1- انا عايش في صراعمبين الدين والدنيا يعني مش كلتزم اوي من ناحيه الدين وفي نفس الوقت مش عارف انجح في حياتي الدنيويه
2-انا احيانا ببقا فظ جدا مع الناس القريبه مني وبتحبني وكلامي بيكون جارح وانا مش عارف احل المشكله ديه
3-انا بكبر المواضيع الي ملهاش لازمه و بصغر المواضيع المهمه
4-مش بصارح حد انا زعلان منه ليه
5-انا شخص كتوم جدا وانا الصراحه بعشق العزله والبعد عن الناس والكتمان بس انا مش هارف ده صح ولا خلط ولما احاول اتعامل مع الناس بحس إني بجبر نفسي علي التعامل مع الناس فلذلك انا بعشق العزله انا قاصد اني استخدم لفظ العشق لأني فعلا بعشق العزله
اولا ايه هو الصراع بالظبط اللي مخليك حيران اوي كده ما بين الدين والدنيا؟ مسألتش نفسك طيب بما انك مش ناجح في الدنيا، جرب تشوف الدين يمكن ده يكون سبب صلاحك برضه .. وتلاقي نفسك وتنجح في اللي انت عايزه! ثانيا امتى بدأت تحس انك بتكون فظ بالشكل ده؟ هل حصلت اي مشكلة قبل ما تكون بالشكل ده؟ هل فيه حد مقرب منك كده (اهل، صحاب)..؟ ثالثا لما تصغر اي موضوع مهم؟ ده بيديك ايه - يعني بتشعر ب ايه لما تصغر اي شئ مهم؟ بتحس بالراحة مثلا؟ ولما تكبر اي موضوع صغير من وجهة نظر الاخرين .. بتشعر برضه ب ايه؟ هل بتكون مدرك وقتها ان الموضوع صغير او كبير؟ رابعا مش بتصارح حد انت زعلان منه ليه؟ ممكن يكون لكذا سبب .. انت نشأت على كده من صغرك، تعودت على ان لو فيه شئ مزعلك تكتمه جواك ومتصرحش بيه. تاني شئ ممكن مش هامك الشخص ويعني ما صدقت ان حاجه حصلت علشان الموضوع يتقطع تماما. ممكن بتحس بثقل ناحية الاعتراف بمشاعرك لاي حد، او بتكره العتاب. خامسا لا ضرر ولا ضرار في اي شئ مش بيضرك، او مش بتضر حد فيه، يعني انت بتحب العزلة بتلاقي نفسك فيها، ايه المشكلة! المهم انها متأثرش عليك في اي حاجه .. سواء من النناحية العملية او التعليمية او النفسية.
تم النشر الأربعاء، ٦ مارس ٢٠٢٤
قال تعالى (وما الحياه الدنيا إلا لعب ولهو) الدنيا زائله بكل ما فيها ف مفيش حاجه تستاهل تعصي ربنا علشانها سواء شخص أو اغاني أو أي حاجه وما خلقنا إلا للعباده احنا لازم نتعب في الدنيا علشان في الاخره يكون لينا الجنه والله مصيبه جنه عرضها السموات والأرض ولا تملك منها شبرا اما بالنسبه لمشاكلك التانيه بسيطه اتعامل مع الناس بحل حب وطيبه واحترام أما بالنسبه لحب العزله ف مفيش احسن من صحبه كتاب ومفيش افضل من القرآن الكريم
تم النشر الخميس، ٧ مارس ٢٠٢٤
و ابدأ اعمل علاقات مع الناس بجد ملتزمه دينيا مش شكليا بس ، ابدا روح المسجد و ان شاء الله تتعرف علي صحبة تاخد شويه من وحدتك ، و ربنا يرضي عنك و يسعدك
تم النشر الخميس، ٧ مارس ٢٠٢٤
من ناحية الدين ، حاوط نفسك بكل شيء يفكرك دايما بالدين ، زي اقرا كل يوم قرأن و طبعا صلي كل فروضك و ممكن تبدأ تتعلم دينك من الاول ، في ناس زي احمد عامر و السيرة النبوية بتاعته و علاء حامد برضه ، حاوط نفسك بدينك و متنساش ان الدنيا زائله و صدقني لما تقرب لربنا اكتر حتتحل معظم مشاكلك ، بالنسبة لأنك ممكن تقول كلام جارح حاول تفكر دائما في الكلام قبل نا تقوله و بالذات لو بتقوله لحد عزيز عليك فكر اكتر
تم النشر الخميس، ٧ مارس ٢٠٢٤
لعرض السؤال في فدني اضغط هنا