السلام عليكم، مش عارفة كم عمرك وهل لسه بتدرسي أو لا، بس كلامك يقول إنكم لسه صغيرين. فنصيحة بجد، ابعدي عن الجو ده كله وركزي في دراستك وحياتك. صاحبتك اللي مصاحبة واحد وبتحب واحد تاني، مش عارفة ليه بتعمل كده بس تصرفاتها غلط في غلط وحرام، والصاحب ساحب عمومًا وغالبًا بيأثر عليك وعلى حياتك وسمعتك. "المرء على دين خليله فلينظر أحدكم من يخالل" انصحي صاحبتك تبعد عن العلاقات الحرام دي وتعزز نفسها ولو فضلت ماشية في نفس الطريق ابعدي عنها أفضل إلا لو مش عندك مانع أصلا من الحوارات دي كلها فهقول لك لو مسلمة لازم تعرفي إن العلاقات دي حرام في ديننا. المفروض أنتِ وهي تعززوا نفسكم وتغلوها عن كده، مش اي واحد فاكر نفسه ظريف يتعامل معك بالطريقة دي ويتجاوز حدوده ويحاول يتسلى بك، يرتبط بك أو بغيرك ويروح يصاحب دي ويتسلى مع دي. فليه تقللي أنتِ وهي من نفسكم للدرجة دي؟ بتتسلوا أنتم كمان؟ أعتقد حياتكم فيها أهم من تضييع الوقت في حاجات تافهة وحرام. ركزي على حياتك وشخصيتك أفضل لك ولمستقبلك.
لعرض الإجابة في فدني اضغط هنا