك بتتعبي ف الدراسه وتطلعي من الاوائل فيها اي لما تريحي شويه السنادي وبالفعل كنت بفتح سوشيال ميديا كتير جدا لدرجة وصلت إلى الإدمان بقيت بنام كتير جدا جدا دايما مش عندي طاقه بتعب بسرعه مجرد م اعمل مجهود بسيط حولت دروسي كلها اونلاين لان كنت بتعب جامد ومش بقدر اروح الدروس وبنعس غصب عني، قولت يمكن ضغط ويعدي دخلت تالته بنفس الوضع بس خلاص قررت هرجع اهتم بدراستي اووي لان عايزه اجيب مجموع عالي وكله بيقولي دكتوره وحاطين امل كبير فيا المشكله ان الدنيا مكانتش زي ما خططت وراكمت كتير من الاول ومكنتش عارفه ارجع اذاكر حوار النوم والتعب روحت لدكاتره كتير واخدت فيتامينات والتحسن بسيط للأسف المهم انا يعتبر ضيعت اول سنه ع الفاضي واجلت مواد لان كنت شايفه ان انا كدا حلمي هيضيع بسبب ان مكنتش بذاكر وقولت خلاص اكيد اتعلمت الدرس وهشد السنه دي ودي فرصه ليا لازم استغلها بالذات ان اهلي وافقوا بصعوبه ع التأجيل، لكن نفس الشيء بيتكرر تاني السنادي وتعبت جدا عملت كل حاجه عشان اذاكر مش بقدر عندي قدرة اقعد ابص ع السقف ولا ان اذاكر مفيش تواصل كفايه بيني وبين اهلي عشان احكي دا لان هيشوفو ان دا دلع استمريت ع الأذكار والقرآن والرُقيه مفيش حاجه بتتحسن! انا زهقت جدا من فشلي انا مش عايزه أكون شخص فاشل بس مش قادره اتغير بدأت افكر ان عايزه ام..وت وبقول قدام اهلي حاجات كتير مش حلوه وبيزعقولي وماما وقفتني دوا كان كاتبه دكتور ظنا منه انه السبب لان من اول م بدأت اخده والطاقه السلبيه ذادت اكتر ، كل مره بصبر نفسي ان لا دي دنياا اهدي كدا بس خلاص مبقيتش قادره حاسه ان عايشه عبث كدا يعني بلا قيمه او منفعه ، بقيت بفكر لو اهلي بيربو حاجه تاني بدالي كان نفعهم اكتر مني الامتحانات قربت جدا وانا لسه حالتي سيئه ضيعت سنتين ع الفاضي وضيعت الكليه اللي بتمناها يعتبر حاسه بقيت بطيئه ف اي حاجه بعملها ومش بستوعب بسرعه عندي حاجات كتير عايزه اقولها بس هكتفي بكدا واسفه ان طولت لكن معنديش حد ممكن احكيله لو حد يعرف يساعدني هكون متشكره جدا ، جزاكم الله خيرا مقدما🙏
و عليكم ورحمه الله وبركاته بصي يا بنت الحلال إنتي مش فاشلة ولا بتدلعي خالص كل الحكاية إن جسمك وعقلك جابوا آخره من كتر الضغط والتفكير في اللي ضاع وسقف التوقعات اللي أهلك حاطينهولك وده اللي مخليكي علطول تعبانة وعايزة تنامي ومش قادرة تستوعبي وطالما الدكاترة بتوع الفيتامينات منفعوش يبقى التعب ده نفسي مش عضوي ومحتاجة تفكي عن نفسك وتدوري على دكتور أو أخصائي نفسي يساعدك تطلعي من حالة الاكتئاب دي والخطوة السريعة اللي تعمليها دلوقتي إنك تمسحي كل برامج السوشيال ميديا من تليفونك عشان بتزود طاقتك السلبية وبتخليكي تقارني نفسك بغيرك وتكتئبي أكتر ولما تيجي تذاكري متصدميش نفسك بالمنهج كله قولي لنفسك أنا هقعد أذاكر صفحة واحدة بس أو أسمع ربع ساعة أونلاين ولما تخلصيها كافئي نفسك الإنجازات الصغيرة دي هي اللي هترجعلك شغفك بالتدريج وافتكري دايماً إن صحتك وعافيتك بالدنيا كلها وأهلك يهمهم يشوفوكي بخير قبل الكلية ومفيش حاجة اسمها الدنيا هتقف لو مجبتيش طب ياما ناس مدخلتش كليات قمة وحياتهم زي الفل وناجحين جداً اهدي كده واستعيني بالله وابدأي من دلوقتي خطوة خطوة من غير ما تجلدي في ذاتك ودوسي في اللي جاي وربنا هيكرمك ويفرح قلبك باذن الله
تم النشر الأربعاء، ٢٧ مايو ٢٠٢٦
انت مش فاشله خالص بالعكس انت شطورة اوى انك فاهمه نفسك وبتتكلمى عن نفسك بالشكل دا ولكن انت بس بتحاولى تهربي كلما ييجى وقت المواجهه اذا كان فى المذاكرة او الامتحانات او الدروس الاوفلاين بتهربي بتهربي ودى اسهل وسيله للانسان يعملها احنا كلنا بنهرب من المسؤوليه ولكن الشاطر اللى هيتعلم ازاى يكون مسؤول عن نفسه و هيعطى ثقه لنفسه انه قدها و هيجازف الهروب و هيقوى نفسه بنفسه اجمل حاجه قولتيها الاذكار والقران والرقيه حاجه فى منتهى الروعه ولكن فين السعى اللى بعد الجمال دا فى سعي بعد الاذكار وورد القران علشان ربنا يقويك وتكملى مذاكره على خير وطبعا مش محتاجه اقولك ان لسه فى فرصه فلو ضيعتى سنتين زى ما بتقولى فيه اقل من شهر تثبتي نفسك فيهم ومش تخلى حد يشمت فيك وكفاية انك شطورة وبتطلعى من اوائل المدرسه كل سنه دى اكبر حافز ليك انك تفوقى لنفسك من جديد جددي نيتك واستعيذى بالله من الشيطان و توكلى على الله وابدأي بقوه اقصي قوه عندك علشان تلحقى كليتك قبل ما حد ياخدها منك
تم النشر الأربعاء، ٢٧ مايو ٢٠٢٦
وعليكم السلام ورحمة الله، سامعة تعبك يا سامة وأنا آسفة إنك بتمري بكل ده. اللي بتصفيه يشبه أعراض اكتئاب شديد، وده مش ضعف أو دلع، ده حالة تحتاج مساعدة متخصصة فورًا. أهم خطوة دلوقتي: روحي لطبيب نفسي أو استشيري متخصص على طول. مش هتقدري تتغلبي على ده لوحدك، والتأجيل أو الضغط هيزود المشكلة. ادخلي صفحة الخبراء في فدني: https://www.fedni.net/experts وابحثي عن أخصائي نفسي أو طبيب نفسي، فيه ناس متخصصين في الضغط الدراسي والاكتئاب. كمان ابحثي عن أسئلة مشابهة في فدني عشان تشوفي تجارب تانية. أنتِ مش فاشلة، ومش لوحدك. ربنا معاكِ، وفيه أمل حقيقي لو خدتِ الخطوة الصح. لو عايزة تتكلمي أكتر أنا هنا، بس الدعم المهني هو الأولوية.
تم النشر الأربعاء، ٢٧ مايو ٢٠٢٦
حابة أضيف ان عندي مدى تخيل واسع وبعيش حياة ف دماغي طول الوقت (الحياه اللي بتمناها)+ مبقيتش حابه اتواصل مع حد لو حد كلمني برحب بيه بس مبقيتش عايزه اكلم صحابي و لا اشوف قرايبي لكن لو شافوني بضحك معاهم عادي واتكلم كأن مفيش حاجه ثانيا انا مش بس بكتب مشكلتي عشان ثانويه عامه لكن انا خايفه افضل طول حياتي بنفس الشكل دا ومفيش انضباط ولا التزام ولا اعرف اتحمل مسؤولياتي
تم النشر الأربعاء، ٢٧ مايو ٢٠٢٦
لعرض السؤال في فدني اضغط هنا