السلام عليكم، لو أنا مكانك، هبعد تماما ومهما عمل مش هكمل. أولا، خدي بالك، شباب كتير بيصاحبوا بنات وبيكلموا الأم عشان البنت تطمن لهم، لكن نيتهم مش بتبقى زواج وعادي بيتسلوا، هم بيشوفوا الأم مش مهمة ومش هيتربط بكلمة غير مع رجل فطالما مكلمش الأب يبقى هو موعدش بحاجة ويخلع وقت ما يحب، مفيش مشكلة. الله أعلم بالنسبة لحالتك، جايز بيلعب زي الباقيين أو جايز ناوي يخطب بس اللي بيعمله حاليا نوع من الألاعيب النفسية عشان يسيطر عليك (بيحصل كتير للأسف خاصة من الأشخاص التوكسيك) أو إنه شخص متردد ومتذبذب أو بيعمل كل ده عشان تطفشي ويبقى أنتِ اللي نهيتِ الموضوع مش هو اللي طلع مش جاد أو احتمالات تانية بس أيًا كان الاحتمال الصح، فالأكيد هو إن، العلاقة دي متعبة وغير صحية، ولو صدق وتقدم لك وكملتِ خطوبة وزواج فاعملي حسابك إن ده هيكون نظامه معكِ طول العمر، فشوفي إذا هتقدري تكملي في الحياة دي مستقبلا من غير ما تمرضي نفسيًا ولا لأ، واختاري الأصلح لك. ** نصيحة أخيرة، غير الأسباب اللي فوق فأنا أنصحك تبعدي حاليا حتى لو ناوي يتقدم لك، لأن مينفعش أي علاقة بين ولد وبنت غير ارتباط رسمي، خطوبة بضوابط شرعية أو زواج، الارتباط غير الرسمي حتى لو بعلم الأم مينفعش ومش في مصلحتك عامة. ** فاقعدي مع نفسك وفكري كويس واختاري نفسك أولا مهما كان تعلقك بالشخص ده. لما تتعبي شوية دلوقتي أفضل ما تعيشي عمرك كله في تعب. بالتوفيق.
عندك حق ي دكتور وعاوزه اقول لحضرتك حاجه دي حاجه بسيطه والله اللي بيعملو فيا وانا عمري ما اديته اللي غير معني انه بيرجع يكلمني تاني ويصلح بكلام الأسف بس خلاص كلامك فرق معايا جدا شكرا ربنا يبارك في حضرتك
تم النشر الجمعة، ٧ أغسطس ٢٠٢٦
لعرض الإجابة في فدني اضغط هنا