وعليكم السلام - اصعب شيء في الدنيا فقدان الام ومهما مرت السنين هيفضل الم فقدانها موجود في كل رمضان يعدي وكل عيد وهي مش موجودة وعدم وجودها وقت الامتحانات ولما تفكر انك هتدخل الجامعة من غير ما تدعيلك وانت ماشي ولما تتخرج وتتجوز وتخلف وكل دا من غيرها هتفضل تعيط عليها طول عمرك ومهما عرفت ناس عمر ما حد هيملا مكانها - يمكن انت بتفكر في كل دا انا عارفة احساسك كويس وعارفة بتفكر ب ايه وبتمر ب ايه لاني مكانك وفي نفس سنك وفي نفس المرحلة المهمة دي من حياتي ومستقبلي - مظنش اني عندي نصيحة ليك لاني المي جديد و انا كمان مش قادرة اتخطي بس الحاجة الوحيدة اللي بعملها بحاول اخليها فخورة بيا بذاكر علشان ارفع راسها وكل الناس تقول الله يرحم فلانة عرفت تربي - ادعي ربنا كتير انه يهون عليك ويريح قلبك وادعيلها كتير وانت ربنا يصبرك ويقويك وربنا يرحمها يا رب هي وامي ويجعلهم بصحبة الحبيب المصطفي صلي الله عليه وسلم
يارب ويصلح حالنا جميعاً ويوفقنا دائما وابدا
تم النشر الاثنين، ٩ فبراير ٢٠٢٦
ونعم بالله وربنا يجعلها سنة جبر الخواطر يا رب
تم النشر الاثنين، ٩ فبراير ٢٠٢٦
يا رب آمين فعلاً مفيش عمل أعظم من إننا نكون امتداد ليهم بصلاحنا ونجاحنا. بخصوص ضغط الدراسة ومسؤوليتك تجاه إخوتك ربنا يعينك ويقويكي لأن ده حمل كبير على سنك بس حاولي متضغطيش على نفسك بزيادة في فكرة 'ممنوع الانهيار' أنا حاسس بيكي جدا لأن ده وضعي مع إخواتي الصغيرين بضطر أكون قوي وقد المسؤولية قدامهم وبدخل أوضتي أنفرد بنفسي عشان مأثرش عليهم وبحاول دايماً أحتويهم وأهتم بيهم. لكن في الآخر إحنا بشر ومن حقنا نضعف ونعيط أحياناً عشان نقدر نكمل إخوتك كمان هيتعلموا منك القوة لما يشوفوكي بتواجهي حزنك بشجاعة وبترجعي تقفي تاني. كلها شهور فعلاً وتبدأ مرحلة جديدة وإن شاء الله تدخليها وأنتي فخورة بنفسك وبكل خطوة عملتيها خليكي دايماً فاكرة إن ربنا مش بيكلف نفساً إلا وسعها وأنتي قدها بإذن الله ربنا يوفقنا جميعاً ويجعل تعبنا ده في ميزان حسنات أمهاتنا.
تم النشر الاثنين، ٩ فبراير ٢٠٢٦
يا رب واياك اللهم امين ربنا يجعلنا ابناء صالحين (إذا مات ابن آدم؛ انقطع عمله إلا من ثلاث: صدقة جارية، أو علم ينتفع به، أو ولد صالح يدعو له )
تم النشر الاثنين، ٩ فبراير ٢٠٢٦
يمكن اللي زاد الموضوع دا دلوقتي اننا في ضغط نفسي ودراسي ومحتاجين لوجودهم - وبالذات لو في اخوات اصغر منك للاسف انت مضطر تبقى قوي وممنوع الانهيار قدامهم فدا كمان بيصعب الموضوع وكمان كلها شهور إن شاء الله وندخل على حياة جديدة - للاسف دي الحاجة الوحيدة اللي مش هنعرف ننساها
تم النشر الاثنين، ٩ فبراير ٢٠٢٦
وبرضو وخليكي واثقة إن والدتك فخورة بيكي دلوقتي وأنتي بتسعي وبتحاولي، وإن صبرك ده في حد ذاته عبادة كبيرة. إحنا مش لوحدنا، ودعواتنا ليهم هي اللي هتوصلنا بيهم لحد ما نتقابل في الجنة إن شاء الله. خليكي قوية عشانها
تم النشر الاثنين، ٩ فبراير ٢٠٢٦
اولا ربنا يرحم والدتك ويصبرك علي فراقها ويجمعك بيها في الجنه إن شاء الله وانا بشكرك جدا والله على كلامك ده فعلا الم فقدان الام هيفضل موجود مهما عدي عليه من صعب تتخطها لأنها الام هي الوحيده الي دائما تحبك مهما كبرت صغرت ومهما تغيرت تفضل تحبك وتخاف عليك وتدعمك في اي وقت فكونها مش موجوده ده صراحه موضوع صعب جدا واي شخص مر بيه بالذات في سن صغير يبقي متعب جدا خلاص مفيش حد بيدعمك مفيش الأمان والحضن الدافئ الي دائما ترجعله وتحس في حاجه نقصاك بس مش عارف ايه هي تفضل دائما فيك كده وكل ما اشوف ام مع ابنها الموضوع ده بيحرك مشاعر جواي وبحس بألم اكتر وبقول الحمدلله على كل حال وغير كده أنا في ثانوي حسيت فعلا بي الم فراقها ولو كانت موجودة كانت تدعمني وتقف جنبي واقعد افكر فيها كتير وقد اه لو كانت معاي كانت تدعمني وتقف جنبي وكده صراحه بقي الموضوع صعب جدا عليا والاسف لما حاولت أنساها كانت اكبر غلط عشان ده تعبني اكتر وبس يعني بحاول دائما اني ادعي لها واتصدق عليها وكده واني اذاكر وتبقي كويس علشانها وناس تقولي ربنا يرحم امك الي ربتك تربيه حسنه وبس ربنا يرحمنا ويرحم أمهاتنا ويجمعنا بيهم في الجنه أن شاء الله وربنا يوفقك ويكرمك ويجزيك خير ويسعدك دائما ويصبرك ويعينك ويرزقك ويسرلك أمرك ويفرحك وبالتوفيق
تم النشر الاثنين، ٩ فبراير ٢٠٢٦
لعرض الإجابة في فدني اضغط هنا