صباح الخير عاملين ايه يارب تكونوا بخير
انا محتاجة مساعدتكم بجد تعبانه نفسياً بشكل مش طبيعي جبت اخر اخري عملت كل حاجة في الدنيا مافيش اي حاجة بتتغير بقالي سنتين بدور على شغل ومش لاقيه
خلاص مش قادرة استحمل اكتر من كده قعدة البيت وقدمت وعملت كمية انترفيوهات مالهاش اخر حرفيااااااااا وكل ما اكلم حد الموضوع بيكون تمام جدااااا نحدد انترفيو وتمام وفجأة وبدون اي مقدمات بيختفي تماماً ومش بيردوا الموضوع ده هيجنني تعبت بجد
اتعلمي حاجه جديده ف مجال معين وادرسيه كويس لعند ما تكوني خبره في مجال ده ومعاكى شهاده وبعدها قدمي ف شركه جديده وان شاء الله خير وتتقبلي أو زي إنك تتعملي لغات لفه انجليزيه أو المانيه أو اسبانية وغيرها وتأخير العمل ده يمكن خير ليكي وربنا إن شاء الله يكرمك يشغل كويس بعدين
تم النشر الأحد، ٢٧ يوليو ٢٠٢٥
ازيك يا اسماء اخبارك ايه، من اللي شفته في كلامك انك حاولتي كتير تلاقي شغل ورغم أن المجال اللي بتدوري فيه مفتوح بشكل كبير وفيه معدلات استقالة عالية إلا إنك متوفقتيش، المنافسة فعلا بقت صعبة في سوق العمل حاليا، والعلاقات ممكن تمهد لك وتيسر لك الدنيا اكتر، زي ما المهارات مهمة العلاقات كمان مهمة وبتفتح لك فرص اكتر، فممكن تتواصلي مع زمايلك أو تنزلي على صفحتك الشخصية انك بتدوري على شغل في مجال كذا واللي قدامه فرصة يتواصل معاكي، طلب الدعم لما نكون محتاجينه مهارة مهمة وضرورية، اتمنى تلاقي الوظيفة اللي نفسك فيها في أقرب فرصة 🙏🏻🤍
تم النشر السبت، ٢٦ يوليو ٢٠٢٥
السلام عليكم اخبار الصلاه وعلاقتك باهلك ايه ؟ الانترفيو بتعمليه فى مجال ايه؟
تم النشر الجمعة، ٢٥ يوليو ٢٠٢٥
صباح الخير يا أسماء، أولاً أحب أقول لك إن إحساسك بالتعب والإحباط طبيعي جداً في الظروف اللي بتعيشيها، خاصة لما تكوني بتبذلي مجهود كبير ولسه مش شايفة نتيجة. أنا هنا معاك وأفهم تماماً قد إيه الموضوع ممكن يكون مؤلم ومتعب نفسيًا. خليني أساعدك بخطوات عملية ممكن تخفف عنك الضغط وتزيد فرصك في الحصول على وظيفة: مراجعة سيرة العمل (CV) بشكل احترافي هل سيرتك الذاتية منظمة، واضحة ومصممة بحيث تلفت انتباه أصحاب العمل؟ أحيانًا تغيير تصميم أو تنسيق السيرة الذاتية بيساعد كثير. تحديد مجالات العمل وتطوير مهارات محددة هل هناك مجالات معينة أنتِ بارعة فيها أو تحبيها؟ ركزي عليها واعملي على تطوير مهاراتك بها. مثلاً، لو اتعلمتي مهارات جديدة مرتبطة بمجال بحثك ممكن يعزز فرص القبول. التواصل مع خبراء ومستشارين في مجال التوظيف ممكن تقابلي مستشارين توظيف أو خبراء يقدموا لك نصائح مخصصة تناسب مجالك وإمكانياتك. يمكنك زيارة صفحة الخبراء في موقع "فدني" للتواصل مع متخصصين في التوظيف. استخدام طرق أخرى للبحث عن شغل بجانب إرسال طلبات العمل، جربي تحضري فعاليات مهنية، ورش عمل، أو مجموعات مهنية على الإنترنت تعنى بنفس مجال تخصصك. أحياناً التواصل المباشر يفتح أبواب ما كنتيش متوقعتها. الاعتناء بنفسك نفسياً وروحياً خدي وقت لنفسك، صلي وادعي الله أن يفرج همك وييسر أمورك. ذكري نفسك أن التأني والصبر طريق النجاح، وأن الأبواب التي تُغلق أمامك ربما تفتَح لك أبواب أجمل. تابعي البحث وتعلمي من التجارب السابقة من الطبيعي إن بعض الفرص لا تؤتي ثمارها، لكن كل انترفيو هو فرصة لتتعلمي وتطوري من نفسك حتى تكوني مستعدة أفضل في المرات القادمة. أنا هنا أساندك وأشكرك لأنك شاركتينا مشاعرك، وعشان كده يمكن تبحثي في Fedni عن أسئلة مشابهة لتجارب الناس في البحث عن شغل، وتلاقي نصائح إضافية. لو تحبي، ممكن أساعدك بالبحث عن خبراء متخصصين في التوظيف في موقع "فدني" للتواصل معهم مباشرة، هم ممكن يعطوك استشارة فردية تناسب وضعك. لو حبيتي نكمل مع بعض، أنا هنا دايمًا اسألي براحتك، وربنا يفرج همك ويكتب لك خير قريب، إن شاء الله. 🌸
تم النشر الجمعة، ٢٥ يوليو ٢٠٢٥
كلمة واحدة .. فريلانس طوري نفسك في مهارة معينة وأبدئي مشروعك الخاص فيها بتقدمي خدمات للناس .. فلوس أكتر وقت اقصر ده مشروعك الخاص لكن حوار شغل مع شركات مبقاش بياكل عيش .. عند الجرافيك ديزاين مثلا و البرمجة اي حي الله مهارة بتحبيها مشروع مشروع بيزنس مستقل بعيد عن شركة
تم النشر الأربعاء، ١٣ أغسطس ٢٠٢٥
استغفري الله
تم النشر الأحد، ٢٧ يوليو ٢٠٢٥
تقدري تبحثي عن كورسات للتعامل مع الانترفيو من يوتيوب. منأكد هتديكي تريكات حلوة.
تم النشر الأحد، ٢٧ يوليو ٢٠٢٥
انا حاسس بيكي والله لاني بمر بنفس الحوار و كان نفسي اقدملك نصيحه او حتى مساعده لكن العين بصيره و اليد قصيره
تم النشر الأحد، ٢٧ يوليو ٢٠٢٥
يمكن خير لكي
تم النشر الأحد، ٢٧ يوليو ٢٠٢٥
صلي وادعي بيقين وربنا هيستجيب خدي دورات طوري من نفسك متوقفيش متعرفيش حد انتي بتعملي اي لأن ممكن بتتحسدي
تم النشر الأحد، ٢٧ يوليو ٢٠٢٥
الموضوع محتاج شويه صبر حاولي تغيري السي في و تاخدي دورات
تم النشر السبت، ٢٦ يوليو ٢٠٢٥
لعرض السؤال في فدني اضغط هنا