سلام عليكم ، انا شخص الناس بتشهدلي بالجدعنة و الاحترام
بس انا من جوايا بكون عاوز اعمل كده ساعات عشان حد يشوفني أو أن اعمل حاجه كويسة و كاميرا تصورني
الموضوع ده مدايقني طبعا بس مش عارف اسيطر عليه
من كام يوم لقيت موبايل في توكتوك كده خدته و لما صاحبه رن اديتهوله و شكرني و مشي ، غصب عني بقول قدام صحابي عملت كذا و الاكتر أن يومها فضلت ادور على جروبات البلد أنه يكون منزل حاكي الموقف و قايل اسمي مع أن ده رياء و انا عارف ان حرام
فا لو تكرمتم عاوز ابطل تعمل كده و اني اعمل خير لوجه الله لو حد عنده نصيحة يقول
أعتقد أن ده مش رياء بالمعني الحرفي له بمعني أنك بتعاني من عدم التقدير وقلة إلاهتمام من صغرك وبالتالي حابب أن الناس تظهر الإهتمام والتقدير ليك عن أي حاجه أنت بتعملها
تم النشر الاثنين، ٢٤ يوليو ٢٠٢٣
اول حاجه لازم يكون عندك إصرار انك تبطل تعمل كدا وافتكر انك لما تموت واحنا طبعا كلنا هنموت تخيل كدا ربنا بيقول خذوا عبدى كذا للنار ف تقول يارب انا ليه ادخل النار دا انا علمت كذا وكذا ف ربنا هيقولك يا عبدى انت عملت كدا عشان الناس تشكر فيك وتحترمك وخلاص دا حصل فعلا فانت كدا اخذت اللى عايزه فى الدنيا ومن مين يا عبدى من الناس وليس منى مفيش يا عبدى حاجه عملتها خير وانا وانت فقط نعلم بيها يعنى سر بينك. وبين ربنا بس ف مفيش ف ترجع تقول يا رتنى ف حاول من الوقتى معتش تعمل كدا ولما يحصل حاجه انساها خالص
تم النشر الاثنين، ٢٤ يوليو ٢٠٢٣
يا شباب انا عارف ان الي بعمله حاجه غلط ، اقاومة ازاي
تم النشر الاثنين، ٢٤ يوليو ٢٠٢٣
اللي بتعمله ده تعويض لنقص موجود حاجه انت نفسك كانت تحصلك ممكن يكون ناتج عن عدم تقدير ليك بالصوره اللي انت نفسك فيها وشايف انك تستحقها كل اللي اقدر اقوله انك متستناش حاجه م حد قاوم نفسك اعمل الخير لله وبس
تم النشر الاثنين، ٢٤ يوليو ٢٠٢٣
لعرض السؤال في فدني اضغط هنا