فى مصر يقع تجهيز الشقة وشراء بعض الادوات والاجهزة على الزوج ويقع على الزوجة فرش الشقة وشراء الادوات والاجهزة المتفق عليها ويوم الزفاف وكتب الكتاب يكتبون جميع الحاجات التى اشترتها الزوجة فى ورقة تسمى القائمة يمضى الزوج انه متعهد على نفسة انه قد اوؤتمن على هذة القائمة من منقولات فاذا ارادت الزوجة الانفصال ترفع قضية على الزوج انه بدد هذه المنقولات وتجبره على ردها او السجن
وفى والاونة الاخيرة ظهرت بعض الحملات ضد القائمة وان الشاب يتحمل جميع التكاليف فظهرت اقاويل وهى كيف سنضمن حق الزوجة وهنا كان الصراع
السؤال من على حق وكيف تتم عملية التجهيز للزواج فى البلدان الاسلامية الاخرى
ملحوظة انا 20سنة ممكن معرفش تفاصيل تانية عن القائمة
ولو عند نصيحة ياريت تقلها وشكرا واسف انى طولت
اولا هي القايمه دي مش موجودة في اي نص من الشرع بس دي زي عادة او عرف في مصر زمان ومكنتش منتشرة عشان يضمنوا حق بناتهم وتم نقل العادة دي وانتشرت في الوقت الحاضر وبقا امر عادي في ناس مش بتاخد بيها علفكرة خالص ولا بتعمل قايمه ولا غيرة بس الاغلب ايه بيعملوها كضمان لحق بنتهم ناس شايفه انها طالما ضامنه اخلاق الزوج وانه على دين ولن يظلم فلا داعي للقايمه لأنها من وجهة نظرهم تعتبر كتشكيك في الزوج وإن بكدا بقوله مش واثقه فيك واني مش مأمناك على بنتي بس في وجهة تانيه بتقول ملهاش علاقه بالثقه دا ضمان حق وعشان اخليه لو عاوز يطلق يكون في دليل على كل المنقولات سواء للزوج او الزوجه ، اعرف ان دول عربيه زي الإمارات والسعوديه وبعض الدول الأخرى الزوج مسؤول عن كل شئ في بيت الزوجيه والعروس بتجيب شنطة هدومها ويمكن بعض الاشياء ولكن هذا ليس بشرط ، في مصر الناس بتراعي الشباب لان عارفين ان العيشه صعبه وبيقسموا بينهم العروسه بتجيب الادوات المنزليه من أجهزة وادوات مطبخ وإلخ ويختلف من محافظه لمحافظة برضو وحسب العرف السائد في المكان والعريس عليه الشقه والشبكه والمهر وتقريبا الموبيليا من انتريه وركنه وسراير وسفرة وغيرة بقا ، وكل دا ما هو إلا إنهاك للرجل والمرأه ويمكن ان يتحول في بعض الحالات للعجز لان في كتير مش بيقدر يجيب ويعمل دا كله نظرا للأسعار الحاليه وياما سمعنا حالات ويا سلام بقا على بعض القرى كدا في الارياف ان مكنتش مصر كلها والله اعلم يقعدوا يتفرجوا على العفش والعزال ويقارنوا اسكتي دي جايبه حاجات رخيصه والتانيه ولا يعرف عزال معرفش مين دي جايبه بشئ وشويات ومفيش اي مراعة لشعور ولا لخواطر الناس وكأن دا بأيديهم والله ماعرف ليه محدش بيسيب الخلق للخالق ويكون في حاله وكل واحد وظروفه ونلتمس لاخينا العذر ونقف جنبه ونساندة ونسعدة ونجبر بخاطرة ربنا يهدينا أجمعين والله لولا هذا النوع المنتشر بين الناس كالوباء ماكان على قلوب الاخرين هم وثقل من هذا اليوم خوفا من القيل والقال اللهم استرنا اجمعين ، وربنا يوفق اي شاب وبنت ويعنهم ويرزقهم برزق كالأمطار ويسعد قلوبهم ويفرج همهم وينور دربهم وقلوبهم وعقولهم ويراضيهم بكل خير ويعوضهم كل خير ويرزقهم من وسع وييسر لهم كل عسير اللهم آمين يارب العالمين أجمعين
تم النشر السبت، ٢١ يونيو ٢٠٢٥
السلام عليكم الاساس والاصل والشرع ان الزوج بيتحمل المسكن سواء تمليك او ايجار وكل شىء داخل المسكن على قدر استطاعته لا يلزم ان تكون الاجهزة والمستلزمات من اجدد الموديلات واغلها والمهر على حسب قدرته ايضا واما الزوجة ما عليها غير لبسها القديم اللى فى بيتها وطاعة الزوج اما ما يسمى كتابة القيمة وكتابة شيك على بياض ومظهر الزينة الفاحش من الذهب وغيره كل هذا غير موجود فى الشرع تماماً وتم اختراعه وتنفيذه كعرف سائد فى مصر بالاخص ومع صعوبة ان يقوم الرجل بهذا الدور كامل مثلما ذكرت فى البداية لاسباب عامة وخاصة من طرف اهل الزوجة اصبح الجميع يلجىء للعرف الذى اصبح يهلك الطرفين ويقضى على الصورة الصحيحة للزواج الشرعى
تم النشر السبت، ٢١ يونيو ٢٠٢٥
عندنا الامر يختلف من مدينة لأخرى، ويختلف ايضا عن القرى، في مدينتي الزوج يحضر كل شيء تقريبا، والزوجة تحضر الادوات الكهربائية البسيطة(مثل الخلاط) وادوات المطبخ مثل الملاعق والصحون... احيانا وبسبب وجود عروض كثيرة ومغرية على الادوات الكهربائية كمجموعة واحدة، قسم من الزوجات يقمن بشراء كل الادوات الكهربائية... في القرى المجاورة، الزوجة تحضر ايضا العفش، او انه يتم تقسيم عفش المنزل على الزوج والزوجة... فكرة القائمة غير موجودة عندنا على ما اظن، لكنها برأيي تعتمد على الاتفاق بين الزوج والزوجة.... ايضا اضف لذلك اختلاف الثقافات، مثلا ان تزوجتَ لمحافظة اخرى لها عادات مختلفة، فعليك الاتفاق مع الزوجة والكلام بوضوح
تم النشر الجمعة، ٢٠ يونيو ٢٠٢٥
السلام عليكم ورحمة الله وبركاته بص يا محمد الموضوع مختلف من مكان لمكان ومن مدينه لمدينه جوه مصر نفسها وانك تحكم علي حاجه زي كده من بلدان تانيه تبقي بتشتت نفسك الموضوع مرتبط بالعرف الموجود بكل منطقة في مصر وكلهم مختلفين بس الاكيد ان ده بيتم بالاتفاق بين الطرفين و زي ما الراجل بياخد البنت من بيت أهلها معززه مكرمه تشاركه الحياه كلها بكل تفاصيلها وتتخلي عن كل شئ عشان الأسرة وعشان الزوج يبني نفسه وأسرته علي الاقل يكون في حاجه تضمن لها حياه كريمه لو الراجل قرر في لحظة ان يقولها شكرا خدمتك انتهت معانا (واسفه ع التعبير ده بس للاسف في ناس بتفكر وبتعمل كده) النصيحه الي اقدر اقدمهالك انك تختار كويس من بيت أصيل وتربيه معتدله عشان مينفعش تبقي داخل الجوازة وانت متخيل انها هترفع قضيه وتبدد العفش خالي كل حاجه بالمعروف في رجاله بتكتب قايمه ولما تيجي تطلق بتخلي الست تتنازل عن كل شئ ويبهدلوا الستات حرفيا وفي جوازات من غير قايمه والناس عايشه ومبسوطه والست بتضحي بكل شئ في سبيل سعاده واستقرار بيتها ومش خايفه من جوزها ولا حاجه ولو حصل طلاق بيشلها فوق دماغه ويديها اكتر من حقها الفرق بين المثال ده والي قبله التربيه وحسن المعاشره خد بنت من بيت أصيل وعاشرها بالمعروف
تم النشر الجمعة، ٢٠ يونيو ٢٠٢٥
أهلاً بك يا محمد، وشكرًا لك على هذا السرد الواضح والتفصيل، ليس بالطويل أبداً، بل هو مهم لفهم الموضوع جيدًا. موضوع تجهيز عش الزوجية والتكاليف المتعلقة به يختلف من مجتمع لآخر، وحتى داخل مصر نفسها قد يختلف بين العائلات والطبقات الاجتماعية. أنت تحدثت عن نقطة مهمة وهي "القائمة" التي تحفظ حقوق الزوجة على ما اشترته، وهذا جيد من الناحية القانونية والاجتماعية لضمان العدالة. من هو على حق؟ وهل هناك معايير شرعية أو اجتماعية تحكم ذلك؟ من الناحية الشرعية الإسلامية: الزوج هو المسؤول الرئيس عن تجهيز مسكن الزوجية وتوفير مستلزمات الحياة الزوجية، وهذا من حق الزوجة، مثل المهر والأنكحة والكسوة، وأيضاً ما يحتاجونه للعيش الكريم. لكن هذا لا يمنع أن تشارك الزوجة في التجهيز، خاصةً في حال كانت الأسرة متعاونة أو هناك اتفاق مسبق. من الناحية الاجتماعية في مصر: كما ذكرت، الزوج يقوم بشراء الشقة والأجهزة الثقيلة، والزوجة تضيف من فرش وتجهيزات وأدوات أخرى، ويتم توثيق هذه اللوازم في "القائمة" كضمان للزوجة في حالة فسخ الزواج. هذا نظام قانوني وطريقة للحق. في دول إسلامية أخرى: التجهيزات والأعباء تتقسم أحياناً مع اختلافات: في بعض الدول العربية، الزوج يُكلف بتحمل العبء الأكبر، كشراء المسكن والذهب والميتة (المهر). في دول أخرى، الزوجة قد تساعد في بعض النفقات أو تجهيز الشقة، خاصة إذا كانت من عائلة ميسورة. عمومًا، المبدأ الإسلامي هو أن الزوج مسؤول عن النفقة الأساسية والزوجة لها حقوق محفوظة ومكفولة شرعًا. نصائح عملية لك: التوثيق مهم: استمر في توثيق أي مشتريات أو تجهيزات تقوم بها الزوجة، لأن هذا يحفظ حقوقها ويساهم في حل أي مشكلات مستقبلية. التفاهم والاتفاق المسبق: الأفضل أن يكون هناك حوار واضح وصريح بين الطرفين أو بين العائلتين لتحديد من سيقوم بأي تكاليف، وهذا يمنع الصراعات. النزاهة والتعامل بمرونة: لا تجعل “القائمة” مصدراً لصراع دائم، بل اعتبرها حماية في حالات الظلم فقط، والتوازن والعدل هو الأساس. الإلتزام الشرعي: اطمئن أن الالتزام بأن يُؤتى الزوج بأن تكون النفقة على عاتقه هو أمر شرعي ومسؤولية تعطيه مكانة وقيمة في الزواج. استشارة الخبراء: يمكنك دائماً البحث على منصة فدني عن تجارب أو استشارات من خبراء قانونيين أو اجتماعيين في مصر، لزيادة الاطمئنان. الأمر كله يتعلق بالثقة والاحترام والعدل بين الزوجين، وهذه القيم هي التي تُبني عليها حياة زوجية مستقرة. وإذا أردت يمكنك أن تسأل عن تفاصيل أكثر أو استشارات أخرى عن حقوق الزوجين والقانون. أنا هنا دائماً لدعمك وأشجعك على البحث في موقع فدني عن تجارب وأسئلة مشابهة للحصول على رؤية أوسع. وإذا رغبت في استشارة شخصية من خبير/خبيرة– يمكنك زيارة صفحة الخبراء في فدني عبر الرابط: https://www.fedni.net/experts دمت بخير وسعادة يا محمد، وبالتوفيق في كل خطواتك! 😊
تم النشر الجمعة، ٢٠ يونيو ٢٠٢٥
انا سودانيه وبقولك ان عندنا الراجل بيجيب كل حاجه الست كل اللي عليها بسسس انها تجهز الشقه مفروشات بس بصوره عامه يعني اذا قدرت اوك لو م قدرتش مش مشكلة الموضوع يكون بالاتفاق من الاول بس لما تحصل مشاكل والناس تختلف بيبدا مفهوم زي الانتقام كده ولازم اعذبه وامرمطه ووووو والعكس طبعا الناس بتنسا اي حاجه كويسه كانت م بينهم ويبقا التركيز على حاجات تافهه اوي مش عارفه القانون المصري ايه صراحه مش عايزه افتي بس لو كل حاجه تتم بالاتفاق والطلاق بالمعروف يكون احسن وربنا يصلح حال الجميع
تم النشر الجمعة، ٢٠ يونيو ٢٠٢٥
لعرض السؤال في فدني اضغط هنا