السلام عليكم ، دلوقتي لو شوفت مثلا فيديو انا و والدتي علي وسائل التواصل بيتكلم فيه عن مشكله بين الزوج و الزوجه و مواقف بتحصل دلوقتي كتير في البيوت و الخلافات و ان كان الزوج فيه سلبي او الزوجه ، بلاقي نفسي تلقائي بقول زوجي المستقبلي ان شاء الله مش هيكون كده و لو حد اتكلم قدامي مثلا عن موقف سلبي من زوج برده تلقائي بقول زوجي المستقبلي ان شاء الله مش هيكون كده و كله بضحك و هزار،
انا مش مخطوبه او مرتبطه نهائي بس عندي امل كبير في ربنا انه هيكرمني بزوج زي ما بتمني و احسن بس الفكره اني بتكلم عنه علي انه هيكون بالصفات اللي انا عايزاها و بدافع عنه ، انا عندي امل كبير في ربنا انه هيرزقني اللي بتمناه و هيكتبلي الخير بس لاحظت اني بقيت بتكلم في كل موقف مش عارفه بدي لنفسي امل زياده و خايفه في نفس الوقت اللي بتمناه و مصدقاه انه ميحصلش و اكون بوهم نفسي و اكيد في الاول و في الاخر كل اللي كاتبه ربنا للواحد خير بس لما مبيحصلش بيحصل حزن علي اللي اتمناه و كان مصدقه لو متحققش.
أتمنى تكونوا فهاهيمني بس خايفه تقلب حاله نفسيه ان لو ربنا رزقني بشخص مش نفس المواصفات او مكتبليش الزواج اتعب بسبب العشم دا فهل طبيعي و لا محتاجه اضبط نفسي و كلامي شويه ؟
بصي يا ستي انتي قلبك أبيض وزي الفل وده شيء يفرح بس لازم تفرقي بين إنك بتدعي ربنا وواثقة في كرمه وبين إنك راسمة صورة سوبر مان في خيالك عشان الصدمة بتبقى وحشة السوشيال ميديا والكلام اللي بنسمعو دي ساعات بتخلينا نعيش في اللالا لاند والواقع إن مفيش بيت من غير مشاكل ومفيش راجل مفيهوش عيب زي ما مفيش ست كاملة فإنتي خليكي واعيه ادعي ربنا يرزقك باللي يتقي الله فيكي ويصونك وده الأهم من إنه يكون مبيغلطش خالص يعني عيشي سنك وانبسطي بس متخليش كل حياتك وتفكيرك واقف على صورة الراجل اللي هييجي يخلصك من كل المشاكل دي عشان لو اتأخر شوية أو جه فيه عيوب بسيطة متتعبش نفسيتك وتتكسري خلي ثقتك في ربنا مش في "توقعاتك الشخصية" يعني قولي يا رب اختار لي الخير ورضيني بيه سواء جه زي ما أنا عايزة أو جه بشكل تاني ربنا شايف إنه أنسب ليا وبالراحة على نفسك ومتدافعيش عن حد لسه مجهش عيشي واقعك واكبري وانضجي والرزق هييجي في وقته وربنا يكتبلك كل خير ويريح بالك ...
تم النشر الأربعاء، ٦ مايو ٢٠٢٦
عليكم السلام ورحمه الله وبركاته أمر جميل انك نفسك ف شخص مناسب ليك والاجمل هو الامل اللي عندك ودا أمر محمود ولكن الإفراط فيه غلط علشان اكيد مفيش حد كامل عشرة ع عشره اكيد كلنا فينا عيوب ولكن من وجهة نظري المتواضعة عيب عن عيب يفرق بمعني فيه عيب قاتل وعيب غير قاتل الاول صعب إن إحنا نوافق ع شخص مثلاً لا يقيم حدود الله من صلاة وصوم وعبادة وغيره والثاني غير قاتل كأن يكون عصبي زياده لذلك من الاحسن تقبل الاخر ع ما هو عليه واحنا اللي بنختار فلازم نختار بعناية ، الحب مهم جدا جدا من وجهة نظري المتواضعة ولكن التفاهم والاساس الصحيح من البداية هيفرق كتير اوووووي حتي لا أطيل عليك الموضوع دا كبير اووي نركز ع اهم الاشياء عند الاختيار... وكل شخص مننا يتحمل نتيجة اختياره...⚖️✨
تم النشر الأربعاء، ٦ مايو ٢٠٢٦
وعليكم السلام ورحمة الله وبركاته يا عزيزتي، أولاً، أشكركِ على ثقتكِ وصراحتكِ الجميلة دي، وأنا فهمتكِ تمامًا 💕. اللي بتعمليه ده طبيعي جدًا وصحي، خاصة إنكِ عندكِ أمل كبير في ربنا سبحانه – وده أحلى حاجة! تخيلي الزوج الصالح ودعاءكِ له صفات معينة (زي اللي في السُنة: أمين، تقي، كريم) ده بيبني إيمانكِ ويحميكِ من السلبيات، وكمان بيضحك مع أمكِ وهزار خفيف؟ ده إيجابي ويفرح القلب 😊. بس الخوف اللي عندكِ من "الوهم" أو خيبة الأمل ده علامة حكمة ، مش مبالغة. ربنا قال: {وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ}، فالخير اللي يكتبه لكِ ممكن يكون أحسن مما تتخيلي، حتى لو مش "نفس المواصفات بالضبط". نصيحة عملية عشان تضبطي نفسكِ شوية وتحمي قلبكِ: ركزي على نفسكِ أولًا : طوري صفاتكِ اللي عايزاها فيه (صبر، طيبة، عبادة)، عشان اللي يجي يكون "مكمل" لكِ مش "مثالي" بس. قللي الكلام عنه في كل موقف : خليه دعاء خاص بينكِ وبين ربنا، مش هزار عام، عشان ميبقاش عشم زيادة يتعبكِ لو تأخر الرزق. ثقي وتوكلي : كل يومِ قولي "يا رب ارزقني الخير اللي أنتَ تعلمه"، واعملي أعمال صالحة زي الصدقة أو قراءة قرآن. لو حسيتِ القلق زاد : ابحثي في فدني عن أسئلة مشابهة هتلاقي إجابات كتير مفيدة، أو شوفي صفحة الخبراء https://www.fedni.net/experts لاستشارة متخصصة في الإرشاد الأسري. أنتِ قوية ومؤمنة، وربنا هيكرمكِ باللي فيه الخير إن شاء الله. استمري في الأمل، بس مع شوية توازن عشان تبقي سعيدة دلوقتِ كمان. لو عايزة تتكلمي أكتر، أنا هنا يا حبيبتي! 🌸
تم النشر الثلاثاء، ٥ مايو ٢٠٢٦
@زهرة الأمل اللهم آمين ♥️♥️
تم النشر الخميس، ٧ مايو ٢٠٢٦
قال تعالى أنا عند ظن عبدي بي فليظن بي ما يشاء.... أظن دي تكفي .... ربنا الوحيد والأوحد اللي تثقي فيه وتظني فيه الخير دائماً... أنا بردو نفس حكايتك تماماً عشمي كبير في ربنا ولكن لما توصلي لمرحلة اليقين التام بالله عز وجل.. هتكوني في حالة إنك عايشة حلمك ... يعني مثلاً أنا بتخيل حياتي مع زوجي المستقبلي في المستقبل هتكون عاملة ازاي وأعيشها ... بتفاصيلها ... هل ده معناه إن ربنا ممكن ولو بنسبة سالب عشرين في المية .. إن هو يخيب ظني... أستغفر الله -مستحيل- لأني واثقة في ربنا ما أحطش شك أبداً .... أنا كنت في حالتك دي بالظبط قبل رمضان اللي فات... كنت حاسة بنسبة شك خفيفة مع إني عارفة وواثقة إن ربنا ما بيضعش أمل حد بيه ... لما جه شهر رمضان بقي العبادات زادت والطاعة زادت فبالتالي اليقين هيزيد .. يعني أكثري من الأعمال الصالحة والعبادات وتقربي أكثر من الله عز وجل ولن يكون هناك شك ولو بنسبة قليلة جداً....أنا آسفة إني قلبت لغة عربية مرة واحدة 😅🤲🏻وأسأل الله العظيم أن يبارك فيك ويرزقك اليقين التام بالله عز وجل وأن يرزقنا وإياكِ زوجاً صالحاً تقياً نقياً غنياً معافي يحب الله ورسوله ويتقي الله فينا وفيكم يارب العالمين 🤲🏻💖💕
تم النشر الخميس، ٧ مايو ٢٠٢٦
اقداركم تؤخذ من أفواهكم ف دي حاجه حلوة انك بتعمليها و ربنا يرزقك كل الخير و الزوج الصالح الي يحبك و يصونك يارب
تم النشر الأربعاء، ٦ مايو ٢٠٢٦
وعليكم السلام، دي حاجة حلوة جدًا واسمها الاستبشار بالخير إنك مستبشرة خير وإن شاء الله خير..أبشري
تم النشر الأربعاء، ٦ مايو ٢٠٢٦
متقلقش ادعي بس ربنا يرزقك بشخص صالح هو زواج رزق اووابتلاء بالحالتين انتي هتكسب مع صبر و حمد الله علي نعمه
تم النشر الأربعاء، ٦ مايو ٢٠٢٦
لعرض السؤال في فدني اضغط هنا