وطبعا انا مش فيا الطبع دا لان هموم الدنيا بتاكل فيا فا مش فايقة لحواراتهم وضحكهم
هما بيبقو حافظين افيهات افلام وكدا ونا مبتفرجش على افلام عربي كتير والمصري بالاخص فا مش بعرف اتفاعل معاهم وانا اصلا شخص مش بيحب يضحك كتير فا خايفة يقولو عني دمي تقيل وكدا
ولغاية دلوقتي مش لاقية حد شبهي لان تفكيري جد جدا مبحبش الهزار ومش كل حاجة بتضحكني واحنا شعب دمه خفيف وبيحب يضحك وبتضايق لما الاقي ناس رايقة وانا فيا كل النكد دا
قولولي اعمل اي
طيب ما يقولوا عليكي نكدية، او حتى دمك تقيل ايه المشكلة؟ انتي عارفه هتبقى ايه المشكلة بالحقيقة بقى؟ انك لو بقيتي حد تاني غير نفسك .. انك لو بقيتي تعملي حاجه عكس شخصيتك .. هتبقى وقتها انسانة مصطنعة، فيك .. بتعملي حاجات مش بتاعتك ولا مقتنعة بيها اصلا. ولا متفقة مع شخصيتك. طيب ايه الحل؟ بتخرجي معاهم ليه طالما هما مش متوافقين معاكي؟ يعني ليه تجيبي لنفسك النكد لحد عندك؟ يعني مثلا لو انا فيه شخصية ما او جروب من الناس مش على هوايا، او مش بحب اقعد معاهم لانهم مش مناسبين خالص مثلا لنوعية فكري، مش بستطلفهم اي حاجه ... ليه اروح اقعد معاهم؟ يعني ليه اروح قاعدة مش عجباني، بل وزيادة هتجيب ليا زهق وملل كمان. انتقي الناس اللي يشبهوكي، قربين من شخصيتك مثلا، الناس دول مش موجودين خلاص انتي مع نفسك دلوقتي افضل لحد ما تلاقي الناس ديه. دوري ع الناس ديه في محيطك شوية .. يعني ايه؟ يعني مثا لو انا بحب حاجه معينه وعلى سبيل مثال القراءة او بحب الندوات .. اي حاجه مهما كانت .. ف ربما هلاقي ناس تشبهني في الاماكن ديه تشاركني اهتماماتي .. حاجه كمان متضايقيش من نفسك او تحسي اد ايه انتي مش عارفه تبقى زيهم، اولا لو شايفة نفسك نكدية ابدأي حلي المشاكل اللي موجودة في حياتك .. واكيد بعد المشاكل ديه هتبقى احسن وهتعرفي تعيشي حياتك بشكل افضل. بتمنى ليكي التوفيق
تم النشر الأربعاء، ١٩ يوليو ٢٠٢٣
أهلاً، مش لازم كل الناس تبقى زي بعضها. كل واحد ليه شخصيته وطريقته في التعامل مع الأمور. ماتخليش رأي الناس فيكي يأثر عليكي. المهم إنك تبقي راضية عن نفسك. لو حابة تتواصلي معاهم أكتر، ممكن تحاولي تسأليهم عن نفسهم أكتر وتسمعيهم باهتمام. مع الوقت هتلاقي نقاط مشتركة معاهم. وطبعًا مافيش حاجة تجبرك تضحكي لو مش مرتاحة. المهم تبقي نفسك ومتسيبيش حكم الناس عليكي يزعلك. فيه ناس كتير زيك بردو. أهم حاجة إنك تبقي مبسوطة بنفسك. الصداقة مش مجرد الضحك، فيه احترام الاختلافات. أكيد هتلاقي ناس شبهك، مهم إنك تكوني نفسك.
تم النشر الثلاثاء، ١٨ يوليو ٢٠٢٣
أولا ده مش نكد ولا حاجه ده تقدري تصفيه فى إنو نضج فكري و عن تجربه فى حياتي اليومية أنا مبخرجش و لما بخرج مش بعرف اندمج معاهم بسبب إن اهتمامتي مختلفة عن اهتمامتهم فمفيش كلام كتير و دايما الرفقه اللي خارجه معايا بيهزرو و يضحكوا و شوفت فيلم معرفش أى و لا لا ده عمل لقطة عجبتني شوفت الممثل فلان لما عمل كذه ؟ و أنا مش عارف أشارك لعدم معرفتي مين الممثل أصلا ولا الفيلم بيتكلم عن أى. نيجي بقى للسؤال إزاي عرفت أتعامل مع كده و مكونش أنا نقطة الكئابة ولا النكد على رأيك؟ حاولت دايما لما بنكون فى خروجه اسيبهم يتكلموا الأول و أحاول استنتج من كلامهم المحتوى و بقيت صريح لكن بشكل مش يفصل اللي قدامي يعني هما بيتكلموا على فيلم Ghosted لكن أنا معرفهوش أقوم قايل لواحد فيهم بصوت واطي كده هو إيه الفيلم ده و اخليه يقولي بشكل ملخص و كده و بعدها أعرف أشارك فى بعض الكلام و أضحك معاهم و مثلاً عايزين نجيب أكل و أنا معرفش الأكل ده بس هما عارفينوا اقولهم برضوا بشكل صريح أنا جعان و طول ما الأكل بنسبلكوا حلو أكيد هيعجبني و فعلاً بيكون حلو و خارجين مثلاً بحاول أبعد عن mood الجد و اندمج معاهم فى mood ضحك و الهزار و الفرفشة علشان برضوا مبقاش النكد اللي وسطهم (و ركزي أنا قولت بحاول و المحاولة بتجيب نتيجة مش دايما بس بعمل اللي عليا ) آخر حاجه أنتِ هو أنت ِ أنا كنت فاكر لما أغير من نفسي هعرف اندمج مع غيري لكن لما تغيري من نفسك علشان فئة معينه هتيجي فئة آخره و مش هتعرفي تتأقلمي معاها فبلاش و زي مقولت أنت هو أنت و طول ما اللي قدامك مش متقبل كده يبقى ميستهلش يتسمى صديق و الدليل على كلامي أنا أصدقائي حتى مع معرفتهم إني مختلف كل الاختلاف عنهم لكن دائماً أنا أول واحد بيتقالوا عايزين نخرج مع إني معنديش خبره فى الخروجات لكن لأنهم تقبلوني زي ما أنا عرفت اندمج معاهم و هما يندمجوا معايا اقصد يعني فهمتهم و فهموني آخر حاجه فعلاً قد تحاطي بآلاف من البشر و لكن لا يوجد بينهم إلا صديقة وفيه و هيا الوحيده التي تستحق أن تناديها بصديقتي . بعتذر على الإطالة، وبس.
تم النشر الثلاثاء، ١٨ يوليو ٢٠٢٣
حلو لقيت شخصية زيي اهو .. اولا الطبيعي ان الانسان يبقي عنده وقت للجد و وقت للهزار ، احيانا بيطلع كلمة او موقف يضحكوا وسط الجد ، لو انتي وسط قعدة و حاسة ان دماغك فيها تفكير زيادة حاولي تهدي وتيرة التفكير شوية و جاري قعدة الاصحاب او خلافه ، ثانيا فن التغابي .. احيانا هتسمعي حد بيقول كلمة مش ظريفة او بيفتح موضوع مينفعش يتفتح او قال حاجه ميصحش تتقال ساعتها من الحكمة اننا نعمل اغبياء مش فاهمين او مخدناش بالنا حتي لو اتسألنا سمعتي لما فلانة قالت كذا .. تردي بانك مأخدتيش بالك و اكيد لو قالت يبقي كان هزار .. علشان منقومش الناس علي بعضها ، ثالثا .. انا مش بطيق الافلام العربي اصلا من تافه لأتفه لا فكرة ولا مضمون و احسن ما فيهم بيبقي عرض ميكب اب و ازياء و افيهات تافة ، اخر حاجه كتر التفكير في الهموم بيجيب هموم احيانا بيبقي كويس لما توقفي الاستوديو التحليلي اللي في دماغك و تندمجي في الجو ، او لو انتي ذكية افتحي موضوع فعلا يثير اهتمامك او مضحك او مثير للسخرية من وجهة نظرك .. لو ال ستاند اب كوميدي بتاعهم مش عاجبك امسكي المايك انتي و و وريهم مثلا .. مش رايقة بلاش تنكدي عليهم و ابتسمي مجاملة كده ، وبلاش تحسي بالغربة وسطهم او انك شايلة هم ، افتكري دايما ان فيه ناس معندهمش رفاهية الاصحاب و القعدات و بيفضلوا العزلة زي حالاتي مثلا ، مش علشان معنديش لكن علشان سلامتي النفسية و خلقي الضيق و لسبب اهم اني بحب اصلا الوحدة و العزلة ..اتعلمي فن انك تستمتعي بالحياة .. و الدنيا دار ابتلاء بعني الهموم شيء طبيعي جدا ، الشاطر هو اللي يتكيف معاها و يعالج و في نفس الوقت يقدر يستنتع بوقته مش كل شوية يفكر في الهموم علشان الهم عارف طريقة مش محتاج عزومة .
تم النشر الأربعاء، ١٩ يوليو ٢٠٢٣
لعرض السؤال في فدني اضغط هنا