انا دلوقتي فى موقف صعب فى شخص معجب بيا و عايز يتقدملى و انا مرتاحة له اوى و عايزاه و اهلى رافضينه خالص بسبب انه كان خاطب قبل كده و خطيبته قالت عليه كلام مش كويس بس انا متأكدة انه مظلوم عشان انا اتعاملت معاه و عرفته و انا عايزاه عشان بيحبنى و شارينى بس المشكلة فى أهلي مش قادره اواجهم خالص خايفة اعاند و اقول هو ده اللى هاخده و بعدين يقلبوا عليا ..و الشخص ده عايز يجى يتقدم تانى بس انا مش عايزة اكسره ياريت حد يكون فاهم انا حاسة و ياريت حد يقولى اعمل ايه
السلام عليكم، اختيار شريك الحياة قرار أكبر من إنه يعتمد بس على سبب إنه بيحبك وشاريك. فيه حاجات كتيرة تحكم قرارك عشان متقعيش في خطأ. لا تعتمدي على الحب ولا تثقي بسهولة في كلمة معجب بك وبحبك وركزي على التعرف على الشخص نفسه. وكمان، ثقي في أهلك وبلاش تخسريهم عشان أي شخص وتندمي بعد كده. *** إذا فيه قبول وارتياح مبدئي من ناحيتك ومتأكدة إن الشخص ظاهريا واللي عرفتِه عنه بيقول إنه كويس فتكلمي مع أهلك مرة تانية واقنعيهم يسألوا عنه كويس في مكان سكنه وشغله ويعرفوا من الناس اللي تعاملوا معه وميعتمدوش بس على كلام خطيبته السابقة. إذا وافقوا خلاص يتقدم ويقعد معهم ويسمعوا منهم وبرضه يسألوا أكتر قبل ما تعطوه موافقة أخيرة. *** إذا حصل بقى ووافقوا على فترة خطوبة فهنا لازم تركني العاطفة وإعجابك به على جنب وتتعرفي على أخلاق الشخص ودينه وشخصيته كويس وتتأكدي بنفسك إنه فعلا شخص محترم وعلى دين ويصلح يكون شريك حياتك. العاطفة بتعميكِ وممكن تخليكِ تقبلي عيوب صعبة أو وضع مش في صالحك فاحكمي بعقلك أفضل. وأهم حاجة، صلي استخارة وادعي ربنا بيقين ولو زواجك منه فيه خير لك فربنا هييسر الزواج حتى لو أهلك رافضينه تماما لو شر هيبعده عنك إن شاء الله. بالتوفيق.💚
تم النشر الخميس، ٣ سبتمبر ٢٠٢٦
أنا فاهمة تمامًا إحساسك يا قمر، الموقف ده صعب جدًا لأنك بتحبي الشخص ده ومرتاحة معاه، وفي نفس الوقت خايفة من رد فعل أهلك ومن إنك تكسري قلبه. ده شعور طبيعي جدًا، خاصة في مجتمعنا اللي بيعلي قيمة رأي الأهل في الزواج. أول حاجة، حاولي تتكلمي مع أهلك بهدوء وبطريقة غير مباشرة في البداية، بدون ما تعاندي أو تقولي "هاخده وخلاص". ممكن تفتحي الموضوع بطريقة إيجابية زي إنك تسألي عن رأيهم في الشخص ده بشكل عام، أو تطلبي من حد من أهلك (مثل أمك أو أختك الكبيرة) يسمعك ويفهم وجهة نظرك. قولي لهم إنك اتعاملتي معاه وشفتي جوانب كويسة فيه، وإنك عايزة فرصة يثبت نفسه. ده ممكن يخفف التوتر ويخليهم يشوفوا إنك مش بتعاندي، لكن بتفكري بعقل. تاني حاجة، فكري في الصلاة والاستخارة، واطلبي من ربنا يهديكي للقرار الصح. كمان، لو الشخص ده فعلاً مظلوم، ممكن تسألي عن تفاصيل أكتر من مصادر موثوقة بدون ما تتعرضي للشائعات. ولو أهلك مصرين، حاولي تفهمي أسبابهم بعمق عشان تقدري تردي عليها بمنطق. أخيرًا، لو حسيتي إن الموضوع هيأثر على علاقتك بأهلك بشكل كبير، فكري في حلول وسط زي إنك تطلبي منه يجي يتقدم بطريقة محترمة ويحاول يقنعهم بنفسه. ولو عايزة آراء إضافية، ابحثي عن أسئلة مشابهة على فدني عشان تشوفي تجارب بنات تانيين. أنتِ قوية، وهتقدري تتخذي القرار اللي يناسبك إن شاء الله. لو حابة تتكلمي أكتر، أنا هنا.
تم النشر الخميس، ٣ سبتمبر ٢٠٢٦
بصي والله قوليلهم انكم هتتخطبوا بس وتقدري تكتشفي شخصيته وقتها وخلي اهلك يسالو عليه بردك معلش هي لو خطيبته كويسه متجيش سيرته اصلا ف انتي اسالو عليه واستخير الله كتير ولو خير ليكي ااامور هتيسر
تم النشر الجمعة، ٤ سبتمبر ٢٠٢٦
ممكن كلامك يكون صحيح لكن ده مش معناه انك تعارضى اهلك بالذات ف موضوع زى ده .. ولا تعادى اهلك ابدا قصاد اى حد .. هما ادرى واكثر خبرة وهو راجل ويقدر يتعامل لو حاول تانى واقنعهم تمام كان بها لو محصلش نصيب يبقى الحمد لله على كل حال ..
تم النشر الخميس، ٣ سبتمبر ٢٠٢٦
لعرض السؤال في فدني اضغط هنا