لازم تعرفي اهلك ضروري عشان تعالجي المشكله دي ولو مفيش مزانيه زياده في مستشفيات حكوميه ودي ملهاش علاقه بثقه بنفس دي مشكله مرضيه وبتتحل وخصوصا انتي بتقولي المشكله مش منك واهلك هيراعوا دا وانتي بتقولي امالهم فيكي فلازم تعرفيهم عشان مياثرش علي نفسيتك اكتر من كده
ولكن انا احيانا بييجي ف بالي انو دا طبيعي و خصوصا لما بلاقي ناس كنت شايفه سمعهم عادي بيعدي عليهم مواقف مش بيسمعو فيها كويس هوا اه اقل مني بس ساعتها بحس بثقه و بروح اقول دا انا اللي مركزه زياده ف الموضوع و اصلا دي كمان وجهه نظر ماما برضو و انا عايزه احسس نفسي اني طبيعيه مهما كان و ساعات بحس انو دي مشكله نفسيه مش ف السمع اوي و دا اني ساعات لما مثلا اتعب اصدع او افصل حتي بلاقي نفسي مش طايقه اسمع حد خالص و لو اتكلم مش بسمعه الا كانه صدي صوت كدا و مثلا الاصوات الغريبه او الاشخاص اللي بيبقو جداد عليا ف المعرفه دول مش بعرف اسمعهم الا قليل و دا بيصعب اني اتعامل مع حد و خصوصا صوت المنقبات و مقصدي اساءه او صوت الرجاله ك مدرس مثلا او مهما كان بحس عندي عقده منهم و كمان الكلام ف التليفون مش بقدر اعمله دا لو والدي اللي رن مش برد عليه الا لو مكانش في حد غيري غير كدا بدي التليفون لاخواتي هما اللي يردو ف حاسه دا بسبب الرهاب الاجتماعي الشديد و انقطاعي عن الناس و كدا من انا و صغيره ف مش عارفه اي الحل مع العلم الاعراض دي بدات تظهر كل م اكبر ف انا مش عارفه اي الحل و لما حد غريب او مش غريب اوي المهم مش متعوده عليه حتي لو من قرايبي كلمني برتبك و بقلق و بحاول اركز معاه اوي بحيث ميحصلش موقف محرج لي و في الاخر بسمع نص الكلام و الباقي مش بفهمه دا ساعات من القلق بروح اكمل الكلام من دماغي اصلا و بحس نفسي عامله زي الطفل الصغير اللي بيبكي لما حد غريب يكلمه و بيكون طبيعي مع الاشخاص المقربين ليه جدا.....اسفه لو طولت اتمني حل للمشكله دي 😞😞😞
تم النشر السبت، ١٣ ديسمبر ٢٠٢٥
لعرض الإجابة في فدني اضغط هنا