السلام عليكم، هو ممكن حضرتك تحاول الأول تريح عقلك من التفكير في الأمر شوية عشان ضغط التفكير مش هيخليك تاخد قرار كويس. بعد كده في وقت تكون لسه فايق وذهنك صاف هات ورقة واكتب كل المميزات والسلبيات لكل جانب وأكيد في النهاية الكفة هترجح لجانب، ممكن كمان تكتب قصاد كل سلبية إذا فيه طريقة تتغلب عليها... زي مثلا التأثير السيئ في مسقط رأسك، هل فيه طرق تقدر بها تحمي نفسك من الفتنة وتكون أنت الطرف المؤثر في اللي حولك بإيجابية. ممكن لو مش هتقدر تفصل تفكير لكم يوم قبل ما تعمل خطوة المقارنة تفضي أفكارك كلها على الورق ومش مهم تكون عشوائية وغير مرتبة، اكتب أي حاجة تخطر على بالك بخصوص الموضوع ده لحد ما الدوشة اللي بعقلك تهدى وبعدها إن شاء الله هتقدر تفكر بذهن صاف. طبعا الاستخارة مهمة جدا وهتساعدك بس أنت توكل على الله وسلم له الاختيار وإن شاء الله الطرف اللي فيه الخير لك. وربنا يوفقك.
أنا فعلاً محتاج اخد هدنه ، تروس عقلى وجعتنى
تم النشر الخميس، ١٦ أبريل ٢٠٢٦
لعرض الإجابة في فدني اضغط هنا