السلام عليكم
الناس الي استطاعت ان تتحكم في مشاعرها ونفسها افيدونا ب نصيحتكم
ازاي تغلبت علي خوفك من الرفض وقدرت تبقي اكثر اجتماعية وتفاؤل وتصير محبوب!..
واهم حاجه طبعا تتقبل نفسك
هي بتيجي بالمحاولات الكتتير والاغلبها طبعا بيفشل في الاول لحد متتعود وتفهم الدنيا ماشيه ازاي ولكن حقيقي بيسهل الموضوع ده اوي لو عرفت تحط نفسك وسط جروب فيه كل الصفات دي اللي أنت عاوز تكتسبها علي الاقل واحد بس هيفيد بشكل رهيب جدا ومن غير اي مجهود هتلاقي نفسك وصلت للمحطه النت عاوزها وفي الاخر والاول الحياه كلها تجارب
تم النشر الاثنين، ٥ أكتوبر ٢٠٢٦
السلام عليكم، كل ما ركزت على نفسك وانشغلت بها وجعلتها هي مرآتك كل ما هيقل خوفك من رأي الناس وتأثرك بهم أو برفضهم. طبعا الموضوع بيجي بالتدريب وبرمجة أفكارك والعمل على أهداف تنشغل بها وتحس بتقدمك وتطور شخصيتك واحدة واحدة. *** لو طلعتِ فوق برج عالي وبصيت للناس تحت هتحسي إنهم شبه النمل، كلنا صغيرين وكلنا بشر فينا عيوبنا ومشاكلنا ومحدش فينا كامل، ومنفرقش أمام ربنا غير بالتقوى والعمل الصالح فليه أخاف من بشر زيي أو أهتم برفضه لي أو رأيه فيِّ وطالما علاقتي بربنا كويسة ومش بعمل أي حاجة غلط وواثقة في نفسي فليه أعمل اعتبار للناس أصلا؟ *** التفاعل الاجتماعي والقرب من الناس هو كمان بيتأثر بثقتك بنفسك وتركيزك وانشغالك عليها، الناس غالبا بتنفر من اللي بيركز على القرب منهم وبيتعلق بهم لدرجة إنه هو اللي يفضل يسأل ويهتم، فخليك علاقاتك بالناس وسطية من غير تعلق زيادة أو تخلي تام. *** ممكن بقى تزودي تفاعل عن طريق الانضمام لجروبات تشاركك نفس اهتماماتك او حملات تطوعية أو مكتبات وورش فنية، حسب ميولك يعني، وتندمجي معهم وتسمعي كويس قبل ما تشاركي برد والتفاعل برضه يكون متزن، من غير اندفاع زائد لدرجة تشاركيهم خصوصياتك. *** وبلاش تقارني نفسك بحد أو تجبري نفسك على التصرف بغير طبيعتك، يعني فيه ناس اجتماعيين زيادة وفيه ناس بتميل للانطوائية وقلة الكلام مع الناس، فلو طبيعتك هادئة وقليلة الكلام وحابة تتفاعلي أكتر ممكن تتدرجي في التفاعل ده لكن بدون إجبار نفسك وتصنع الاجتماعية لأن ده هيرهقكك جدا وهتحسي إنك شخص غير نفسك. *** جربي تسمعي بودكاست عن العلاقات الناجحة ومهارات التواصل الاجتماعي، والمهم خلي تركيزك إزاي تكوني أفضل في حياتك وعلاقاتك مش تركيزك على اكتساب حب الناس ورضاهم عنك لأن "رضا الناس غاية لا تدرك". وأخيرا، ضعي في بالك إن أي تغيير بيحتاج وقت وجهد فخدي وقتك بدون تسرع أو إجبار للنفس. وبالتوفيق.💚💚
تم النشر الثلاثاء، ٦ أكتوبر ٢٠٢٦
وعليكم السلام ورحمة الله وبركاته. أولاً، أحييكِ على شجاعتك في طرح هذا السؤال، فالرغبة في التغلب على خوف الرفض وتعزيز الثقة بالنفس خطوة مهمة نحو حياة أكثر توازناً وسعادة. كثيرات مررن بهذه التجربة، ومن خلال الخبرة والممارسة، يمكن الوصول إلى تقبل الذات والانفتاح الاجتماعي. ابدئي بتقبل نفسكِ كما أنتِ، فهذا الأساس. ركزي على نقاط قوتكِ اليومية، مثل قدرتكِ على التعاطف أو إنجازاتكِ الصغيرة، واكتبيها في مذكرة لتذكير نفسكِ بها. في الإسلام، نؤمن بأن الله خلقنا بكمال معين، فاستعيني بالدعاء والتفكر في نعم الله لتعزيز التفاؤل. للتغلب على خوف الرفض، جربي خطوات عملية: ابدئي بمحادثات قصيرة مع أشخاص غير مألوفين في بيئة آمنة، مثل سؤال بسيط في متجر أو مشاركة رأي في مجموعة صغيرة، ثم لاحظي أن الرفض ليس شخصياً دائماً بل جزء من الحياة. لتصبحي أكثر اجتماعية ومحبوبة، ركزي على الاستماع الفعال والابتسامة الصادقة، فالناس ينجذبون لمن يشعرهم بالاهتمام. مارسي ذلك تدريجياً، مثل حضور فعاليات مجتمعية أو الانضمام إلى أنشطة مشتركة تتناسب مع اهتماماتكِ. لتعزيز التفاؤل، أعدي صياغة الأفكار السلبية بإيجابية، مثل تحويل "سأُرفض" إلى "سأتعلم من التجربة". تذكري أن التقدم يأتي بالممارسة المستمرة، وليس بين يوم وليلة. يمكنكِ البحث عن أسئلة مشابهة على فدني للحصول على تجارب إضافية من الآخرين. أنتِ قادرة على ذلك، وكل خطوة صغيرة تقربكِ من هدفكِ.
تم النشر الأحد، ٤ أكتوبر ٢٠٢٦
مش لازم الناس تحبك المهم انك تحب نفسك
تم النشر الخميس، ٨ أكتوبر ٢٠٢٦
لعرض السؤال في فدني اضغط هنا