السلام عليكم ورحمة الله وبركاته
أنا شاب في تالته ثانوي أزهر أنا إنسان كتوم جدا ومبحبش اصدع حد بمشاكلي ولاحد يعرف حاجه عني ديما علاقاتي محدوده وكلامي كمان حتى اقرب الناس ليا ميعرفوش اي حاجه عني اي كان
انا السنادي يعتبر مذاكرتش خالص ليه وازاي معرفش مع أن مستواي في السنين اللي فاتت كان حلو جدا وكل كان متوسم فيا مستقبل حلو وأشياء من هذا القبيل وبالذات والدي
ولسا لحد الان لانه ميعرفش حاجه عني ولا عن مذاكرتي إذا كان هو ولا والدتي لو سألني بس المذاكره عامله معاك ايه اقوله حلو وخلاص
فأنا دلوقتي حاسس ان انا خذلته وحرفيا منهار بسبب كدا ومش فارقه معايا نفسي مش صعبان عليا غيرهم وامتحاناتي انا مش عارف ايه اللي بيحصل حتى الغش مش بغش ببقا عاوز اخلص وخلاص واطلع من اللجنه حتى صحابي مش مصدقين إن دا انا وان دا مستوايا وكمان في سنه مصيريه بالذات مقارنة بالسنين اللي قبلها واحتمال كبير اعيد السنه دي وفكرت اسيب البيت أو عشان مبقاش عبئ على ابويا انا زهقت
السلام عليكم ورحمه الله وبركاته الكتمان ده من اصعب الاشياء على الانسان من الانسان دائما من طبيعته ان هو محتاج يشارك جواه مع حد يعني خلينا نكون احنا دلوقتي انت تشارك معاهم اللي جواك بما انك عرفت سؤالك لانك شاركت جزء من اللي جواك معانا فاا ممكن تشارك معانا لما انت ما كنتش بتذاكر كنت بتعمل ايه يعني الوقت اللي كان بيضيع ده بيضيع في انكم تحط الكتاب بس وتبقى سرحان ولا ما كنتش بتفتح الكتب خالص كنت بتعمل حاجه ثانيه ايه الحاجه اللي انت كنت سايب الوقت يروح فيها بدل المذاكره دي اول حاجه كده يعني خلينا نستكشفها مع بعض عشان نشوف ممكن يكون في حاجه هي اللي صعدت على اللي حصل معاكي.
تم النشر الجمعة، ٢٧ يونيو ٢٠٢٥
عليكم السلام ورحمه الله وبركاته بص حضرتك انا متفهمه الي حضرتك قلته جدا لاني حصل معايا نفس الشيء بس بشكل مختلف شويه بص حضرتك حاول تنسي كل دا و تتكلم مع والدك هو اكيد هيزعل اكيد ممكن يتعصب بس حاول حتى لو هتعيد السنه حاول لو عندك حلم مش تسيبها و انتظم في الصلاة و خليك مع ربنا و إن شاء الله ربنا هيكون معاك و حبه كمان اشجعك علي انك مش بتحب الغش دي حاجه كويسه جدا اكبر دليل انك شخص ناجح و محترم و عارف أن مجهوده كافيه و انا متاكده أن ربنا يكرمك إن شاء الله متسمعش لحد لانك فعلا هتسمع كلام من الناس و حش جدا حاول تبعد عن اصحابك لو هما من النوعيه الي تفضل تحبطك و تقول انا مش بذاكر
تم النشر الخميس، ٢٦ يونيو ٢٠٢٥
وعليكم السلام ورحمة الله وبركاته أخي العزيز، أولاً أريد أن أقول لك إنني أقدّر شجاعتك على مشاركة هذه المشاعر الصعبة، وهذا بداية قوية لأي تغيير أو خطوة نحو الأفضل. من كلامك واضح إنك تمر بمرحلة صعبة جداً، وتشعر بثقل كبير بسبب الضغط النفسي والقلق من خذلان والديك، وهذا شعور مؤلم ويحتاج أن نتعامل معه بحذر وعناية. دعنا نحلل الموقف ونقسمه إلى خطوات صغيرة وممكنة: الاعتراف بالمشكلة والقبول أنت واعي بالمشكلة وهذا مهم جداً. الاعتراف بعدم المذاكرة أو الانخفاض في الأداء هو أول خطوة نحو التغيير. لا تحكم على نفسك بقسوة، بل تعامل مع الأمر كفرصة لتحسين نفسك. محاولة فهم أسباب الانخفاض أو عدم وجود الدافع قد يكون السبب ضغوط نفسية، أو شعور بالإحباط، أو خوف من الفشل، أو حتى أسباب أخرى مثل التعب أو القلق. حاول أن تسأل نفسك: ما الذي يمنعني من التركيز والمذاكرة؟ هل هناك شيء يؤرقني أو يقلقني؟ الكتمان وعدم البوح بالمشاكل أنت تقول أنك كتوم ولا تحب أن تفصح، وهذا طبيعي أحياناً، خصوصاً مع الخوف من الإحباط أو لوم الأهل. مع ذلك، مشاركة مشاعرك مع شخص تثق به، حتى وإن كان شخصاً متخصصاً، يمكن أن يخفف عنك هذا العبء ويعطيك مساحة لتفهم وضعك بشكل أعمق. تحديد خطوات عملية للمذاكرة ولو بشكل بسيط لا تحاول أن تضغط على نفسك بأن تعيد كل ما فاتك مرة واحدة، بل ابدأ بتقسيم الدراسة إلى أجزاء صغيرة يومياً. مثلاً: نصف ساعة مراجعة يومياً أو تنظيم وقت معين للدراسة. التواصل مع الوالدين بشكل بسيط وصادق ربما تخاف من مواجهتهم بهدوء مشاعرك، لكن يمكنك أن تبدأ بكلمات بسيطة تعبر فيها عن أنك تمر بصعوبة، وهذا لا يعني أنك فاشل، بل إنك تريد دعمهم والتفهم. أحياناً الوالدين يحبون أن يعرفوا الواقع حتى يستطيعوا مساعدتك. التعامل مع القلق والخوف من الفشل تذكر أن أي تجربة فشل هي فرصة للتعلم والبناء على أخطائنا. الدنيا فرصة وليست النهاية، وفشل السنة ليس نهاية العالم، يمكن تعويضه بالمثابرة والتخطيط. البحث عن دعم نفسي أو إرشادي لا بأس أن تستعين بخبير نفسي أو مستشار تربوي في المدرسة أو خارجها، لأنهم يمكن أن يساعدوك على تجاوز مشاكل الحزن أو فقدان الدافع. في تطبيق فدني هناك خبراء يمكنك التواصل معهم ليساعدوك بدعم نفسي أو إرشادي. أختتم بالتحفيز: أنت لست عبئاً على أبيك أو أمك، أنت الغالي الذي يحبونه ويريدون الأفضل لك. اقف الآن مع نفسك، واحرص على خطوة بسيطة للأمام، وستجد أن الطريق يصبح أسهل مع الوقت. إذا احتجت دعم عملي أو خطوات محددة في تنظيم وقتك أو المذاكرة، أنا هنا معك، أو يمكنك تصفح أسئلة أخرى في فدني وربما تجد من المشتركين قصصاً وتجارب تشجعك. هل تود أن أساعدك في وضع خطة مذاكرة تناسب ظروفك؟ أو هل تود التحدث أكثر عن شعورك مع والديك؟ ذكية هنا دائماً لأجلك.
تم النشر الأربعاء، ٢٥ يونيو ٢٠٢٥
لا قوة الا بالله.. بس انت فاهم غلط، العلاقات والمعارف مش بس كلام عن المشاكل هي مش جلسة تأهيل نفسي، الفكرة ان الاصل لازم يكون فيه اصدقاء، وتخرجوا مع بعض وتتقابلوا تخفف ضغط المذاكرة شوية ، لعب في النادي مثلا مشوار تمشية اي حاجة، وماتشيلس الهم كده، عادي جدا، اما تحس بضغط اطلع اتمشى شوية عادي الدنيا واسعة، واذكر ربنا بقى وانت ماشي، يفتكرك ويقف معاك، بعض المشاكل مش بيحلها الا ربنا
تم النشر الأربعاء، ٢٥ يونيو ٢٠٢٥
حاليا انا ثانويه عامه برضو وأدركت حاجه مهمه جدا كل لحظه بتعدي عليك تقدر تعمل فيها حاجه والله لو كانت يوم تقدر تعمل فيهااي حاجه وربنا لو شاف من الشخص صدق نيه ومحاوله هيكرمه وهيوفقه الفكره مش اللي بدا جد هيسبقني الفكره انت هتسبق نفسك عن امبارح ولو انهارده هتجيب 40% فلو حاولت هتترفع ل 50% وهكذا الفكره كلها في البدايه مش المهم فوقت وعرفت غلطك امتي المهم انك متفضلش مكمل في الغلط ده وتلحق نفسك وصدقيني في اي وقت أدركت في خطأك وصلحته فهو لي نتيجه مش هتظهر دلوقت بس هتظر بعدين
تم النشر الجمعة، ٢٧ يونيو ٢٠٢٥
اصل المشكلة هي أنك كتوم .. كتمان المشاعر بيخليك ثقيل في كل حاجة وكاره نفسك ومحبط وحاسس بالذنب .. فده بيمنع انك تذاكر .. تقدر تكتب كل يوم ٥ سطور مثلا تعبر بكل صراحة وتقبل عن أحزانك وشعورك بالفشل ....
تم النشر الجمعة، ٢٧ يونيو ٢٠٢٥
لعرض السؤال في فدني اضغط هنا