انا عندي 13سنه اول موقف اني مثلا يكون بحب الشخص جدا وعزيز على قلبي لكن في حاجه فيا مش مفهومه لما الشخص ده بيبقى تعبان أو بيعيط مش بخاف عليه مش بحس أن زعلانه عليه ولا اي حاجه رغم أن الشخص ده بحبو جدا ومفيش حاجه عملهالي وحشه
تاني حاجه اني عندي واحده صحبتي بتحبني جدا وانا نفس الشعور لكن بعد فتره مش قليله بقيت مش بحب الشخصيه دي مش حباها خالص بتجنبها بطريقه مش طبيعيه بقيت مش بحبها نهائي بدون سبب خالص البنت بتحاول تقرب مني وكده لكن انا بجد مش طايقاها خالص
حتى لما حد من صحابي أو اي حد يمسك ايدي من وانا صغيره مش بحب حد يمسك ايدي خالص بحس اني مخنوقه وبخاف من اي صاحبه حركتها عفويه مش قصدها بفكرها حاجه تانيه مش عارفه بجد اي سبب كل
اولا دة ممكن مبكونش حب ثانيا ممكن يكون عدم معرفة المشاعر اتكلمى مع نفسك وحاوريها وهتلاقى حل بس استعينى بالله بالنسبة لصحباتك ركزى هل ده المحيط اللى هيقربنى ل ربنا و هيكون فيه حياتى أحسن ولا لا لو لقيتى أنهم مش هيقدموكى لقدام فنصيحة مني ابعدى عنهم لأن هيخسروكى كتييير صدقينى انتى عارفه حتى لو انتى مش قريبه من ربنا سبحانه وتعالى صاحبي بنات كويسه ولبسها كويس صدقيني هتبقي أحسن في حاجات كثيره جدا واولهم لبسك صلاتك حجابك بالنسبه ان انتى بتضايقي بقى ان هم حركاتهم عفويه عادي احيانا في بنات بتبقى كده انا ما بحبش الهزار بالايد كده عادي وتبقى احيانا تراكمات من الماضي واحيانا اخرى صفه الشخص نفسه كده هو ما بيحبش حد يهزر بالايد فشوفي شعورك اى واحد فيهم لو هو ان انتى في تراكم في الماضي فحاولي تصلحيه لو شخصيتك كده خلاص عادي يعني دي شخصيتك تخليهم يتعودوا عليها وتحطى لنفسك حدود هيلتزموا بيها ربنا بقربك لية اكتر يارب
تم النشر الاثنين، ٨ ديسمبر ٢٠٢٥
هقولك فكرة إنك مش بتحسي بخوف أو زعل على أشخاص معينه لما بيكونوا مش في أحسن حاله ده في السن ده بيكون طبيعي وطبيعي جداا كمان بالرغم من إنك بتحبي الأشخاص أوي ، لكن الموضوع كله إنك كمان كام سنه كده هيبقى عندك مشاعر قويه أوي وخاصة في مرحلة ثانوي وهتلاقي إنك بقيتي بتتأثري أنا بردو كنت بحس بكده وأنا قدك فده طبيعي وحكاية صحبتك عادي كلنا بييجي علينا وقت بعمل ونزهق بقا من ناي معينه ودي بتنتهي بإننا بنرجع زي الأول تاني أو بنبعد عادي يعني
تم النشر الاثنين، ٨ ديسمبر ٢٠٢٥
ايوه فعلا عندك حق انا هعمل كده بس انا مع ماما بس🤍
تم النشر الثلاثاء، ٩ ديسمبر ٢٠٢٥
انا عندي ١٦ سنه وكل الي قولتيه بيوصفني بالتفصيل لما كنت ١٣ سنه . انا فعليا جايه من المستقبل وبقولك متسكتيش علي كل دا لانو الي هيحصل مع الوقت ان الناس هتشوفك انانيه وهتقرفي اكتر من اي لمس من اي حد بلا سبب ، باجي في فترات كتير وببقي عاوزه ابعد عن اعز اصحابي بدون سبب بس كدا ، فلازم تبدأي تتكلمي مع حد مختص او حاجه زي كدا ، ونصيحه اسمعي قرآن كتير قرآن كتير جدا وحاولي تسمعي التفسير بتاعه مش مهم تحفظيه المهم بس سانك تخشعي وانتي بتسمعيه الموضوع هيغيرك جدا ، وفي النهايه كل شخص وليه شخصيته وطريقه تعامله ممكن تكوني انت الكبيره واهلك عودوكي دايما انك "تفكري في نفسك بس " عشان كدا كبرتي علي الانانيه لكن دي مش نهايه العالم كلنا نقدر نغير نفسنا
تم النشر الأربعاء، ١٠ ديسمبر ٢٠٢٥
حريتي تحكي الكلام دا مع والدتك أو والدك وتطلبي منه انك تشوفي دكتور نفسي لان ممكن يكون في حاجه حصلت وخوفتك وانتي صغيره بس عقلك مش فاكرها ولكن مشاعرك وجسمك فاكرها فبيتصرف كدا جربي واستشيري دكتور نفسي افضل
تم النشر الثلاثاء، ٩ ديسمبر ٢٠٢٥
لعرض السؤال في فدني اضغط هنا