السلام عليكم ورحمة الله وبركاته
أنا بحس بنفور تجاه أي حد مش جد
يعني الناس اللي بيهزروا كتير أو مثلًا في خفة في كلامهم بحس إني مش متقبلاهم
وخصوصًا الناس اللي مش بيهتموا لأمر دين
الموضوع ده بيخليني أرفض التعامل معاهم حتى لو هيكون في نفع
هل ده عدم تقبل الاختلاف ولا ايه
وحاجه تانيه
أنا بقيت بفضل الاختصار في كل حاجه يعني ممكن أقول أنا هعمل حاجه
لكن ماأقولش تفاصيل
بقول الكلام مجمل ،فدي بتضايق اللي قدامي بس أنا مابكونش حابه أقول تفاصيل حتى بقيت بعمل كده مع اقرب الناس
ولو حد مدحني أو قال حتى اللهم بارك على حاجه عملتها
بسكت ومابردش لو رجل مابديش رد فبيبان عدم تقدير
،فده طبيعي ؟!
وعليكم السلام ورحمة الله تعالى وبركاته بالنسبة لكونك بتحسي بنفور تجاه النوع دا من الناس فأنا مش شايفة غلط في ده من وجهة نظري بالعكس في ديننا: عن ابن عمر رضي الله عنهما قال: قال رسول الله صلى الله عليه وسلم: "إني لأمزح، ولا أقول إلا حقاً" وكان مزاح النبي ﷺ تسرية عن أصحابه وكان قليلًا، وكان الصحابة رضي الله عنهم لا يكثرون المزاح أيضًا لأن من أكثر من المزاح أضر به، وقلل من هيبته، بل وربما أسقطه من أعين الناس ففي شعب الإيمان عن عبد العزيز بن أبي داود: أن قوماً صحبوا عمر بن عبد العزيز فقال: عليكم بتقوى الله وحده لا شريك له، وإياكم والمزحة، فإنها تجر إلى القبيح، وتورث الضغينة، وتجالسوا بالقرآن، وتحدثوا به، فإن ثقل عليكم فحديث من حديث الرجال حسن دا كمان في الصمت نجاة: عَنْ عَبْدِ اللَّهِ بْنِ عَمْرٍو رضي الله عنهما قَالَ: قَالَ رَسُولُ اللَّهِ صلى الله عليه وسلم: "مَنْ صَمَتَ نَجَا" ومما ذُكر لنا عن النبي ﷺ عَنْ سِمَاكٍ قَالَ: قُلْتُ لِجَابِرِ بْنِ سَمُرَةَ: أَكُنْتَ تُجَالِسُ رَسُولَ اللَّهِ صلى الله عليه وسلم؟ قَالَ: "نَعَمْ، وَكَانَ طَوِيلَ الصَّمْتِ، قَلِيلَ الضَّحِكِ، وَكَانَ أَصْحَابُهُ يَذْكُرُونَ عِنْدَهُ الشِّعْرَ، وَأَشْيَاءَ مِنْ أُمُورِهِمْ، فَيَضْحَكُونَ، وَرُبَّمَا تَبَسَّمَ وَعَنْ عَائِشَةَ رضي الله عنها: "أَنَّ النَّبِيَّ صلى الله عليه وسلم كَانَ يُحَدِّثُ حَدِيثًا لَوْ عَدَّهُ الْعَادُّ لأَحْصَاهُ" وَعَنْ أَبِي هُرَيْرَةَ رضي الله عنه أَنَّ رَسُولَ اللهِ صلى الله عليه وسلم قَالَ: "إِذَا رَأَيْتُمُ الْعَبْدَ يُعْطَى زُهْدًا فِي الدُّنْيَا وَقِلَّةَ مَنْطِقٍ، فَاقْتَرِبُوا مِنْهُ، فَإِنَّهُ يُلْقِي الْحِكْمَةَ" +من أبيات الشعر المفضلة عندي شخصيًا لا خَيرَ في حَشوِ الكَلامِ إِذا اِهتَدَيتَ إِلى عُيونِهِ يعني: مفيش فايدة من الكلام الكتير لو انت وصلت للفكرة الأساسية. “عيون الكلام” = أهم معانيه وَالصَمتُ أَجمَلُ بِالفَتى مِن مَنطِقٍ في غَيرِ حينِهِ يعني: السكوت أحيانًا يبقى أحسن من الكلام… خصوصًا لو الكلام في وقت غلط وَعَلى الفَتى لِطِباعِهِ سِمَةٌ تَلوحُ عَلى جَبينِهِ يعني: طبع الإنسان بيبان عليه… حتى من غير ما يتكلم دي أبيات جميلة للشافعي رحمه الله. و يقول ايضًا عمر بن الخطاب رضي الله عنه: «أظل أهاب الرجل حتى يتكلم، فإن تكلم سقط من عيني، أو رفع نفسه عندي» ..
تم النشر الثلاثاء، ١٤ أبريل ٢٠٢٦
وعجبتني حتة انك بتختصري زي انك تقولي هتعملي ايه بس متقوليش التفاصيل «استعينوا على قضاء حوائجكم بالكتمان فإن كل ذي نعمة محسود» وأنا شخصيًا بعمل دا بس خليكِ ذكية إجتماعيًا بحيث لو دا هيضايق الناس أوي خاصة القريبين منك يبقي بلاش من البداية تذكري انك ناوية تعملي الشئ الفلاني أصلًا علي قد ما تقدري يعني دي مش قواعد ثابتة بس اتعلمي تتعاملي وتهندليها زي ما بنقول بحيث تبقي مرتاحة تمامًا في الـzoon اللي ترضيها لنفسك و at the same time طالعة بأقل عدد من الحبايب زعلانين منك ويا سلام لو نعرف منزعلش حد مادام مش هنيجي ع نفسنا🤏🏻💗
تم النشر الثلاثاء، ١٤ أبريل ٢٠٢٦
حتة بقي تجاهل المدح لو من رجُل والله لو أنتِ بتفكري من باب الاحتياط والحياء وأن الأسلم في التعامل مع الجنس الآخر هو الرسمية الشديدة لتجنب أي فتح باب للكلام أو التمادي هذه النظرة لها وجاهتها ومنطقها لكن دعينا نوازنها بذكاء حتى لا يساء فهمك أو تظهرين بشكل جاف زيادة عن اللزوم الحياء لا ينافي "الرد المقتضب" الحياء في الإسلام خُلق رفيع، لكنه لا يعني العجز عن الرد بالمعروف تقدري تجمعي بين الحياء وبين الأدب برد كلمة واحدة لا تفتح مجالاً للحوار من رأيي المتواضع: السكوت التام أحياناً بيلفت الانتباه أكثر من الرد الرسمي لأنه ممكن يتفسر بالخجل الشديد أو الارتباك و دا ممكن يغري الطرف الآخر (لو كان نيته غير طيبة) بالتمادي أما الرد بجمود وأدب في نفس الوقت بيقدم رسالة واضحة انه أنا سمعت مديحك شكراً وانتهى الموضوع هنا وممكن أصلًا تبقي أسبابك حاجة تانية زي التواضع الزائد أو القلق الاجتماعي بس مهما تعددت الأسباب فأنا قلتلك رأيي وممكن بقي تردي بالطرق دي الردود المختصرة زي الحمد لله، ده توفيق من ربنا أو الدعاء للمادح: كان النبي ﷺ يقول: «من صنع إليكم معروفاً فكافئوه، فإن لم تجدوا ما تكافئونه به، فادعوا له حتى تروا أنكم قد كافأتموه». والكلمة الحلوة نوع من المعروف، فيكون الرد بـ جزاك الله خيراً أو بارك الله فيك أو بإرجاع الفضل لصاحب الفضل قولي مثلًا الحمد لله هذا من فضل ربي ⭐كان لبعض الصحابة (كأبي بكر الصديق رضي الله عنه) دعاء جميل جداً إذا مُدحوا، يمكنكِ قوله في سركِ ليطمئن قلبك: اللهم اجعلني خيراً مما يظنون، واغفر لي ما لا يعلمون، ولا تؤاخذني بما يقولون هذا الدعاء يوازن بين تقبلك للمدح في العلن، وبين تواضعك وصدقك مع الله في السر يعني الدين يدعوكِ لتكوني هينة لينة. الابتسامة وكلمة جزاك الله خيراً مثلًا هي تطبيق عملي للسنة ان شاء الله في رد الكلمة الطيبة بالطيب، وفي نفس الوقت تحميكِ من التوتر لأنكِ بتسبحي الله في سرك وبتنسبي الجمال له سبحانه طب متى يكون السكوت هو الأفضل؟ فعلاً يكون السكوت (أو تجاهل المديح) هو التصرف الأصح في حالات معينة لو كان المدح فيه تجاوز أو يتكلم عن تفاصيل شخصية لا علاقة لها بالعمل أو الموقف لو كان الشخص مِكثار (يمدح كثيراً لغرض لفت الانتباه) لو شعرتِ بـ عدم ارتياح لنية الشخص أو أسلوبه
تم النشر الثلاثاء، ١٤ أبريل ٢٠٢٦
أما نقطة عدم تقبل الناس الغير جدية وغير مهتمة لأمور الدين بما يكفي في نظرك ورفض التعامل معاهم ختي لو في نفع فبصراحة إحساسك ده مفهوم جداً هو في جوهره غالبًا رغبة في حماية المبادئ أكتر من كونه مجرد رفض للاختلاف الإنسان طبيعي بيميل للناس اللي بتشبهه في القيم، لأن ده بيحسسه بالأمان والراحة في التعامل لكن عشان نكون منصفين ونشوف الصورة كاملة، خلينا نفرق بين حاجتين:حماية النفس vs الانغلاق مبدئيًا حماية النفس:هي إنك تتجنبي الناس اللي بيضغطوا عليكِ علشان تتنازلي عن قيمك، أو اللي بيسخروا من معتقداتك، ده حقك تماماً وذكاء في اختيار الدوائر القريبة أما عدم تقبل الاختلاف: هو إننا نفترض إن أي شخص "مختلف" عني دينياً هو بالضرورة شخص سيء أو التعامل معاه ملوش لازمة، حتى لو كان التعامل ده في مصلحة عامة (شغل، دراسة، نفع متبادل) النفع في سيرة النبي ﷺ لو بصينا للسيرة النبوية، هنلاقي إن النبي ﷺ تعامل مع الكل (المؤمن، والمخالف في الدين تماماً) في أمور النفع والتجارة والعهود النبي ﷺ استعان بـ عبد الله بن أريقط (وكان غير مسلم) كدليل في الهجرة لأنه كان خبيراً بالطرق ده يعلمنا إن الاحترافية في التعامل مع الآخرين لنفع متبادل لا تنتقص من دينك أبداً، بل بالعكس، أحياناً بتمسُّكِك بمبادئك وأدبك ورسميتك في التعامل مع ناس مختلفة، بتديهم صورة أسمى عن الشخص المتدين هل ده تجنب أم هروب؟ أحياناً التجنب بيكون سببه الخوف من الاصطدام أو الخوف من إن الشخص التاني يحاول يشدنا لمنطقته لو ده السبب، فالحل هو تقوية الحدود مش قطع العلاقات تقدري تتعاملي وتستفيدي وتفيدي، مع الحفاظ على مسافة آمنة مش لازم الشخص اللي بتتعاملي معاه يكون صديق مقرب عشان يحصل نفع بصي للموضوع من زاوية تانية: لو كل الناس الملتزمة بالدين تجنبت التعامل مع اللي مش مهتمين، مين هيوصل للناس دي صورة الدين السمحة؟ ومين هيثبت إن الشخص المتدين هو الأنجح والأكثر أمانة وإتقاناً في عمله؟ و الخلاصة الصريحة لو كان تجنبهم لن يفوت عليكِ علماً ولا رزقاً ولا مصلحة ضرورية فالتجنب طبعاً أفضل لأنه أريح لبالك وأحفظ لقلبك أما إذا كان التجنب سيجعلكِ منعزلة عن اكتساب خبرات الحياة أو يعطلكِ عن أهدافك، فالأفضل هو التعامل بحذر وبحدود واضحة الدين لم يطلب منا اعتزال الناس، بل "المؤمن الذي يخالط الناس ويصبر على أذاهم خير من الذي لا يخالطهم ولا يصبر على أذاهم"
تم النشر الثلاثاء، ١٤ أبريل ٢٠٢٦
مادام الأمر كذلك فمن رأيي دا شئ جميل، أنتِ بدأت تميلي للإنعزال وتوجيه طاقتك لجوا (لفهم نفسك وتطويرها) مش لبرا (للتعاملات السطحية اليومية والاجتماعيات) ودا في نظري لا يحمل أي سوء بالعكس استغليه صح، ومادام بتتكلمي مع الكل عادي بس وقت الجد تحبي تنفصلي فليكِ كل الحق في ده، بس زي ما اتفقنا أي حاجة جديدة مريحاكِ حاولي تطبقيها بذكاء يحميكِ من المشاكل
تم النشر الأربعاء، ١٥ أبريل ٢٠٢٦
عليكم السلام ورحمة الله وبركاته ـ لامانع لكن تبسطي في ذلك وقولي جزاك الله خيرا ـ بارك الله فيك ـ نعم ـ صحيح ـ وتقبلي واستخدمي بعض العبارات مثل هذه حتى لو كلام الطرف الآخر مخالف لك لكن نفعل هذا للتقليل من الحدة ومن العداوة حتى تسير الدنيا وهذا الكلام اقصد به النساء اما لو رجال لا تتعاملي معهم ابدا والله المستعان.
تم النشر الأربعاء، ١٥ أبريل ٢٠٢٦
شكرًا جدًا كلامك زي الفل 🥰،،، في جزئية الاختلاط بالناس والصبر على أذاهم خير من الانعزال عنهم. أنا في أي مكان بفضل إني أقعد لوحدي يعني لو في درس في البدايه بدخل مع صحابي وعادي بنتكلم ونهزر لكن أول ما الشرح ما يبدأ برجع في آخر القاعه وأقعد مع نفسي علشان مابكونش حابه أتداخل مع حد كتير في الكلام فبحاول أقلل فرص الكلام وأزود الحدود وهما اتعودوا على كده
تم النشر الثلاثاء، ١٤ أبريل ٢٠٢٦
واضح ان حضرتك لجأتي للشخص الغلط لإنك بتختصري وأنا هنا بحب أحلل كل حرف في الأسئلة وأجاوبه علي حدا😂🩷 أتمني بجد تستفادي ولو بحاجة قد كده🤏🏻🩷
تم النشر الثلاثاء، ١٤ أبريل ٢٠٢٦
لعرض السؤال في فدني اضغط هنا