ازيك يا اسماء اخبارك ايه، من اللي شفته في كلامك انك حاولتي كتير تلاقي شغل ورغم أن المجال اللي بتدوري فيه مفتوح بشكل كبير وفيه معدلات استقالة عالية إلا إنك متوفقتيش، المنافسة فعلا بقت صعبة في سوق العمل حاليا، والعلاقات ممكن تمهد لك وتيسر لك الدنيا اكتر، زي ما المهارات مهمة العلاقات كمان مهمة وبتفتح لك فرص اكتر، فممكن تتواصلي مع زمايلك أو تنزلي على صفحتك الشخصية انك بتدوري على شغل في مجال كذا واللي قدامه فرصة يتواصل معاكي، طلب الدعم لما نكون محتاجينه مهارة مهمة وضرورية، اتمنى تلاقي الوظيفة اللي نفسك فيها في أقرب فرصة 🙏🏻🤍
ممكن
تم النشر السبت، ٢٦ يوليو ٢٠٢٥
انتي غالبا بتتعاملي مع شركات outsource للتوظيف، ال cycle بتمشي بإن الhr موظف عنده تارجت وهو أنه يلاقي شخص مناسب لوظيفة ما جاية له من شركة زي فودافون مثلا، وبيدور ويعمل انترفيو لناس ويرشحهم لفودافون، لو شخص من اللي رشحهم اتوظف فعليا وعدا من الانترفيو اللي فودافون بتقوم بيها بعدها، بيكون له commission على الترشيح دا، فبالتالي ممكن تعاملك خاصة في المجال اللي بتقدمي فيه يكون مع وسيط توظيف مش الشركة نفسها
تم النشر السبت، ٢٦ يوليو ٢٠٢٥
عندي اه لا ماهي الفكرة ان ماحدش بيرد يعني انا ماعنديش مشكله في الرفض بس قولولي اني اترفضت علشان كذا خلونا نتعامل بشكل أدمي لكن hr بيكونوا فاكرين نفسهم ماسكين وزارة الخارجية
تم النشر السبت، ٢٦ يوليو ٢٠٢٥
ساعات المشكلة مش بتبقى فيكي، في الشركات الكبرى ممكن تكون راجعة لكونك ست في مرحلة سنية متوقع فيها الانشغال أو الزواج أو أن أولوياتك تكون العيلة فبالتالي اجازات زيادة و شفتات مش مناسبة فبيكون في قلق خاصة في مجال مرهق زي ال customer service
تم النشر السبت، ٢٦ يوليو ٢٠٢٥
عندك اكونت على لينكدان؟ حد منهم قالك سبب عدم التوفيق في الانترفيوز؟
تم النشر السبت، ٢٦ يوليو ٢٠٢٥
شكرا جدااا ليكي وعلي كلامك بس حتي العلاقات ماحدش ساعدني كلمت كل الناس اللي اعرفها صحاب عاديين وصحاب شغل ومديرين شركات واصحاب شركات وسلطات ماحدش ساعد بأي حاجة الحمد لله
تم النشر السبت، ٢٦ يوليو ٢٠٢٥
لعرض الإجابة في فدني اضغط هنا