دلوقتي انا اتعرفت على ولد من 10 شهور كنا في الاول حلوين جدا وآخر فترة الخناقات بقت كتير جدا والفكرة انو ضامني بطريقة غريبة عشان انا بعيط كتير لما يحصل معاه هو بالتحديد مشكلة أو كدة
هو أول ولد يدخل حياتي والفترة اللي دخل فيها انا كنت في بداية ثانوية عامة وكل اللي حوليا معاهم اللي بيحبهم ومن زمان انا بشوف البنات بترتبط لكن هو دخل الفترة اللي انا كان عندي جفاف عاطفي لكل اللي حوليا،
آخر مشكلة حصلت هو شتمني فأنا رديتله نفس الشتيمة فزعل وقالي اقعدي اتنرفزي عليا كدة وإنتي اللي بتعيطي في الآخر هو بقى ضامني لأني كل مشكلة كنت بدخل أتكلم معاه وأحاول أصلح واحل كأني انا الراجل مش هو
دلوقتي أنا أخدت قرار إني لازم أغير فكرته دي عني عشان انا طول عمري معتزة بكرامتي وكنت حاطة حدود وقواعد في حياتي لكن هو في الأول قالي انو حبيبته الأولى سابته عشان هو شتمها برضو
المهم انا قولت هيكلمني المرة دي لكن فات دلوقتي 4 أيام وهو مبعتش حتى رسالة هو حاليا في الجيش لكن احنا كنا على طول بنتكلم انا بحبو جدا لكن المرة دي حطيت كرامتي الأول وإني المفروض أتقدر اكتر من كدة ،
خصوصاً انو آخر مشكلة حصلت سابني خالص من غير سؤال وانا كل يوم بتصل بيه مش بيرد ويوم ما رد قالي اتربيتي ولا لسه عمل معايا مشكلة أيام امتحاناتي في اكتر فترة كنت محتجالو فيها وهو كان وقتها كان في اجازة مقدرش الضغط اللي كنت فيه انا دلوقتي أعمل ايه انا متعلقة بيه جدا ومش عاوزة اسيبه بس لازم أحافظ على كرامتي لو العلاقة دي هتستمر
أنا فاهمة إنك بتمري بفترة صعبة جدًا، وإن تعلقك بيه قوي لأنه أول تجربة عاطفية، وده بيخلي الجفاف العاطفي اللي كنتِ فيه يأثر أكتر. بس اللي بتصفيه عنه – الشتيمة، الضمان إنك هترجعي تصلحي، تركك في أصعب وقت زي الامتحانات، وعدم الاعتذار – دي علامات واضحة على سلوك نرجسي وتلاعب. الشخص ده مش بيحترم كرامتك، وده مش هيتغير لوحده. أنتِ قلتِ إنك معتزة بكرامتك وكنتِ حاطة حدود، وده شيء جميل. الخطوة الأولى دلوقتي هي إنك تثبتي لنفسك إن كرامتك أهم من أي تعلق. استمرار العلاقة دي هيجي على حساب صحتك النفسية. اقطعيها واحفظي كرامتك ونفسيتك. ركزي على نفسك دلوقتي: ارجعي لروتينك اليومي، اهتمي بدراستك وصحتك، وفكري في اللي بيخليكِ سعيدة بعيدًا عنه. التعلق ده ممكن يقل مع الوقت لو ركزتِ على قيمتك الذاتية. ابحثي عن أسئلة مشابهة على فدني عشان تشوفي تجارب تانية. أنتِ تستاهلي شخص يقدرك ويحترمك.
تم النشر الخميس، ٣ سبتمبر ٢٠٢٦
@مجهول مجهول فين الحفاظ علي كرامتك اللي بتقولي عليه وسط كل ده؟أنتِ حرفيا معملتيش اي تصرف يدل انك واخده بالك من كرامتك كويس حتي! و بعدين هل ينفع احنا بنفكر ان الحاجه كرامه ولا مش كرامه و مفكرناش و لا حطينا ف الاعتبار ان دا حرام اصلا؟..لو بيحبك بجد تخليه ييجي يتقدملك و أنتِ تستخيري ربنا لو كان الشخص دا خير ليكي لكن الكلام دا أنتِ متعلقه بيه وخلاص و دي علاقه محرمه ف بلاش ارجوكي و حاولي تنهيها و راجعي نفسك تاني عشان ميكونش الندم اكبر بعدين..معلش لو حسيتي اني حاده ف الاسلوب بجد 🤍
تم النشر الجمعة، ٤ سبتمبر ٢٠٢٦
اولا العلاقة دى محرمة اصلا لا يجوز انك ترتبطى بولد دون علم أهلك والناس جميعا لازم يكون فى خطوبة ولو انتى مسبتيهوش انتى هتخسرى كرامتك ودينك يا اختى ف اتقى الله ف نفسك وارحم نفسك من علاقة مهلكه زى دى
تم النشر السبت، ٥ سبتمبر ٢٠٢٦
هي الفكره انك مش قادره تبعدي بس انتي واهمه نفسك انك لو اخدتي القرار هتبعدي عادي بدليل انك بتقولي انك كرامتك كانت فوق اي شيء بس انا مش شايفه كدا (انا اسفه مقصدش حاجه والله بس انا بس عايزاكي تعرفي المشكله وتواجهي نفسك انك مش قادره تسيبيه وتحاولي تحلي المشكله دي
تم النشر السبت، ٥ سبتمبر ٢٠٢٦
كلمية وقوليلو ابويا عرف كل حاجة وعاوزك تيجى لوحدك يشرب معاك فنجان قهوة ويتعرف عليك شوفى رد فعلو اية رد الفعل هو الى هيخليكى تاخدى موقف وشكرا
تم النشر الجمعة، ٤ سبتمبر ٢٠٢٦
إنتي تستحقين من يعاملك كإنك جوهرة .. أما الشخص ده لا يستحقك وإنسان صفاته ليست حسنة والدليل أنه قالك اتربيتي ... وقاحة وذل . اكرمي نفسك بقطع هذه العلاقه
تم النشر الاثنين، ٧ سبتمبر ٢٠٢٦
واتركيه واقطعي أي وسيلة توصلك به . أنتي غالية
تم النشر الاثنين، ٧ سبتمبر ٢٠٢٦
اسعي للتخلص من التعلق تسمعي دورة الداء والدواء .
تم النشر الاثنين، ٧ سبتمبر ٢٠٢٦
خايفة لو كدبت عليه الموضوع يبوظ اكتر وهو كان قايلي أعرف ماما وكان عنده استعداد يكلمها بس بعد متهزقت بسببه وهي حالفة تقول لبابا فعلا فضل يتهرب وبيقولي مكسوف ومش عارفه إيه، دلوقتي انا خايفة ومتلغبطة
تم النشر الجمعة، ٤ سبتمبر ٢٠٢٦
لعرض السؤال في فدني اضغط هنا