كان في واحد جاري شافني وبعتلي المهم والله معرفش دا حصل ازاي انا مش كدا خالص المهم سمعته وكلمته وبعد فتره قال انو بيحبيني وبعد سنتين انا طول السنتين دول مش مرتاحه مش عاجبني نفسي المهم قطعت قولتلوا أن انا خايفه وكلمنا حرام واحنا مش جاهزين وسيبته ممكن كنت اسأل عليه مره كدا المهم بقالنا 9 شهور مش بنتكلم ف جيت اسأل عليه عادي قالي جات متأخر اوي ولو لينا نصيب ربنا هيجمعنا انا متلغبطه اوي اوي بجد وهو اختفي ومش عارفه انا عايزه اي وهو لسا بيحبني ولا لا بس والله عملت كدا عشان خايفه من ربنا بس
السلام عليكم، أنتِ عملتِ الصح، انسي أي حاجة تانية وركزي على طريقك ولا تعطي الشيطان فرصة إنه يجرك تاني للرجوع للعلاقة بالأسئلة والأفكار الكتير. مش مهم بيحبك أو لأ ولا كان صادق أصلا في اللي فات ولا كان بيتسلى وخلاص، كل ده مش مهم حاليا. المهم التوبة من اللي فات والثبات على القرار الصحيح. واقطعي تماما تماما، لا تفكري تسألي عن أحواله حتى وإن كان منتظر أو لأ. ومتعلقيش نفسك بفكرة هل هيكون نصيبك معه أو لأ عشان لا قدر الله متحسيش بخذلان لو ربنا مش كاتبه. ركزي على نفسك ودراستك حاليا وإنك تطوري نفسك وشخصيتك وتعرفي يعني إيه علافة صحية وزواج سليم عشان وقت الاختيار إن شاء الله تختاري صح ربنا يوفقك للخير دايما.
تم النشر الأربعاء، ٨ أبريل ٢٠٢٦
يا حبيبتي، أنا ذكية، وأشعر بلغبطتك تمامًا.. ده شعور طبيعي لما المشاعر تختلط مع الخوف من ربنا، وأنتِ عملتِ الصح لما قطعتِ العلاقة المحرمة دي، برافو عليكِ! السنتين دول كانوا مليانين توتر، وده دليل إنها مش مناسبة لقلبك. هو قال "لو نصيب ربنا يجمعنا"، يعني ممكن لسا فيه إحساس، بس اختفاؤه دليل إنه مش جاهز أو مش ملتزم زيكِ. متسأليش نفسك "هو بيحبني ولا لأ؟"، ركزي على "أنا عايزة إيه؟" – خدي وقت تفكري: هل ده حب حقيقي يبني بيت حلال، ولا مجرد إعجاب عابر؟ خطوات عملية من منظور إسلامي: الدعاء والاستخارة : صلي ركعتين وادعي ربنا يرشدك للي فيه الخير، ويبعد عنك الشر. قال تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا". قطع التواصل تمامًا : متسأليش عليه تاني، ده هيزود اللغبطة. لو نصيب، ربنا هيجيب الطريق الحلال عبر أهلك. ركزي على نفسك : طوري هواياتك، اقري قرآن، اشغلي وقتك بأهداف زي الدراسة أو الشغل. ده هيملأ الفراغ ويجذب اللي يستاهلك. لو عايزة زواج : حددي معاييرك (دين، أخلاق، استعداد)، وشجعي أهلك يدوروا لكِ. ابحثي في فدني عن أسئلة مشابه هتلاقي إجابات كتير مفيدة، أو شوفي الخبراء هنا: https://www.fedni.net/experts – فيه متخصصين في الإرشاد الزوجي والنفسي هيساعدوكِ أكتر. أنتِ قوية وخايفة ربنا، ده نجاح كبير! ربنا يفرج همك ويختارلك الأفضل 💕
تم النشر الأربعاء، ٨ أبريل ٢٠٢٦
نصيحه من أختك أي حاجه تحبيها متقربيش منها لانك هتوجعي نفسك بحاجه متعرفيش هي نصيبك ولا لأ... أي حاجة تحبيها إطلبيها من ربنا وهي لو خير هتبقي من نصيبك لو شر ربك هيعوضك بالاحسن وامشي بالمبدأ ده دايما هتلاقي نفسك كسبانه حياه نقيه وهتحسي بسلام داخلي
تم النشر الخميس، ٩ أبريل ٢٠٢٦
السلام عليكم أهلا بيكى يعنى انتى بتقولى مش مرتاحة ومش عاجبنى نفسى ... وقعدتى تكلمية سنتين كاملين !!؟ __ ربنا كرمك وهداكى و حاربتى شيطانك ومكملتيش فى السكة ديه إيه لازمة بقى إن انتى ممكن كنت تسألى مرا كدا هى مش المرا ديه حرام برضة !؟ __ انتى متلغبطة ومش عارفة حاسة بإية دا بسبب الفراغ اللى سببهولك وبسبب إنه عرف يعلقك بيه كويس __ طب هو ليه اختفى ؟ لأن ببساطة هو معشمك ومعيشك على كلام وخلاص فترتك انتهت زى ما بيقولوا كدا ( تسلية أو محطة أشغل بيها نفسى لحد لما أجهز وأتجوز اللى تناسبنى اللى غالبا متبقاش البنت اللى كلمها ) __ طب هو ليه قالى اتأخرتى أووى ولة فيه نصيب وبتاع ؟ احنا ك شباب بنسميها بنخلع بس بشياكة فاهمانى __ بس عايز أسألك سؤال إيه رأيك فى الراجل اللى هيختارك انتى من وسط بنات العالم وداخلك من باب بيتك مش من شات ومش هيختفى فجأه زى العيال ( ذنبة إيه دا وانتى ذكرياتك ومشاعرك مع حد تانى وكمان جارك ) _ اتقى الله يا بنتى وحافظى على قلبك ومشاعرك ومتدخليش فى حاجات ممكن تسببلك تروما نفسية تعيشى بيها العمر ربنا يوفقك ويكتب لك اللى فيه الخير
تم النشر الأربعاء، ٨ أبريل ٢٠٢٦
لعرض السؤال في فدني اضغط هنا