السلام عليكم، انا طالبة في تالته ثانوي عام دفعة ٢٥ يعني كنت مأجله مواد، من تانيه ثانوي وانا بدأت أكبر دماغي وبقول فكك بقا وشدي السنه الجايه م طول عمرك بتتعبي ف الدراسه وتطلعي من الاوائل فيها اي لما تريحي شويه السنادي وبالفعل كنت بفتح سوشيال ميديا كتير جدا لدرجة وصلت إلى الإدمان بقيت بنام كتير جدا جدا دايما مش عندي طاقه بتعب بسرعه مجرد م اعمل مجهود بسيط حولت دروسي كلها اونلاين لان كنت بتعب جامد ومش بقدر اروح الدروس وبنعس غصب عني، قولت يمكن ضغط ويعدي دخلت تالته بنفس الوضع بس خلاص قررت هرجع اهتم بدراستي اووي لان عايزه اجيب مجموع عالي وكله بيقولي دكتوره وحاطين امل كبير فيا المشكله ان الدنيا مكانتش زي ما خططت وراكمت كتير من الاول ومكنتش عارفه ارجع اذاكر حوار النوم والتعب روحت لدكاتره كتير واخدت فيتامينات والتحسن بسيط للأسف المهم انا يعتبر ضيعت اول سنه ع الفاضي واجلت مواد لان كنت شايفه ان انا كدا حلمي هيضيع بسبب ان مكنتش بذاكر وقولت خلاص اكيد اتعلمت الدرس وهشد السنه دي ودي فرصه ليا لازم استغلها بالذات ان اهلي وافقوا بصعوبه ع التأجيل، لكن نفس الشيء بيتكرر تاني السنادي وتعبت جدا عملت كل حاجه عشان اذاكر مش بقدر عندي قدرة اقعد ابص ع السقف ولا ان اذاكر مفيش تواصل كفايه بيني وبين اهلي عشان احكي دا لان هيشوفو ان دا دلع استمريت ع الأذكار والقرآن والرُقيه مفيش حاجه بتتحسن! انا زهقت جدا من فشلي انا مش عايزه أكون شخص فاشل بس مش قادره اتغير بدأت افكر ان عايزه ام..وت وبقول قدام اهلي حاجات كتير مش حلوه وبيزعقولي وماما وقفتني دوا كان كاتبه دكتور ظنا منه انه السبب لان من اول م بدأت اخده والطاقه السلبيه ذادت اكتر ، كل مره بصبر نفسي ان لا دي دنياا اهدي كدا بس خلاص مبقيتش قادره حاسه ان عايشه عبث كدا يعني بلا قيمه او منفعه ، بقيت بفكر لو اهلي بيربو حاجه تاني بدالي كان نفعهم اكتر مني الامتحانات قربت جدا وانا لسه حالتي سيئه ضيعت سنتين ع الفاضي وضيعت الكليه اللي بتمناها يعتبر حاسه بقيت بطيئه ف اي حاجه بعملها ومش بستوعب بسرعه عندي حاجات كتير عايزه اقولها بس هكتفي بكدا واسفه ان طولت لكن معنديش حد ممكن احكيله لو حد يعرف يساعدني هكون متشكره جدا ، جزاكم الله خيرا مقدما🙏
تم النشر الأربعاء، ٢٧ مايو ٢٠٢٦
انا نزلته مخصوص للمشكله دي بس وهمسحه بإذن الله ، ولا يهمك مفيش داعي للإعتذار
تم النشر الأربعاء، ٢٧ مايو ٢٠٢٦
حاضر المهم استمر بس وربنا ييسرها جزاك الله خيرا تعبت حضرتك
تم النشر الأربعاء، ٢٧ مايو ٢٠٢٦
فيزياء بس بجد لو بدأت بيها هتعقد لان انا ضعيفه فيها بسبب ان لميتها ف فتره صغيره فبشوف ان ان الم كيميا ع السريع دلوقتي وبعدين اول ٦ ادخل على الاحياء والفيزيا
تم النشر الأربعاء، ٢٧ مايو ٢٠٢٦
اه بس حرفيا محتاجه درجات نهائيه وانا بوضعي الحالي معتقدش ابدا ان اقفل مواد! انا بفكر ان اضغط شويه واخلص الكيميا مراجعه وحل من مندليف ع الأبواب ف اليومين اللي قبل شهر 6 دول واول 15 يوم من شهر سته هيكون نفس النظام للفيزياء والأحياء والنص التاني من 6 هحل استرشادي كيميا وسنوات سابقه و15 شامل من مندليف وفي اسبوع قبل الفيزيا اللي هو يعتبر ليالي امتحان احل استرشادي وسنوات سابقه ونفس الكلام الاحياء
تم النشر الأربعاء، ٢٧ مايو ٢٠٢٦
مش اووي يعني بس ماشي الحال نقصت 11 عربي و 5 انجليزي
تم النشر الأربعاء، ٢٧ مايو ٢٠٢٦
خير بإذن الله لا انا الانجليزي والعربي امتحنتهم السنه اللي فاتت فدي المواد اللي عليا السنادي
تم النشر الأربعاء، ٢٧ مايو ٢٠٢٦
انا محتاجه اراجع كيميا وأحياء والفيزياء يعني مش كويسه فيها بس خير يعني هحاول وأن شاء الله تظبط
تم النشر الأربعاء، ٢٧ مايو ٢٠٢٦
لا لا انا مش هتواصل معاها بصراحه انا شخص بتوتر جامد وببين دا للي حواليا بالذات ان علاقتي بيها كويسه فمش عايزه يعني اكون سبب ف ان اضرها او تاخد مني طاقه سلبيه كدا ف انا هحاول احل مشاكلي مع نفسي وربنا يعين
تم النشر الأربعاء، ٢٧ مايو ٢٠٢٦
اه هي كويسه جدا ربنا يوفقها يارب بس احنا دروسنا اونلاين فمش بتقابل وهي شايله فونها مع مامتها عشان تركز ف مذاكرتها اكتر يعني ف انا اكيد مش بتواصل معاها دلوقتي لان هكون بعطلها كدا
تم النشر الأربعاء، ٢٧ مايو ٢٠٢٦
حاضر دعواتك ، اه معايا اتنين واحده شاطره بس مفيش تواصل حاليا بينا ومش عايزه اشغلها بيا يعني و واحده قريبه مني بس انا للأمانه مش عايزه اتواصل معاها لان بتحبطني جامد ومش عندها طموح يعني كل م بتقدم ف حاجه واحكيلها بتخرج حرفيا ف اتعقدت وماشيه مع نفسي
تم النشر الأربعاء، ٢٧ مايو ٢٠٢٦
خير بإذن الله شكرا لحضرتك اخدت من وقتك كتير
تم النشر الأربعاء، ٢٧ مايو ٢٠٢٦
شكرا جدا حبيبتي تسلمي
تم النشر الأربعاء، ٢٧ مايو ٢٠٢٦
شكرا جدا لرد حضرتك انا بالفعل ماسحه اكونت الفيس والانستا نهائي ويعتبر معنديش سوشيال ميديا غير تليجرام ويوتيوب ، موضوع الطب هو مش بس اهلي انا كمان كنت دايما بشوف نفسي فيه بس انا دلوقتي خايفه افضل كدا يعني هكون دايما كدا معنديش قدرة على تحمل المسؤوليه! اديلي اكتر من سنتين بحاول أنجز حاجه لكن مش بقدر مع ان قدراتي كويسه بشهادة ناس أكبر مني وأكثر خبره مني ف انا خايفه من فكرة اني افضل مش قد المسؤوليه ومعرفش اعمل حاجه ف حياتي وحاضر هحاول اشوف دكتورة نفسيه
تم النشر الأربعاء، ٢٧ مايو ٢٠٢٦
شكرا جدا لكلامك الجميل هستمر في المحاولات وربنا يعيني ويسدد خطايا يارب
تم النشر الأربعاء، ٢٧ مايو ٢٠٢٦
نفس الشيء بجد وبرضو عندي نقص فيتامين دال وباخد علاج بس التحسن لسه بسيط جدا ياريت لو حد يفيدنا بجد
تم النشر الأربعاء، ٢٧ مايو ٢٠٢٦
حابة أضيف ان عندي مدى تخيل واسع وبعيش حياة ف دماغي طول الوقت (الحياه اللي بتمناها)+ مبقيتش حابه اتواصل مع حد لو حد كلمني برحب بيه بس مبقيتش عايزه اكلم صحابي و لا اشوف قرايبي لكن لو شافوني بضحك معاهم عادي واتكلم كأن مفيش حاجه ثانيا انا مش بس بكتب مشكلتي عشان ثانويه عامه لكن انا خايفه افضل طول حياتي بنفس الشكل دا ومفيش انضباط ولا التزام ولا اعرف اتحمل مسؤولياتي
تم النشر الأربعاء، ٢٧ مايو ٢٠٢٦
لعرض الملف الشخصي في فدني اضغط هنا