السلام عليكم
أنا بنت عمري 20سنه بدرس في كليه حاسبات ومعلومات وبشتغل جمب دراستي ممرضه اطفال عنايه مركزه وكدا غير شغل البيت ومسؤلياتي من فتره كنت اتخطبت لواحد عنده 26سنه كان شاب محترم وشغله كويس بس بعد ما قعدنا فتره مخطوبين اكتشفت أنه شخص مش كويس وكان بيطلب حاجات مينفعش وعايزني أقوله كلام مش كويس وسبته بعد 6 شهور خطوبه ولأنها أول تجربه ليا في حياتي وهوا كان أول راجل اتعامل معاه وكدا فتعبت نفسيا وقررت انتبه لشغلي ودراستي ومرتبطش دلوقتي
وبعد فتره حوالي شهرين ابن عمي اتقدملي وبابا كان موافق ومرحب جدا بالموضوع دا برغم أن ابن عمي دا اتقدم ليا كتير قبل كدا وبابا كان رافض بس انا عارضت بابا في قراره لاني مش جاهزه ارتبط بحد دلوقتي وحاسه اني تايهه ولو ارتبط بحد دلوقتي هظلمه معايا وهظلم نفسي بس تحت ضغط من بابا اضطريت اوافق وتمت الخطوبه وبقالي شهر و12يوم مخطوبه
هو حد كويس وملتزم دينيا وأخلاقيا وبيهتم بيا وبيخاف عليا وحد كويس يعني بس انا حتى الآن مش عارفه اتعامل حتي لما بنتكلم فون برغم أنه هو مش قدامي ومفيش داعي اتحرج وكدا بس انا حتى الكلام مش عارفه اسأله في ايه ولا اتكلم معاه في ايه
هو بياخد باله من حاجه زي كدا ويحاول يتكلم وبيحكي لي ذكرياته القديمه في الجيش والمدرسه وشغله ومواقف يومه بس انا حتى الآن مش عارفه اتعامل وبفكر أسيبه بس حاسه اني هظلمه معايا لاني حاولت افتح كلام اني مش عارفه اتعامل
ولو مقدرتش اتعامل مش هقدر اكمل قالي اديني فرصه وكدا نتعرف اكتر ووصلي فكره أنه تعب على ما وصلي وبابا وافق عليه برغم الرفض الكتير اني اديله فرصه وأنه هو هيعوضني بس انا مش عارفه اتعامل وحاسه اني بظلمه وفي نفس الوقت مش قادره اسيبه بعد الكلام اللي قالهولي لو حد يقدر يفيدني بأي اقتراح وشكرا
ازيك يا جميلة اتمنى تكونى بخير 🌸 ، اللى بتمرى بيه طبيعي جدا لانه لسة ماتعافتيش من تجربتك الأولى للاسف ، ويؤسفنى انى اقول للاسف ، ابن عمك زى ما وصى الرسول صلى الله عليه وسلم " اذا جاءكم من ترضونه دينه وخلقه ف زوجوه" . ، ف ادعى ربنا انه لو خير ليكي ربنا يألف بين قلوبكم ويهديكم سبل السلام ، مش ديما اللى بنعيشه وبيكون نفسنا فيه بيكون احسن حاجه لينا ، ديما حسابات ربنا لينا احلى وألطف مما تتخيلى ، احمدى الله على نعمته ، وانه رزقك بخطيب طيب السمعة والعشرة وحَسن الخُلق ، وانتى هتعيشي مع عشرته وأخلاقه ودينه . ربنا يصلح ذات بينكم ويهديكم سبل السلام . وربنا يقر عينكم ببعض ومبارك عليكي مقدما 🌸🌸
تم النشر الأربعاء، ١١ يونيو ٢٠٢٥
انتي مش عارفه تتعاملي معاه من أثر الصدمة للخطوبة الاولى، بس مدام هو محترم وملتزم اسمعي منه وفهميه ان التجربه الاولى مضايقاكى وهو اكيد هيتفهم ده مدام بيحبك اديله فرصه يثبت نيته وانتي ساعديه وساعدي نفسك معاه وشوفي فيه الصفات الكويسة وامسكي فيه
تم النشر الأربعاء، ١١ يونيو ٢٠٢٥
وعليكم السلام ورحمة الله وبركاته، مادام ابن عمك ملتزم دينيا واخلاقيا وبيهتم فيكي ، ما تخسريه... الدنيا تجارب، صح مرقتي بتجربة مش لطيفة، بس منقول لعله خير صح؟ ولعله الخير بزواجك من ابن عمك... الاحترام والتفاهم والدين اهم من الحب ، الحب بيجي من هدول الامور، وبموت لما ما يكونو... وبالنسبة لمشاعرك، هل قصدك انه خايفة تظلميه بإنه بعد في مشاعر تجاه خطيبك السابق؟ ولا لانك حاسة انك مش جاهزة؟ بكل الأحوال، ما بتعرفي لما عنجد تكوني جاهزة بالمستقبل، هل رح يفوت على حياتك شخص مثل ابن عمك؟ ولا ممكن ترضي بالأقل منو؟ برأيي كملي مع ابن عمك، وانتبهي على مستقبلك، ودائما استخيري بكل خطوة، وطبعا استعيني بالله هو رح يبينلك الطريق الصح...
تم النشر الثلاثاء، ١٠ يونيو ٢٠٢٥
وعليكم السلام ورحمة الله يا عزيزتي، شكرًا لثقتك لمشاركة قصتك معي، وأنا هنا لأساعدك وأدعمك. أولًا، أريد أؤكد لك أن ما تمرين به طبيعي جدًا وخاصة في مرحلة العشرين، وهي مرحلة فيها ضغوط كبيرة وفيها تبدأين تتعلمي كيف تتعاملي مع العلاقات والعواطف وتوازني بين حياتك الشخصية ودراستك وشغلك. خليني أساعدك أفكِّر في الوضع بطريقة هادئة ومنظمة: الضغط النفسي والشعور بالتشتت: من الطبيعي تشعري بالحيرة بعد تجربة خاطبة غير ناجحة، خاصة لو كانت أول تجربة حب أو خطوبة. وهذا يؤثر على قدرتك في التواصل مع خطيبك الحالي لأنك ما زلتِ تحتاجي وقت حتى تثقي في نفسك وفي العلاقة. اعملي لنفسك مساحات تسمحي فيها لنفسك تعيشي مشاعرك بدون ضغط، هذا مهم جدًا. الخطوبة الحالية والتواصل: هو رجل جيد، يحاول أن يفتح معك باب الحوار ويتشاركك تفاصيل يومه، وهذا علامة إيجابية. لكن واضح أنك تشعرين بعدم الراحة أو الحيرة في العلاقة، وهذا طبيعي ولا يعني أن هناك خطأ فيك. لا بأس بأن تعترفي له بأنك بحاجة لوقت أكثر لتتأقلمي على الخطوبة وأن التواصل يحتاج وقت وتجربة. الصراحة والوضوح سيساعدك، ولا يعني هذا أنك تظلمينه، بل بالعكس، احترام مشاعرك ومشاركته لها يعزز العلاقة. التعامل مع ضغط عائلتك: الضغط من العائلة يمكن يكون محبط جدًا، لكن تذكري أن القرار في النهاية قرارك وحياتك. من حقك تختاري وقت وشخص الارتباط الذي يناسبك وتتأكدي من نفسك وأحاسيسك. حاولي تتحدثي مع والدك بلطف ووضوح عن حاجتك لوقت أكبر لتتمكني من اتخاذ القرار الصحيح بدون ضغط. نصائح عملية: حددي أوقاتًا محددة للتواصل مع خطيبك بحيث يكون ذلك بدون ضغط وظيفي أو دراسي. جهزي مواضيع بسيطة للحديث (مثلاً: هواياته، أهدافه المستقبلية، الأشياء التي يحبها أو ينصحك بها). اجعلي من الحوار متعة وليس واجب، وإذا شعرتِ بالتعب أو الحرج، خذي استراحة. سجلي مشاعرك وأفكارك في دفتر بحيث تساعدك على ترتيب أفكارك. قلبيًا وروحيًا: احرصي دائمًا على الدعاء لله سبحانه وتعالى بأن يجعل لك الطريق واضحًا ويهدِي قلبك لما فيه الخير. لا تجبري نفسك على شئ لم تتقبليه تمامًا، لأن رضاك الداخلي هو الأساس. في النهاية، لا تترددي تطلبي الاستشارة من خبراء في العلاقات أو مدربين حياتيين يمكنهم مساعدتك على التواصل وبناء الثقة تدريجيًا. بإمكانك زيارة صفحة الخبراء في تطبيق فدني https://www.fedni.net/experts حيث تجدين متخصصين يمكنهم دعمك أكثر. إذا كنتِ تريدين، يمكنني معك نخطط خطوات بسيطة للتواصل مع خطيبك أو كيفية التعامل مع الضغط النفسي بعد تجربة الخطوبة السابقة. أنا هنا معك، لا تترددي في التواصل معي. دمتِ قوية ومتوكلة على الله ذكية. ❤️
تم النشر الاثنين، ٩ يونيو ٢٠٢٥
لعرض السؤال في فدني اضغط هنا