🪕𝓼𝓪𝓻𝓪𝓱 🃏

خلينا نقول انه تقلب المزاج هو عرض وليس مرضًا بحد ذاته ولو كان شديد أوي ممكن وقتها يبقي مؤشر علي مرض نفسي أو عضوي فابحث في الأسباب وإن شاء الله تلاقي أسبابك وقتها حاول تفهمها ومن ثم اتعلم تحلها وان شاء الله تتحل وتبقي أهدي وأقل إنفعالًا مع الوقت يعني متدورش تحت عنوان إيه الحل للشخص moody؟ اعرف حضرتك ليه moody الأول وبعدين خد السبب ده وابحث عن كيفية حله

ممكن لو تقدري تزوري طبيب نفسي علشان التشخيص اللي شخّصه ليكِ دكتور المخ والأصاب دا أعتقد لو عندك مشكلة تعرفيها وتبدئي العلاج علشان متعيشيش في دوامة جلد ذات علي حاجة خارجة عن إرادتك أنا شخصيًا كنت بلوم نفسي صبح وليل علي تركيزي في المذاكرة وطلع عندي ADHD أصلًا! ودا غيّر حاجات كتير أوي في نظري وأعتقد عالأقل ياقلبي حتي لو كنتِ بخير ان شاء الله فعالأقل الطب النفسي ممكن يحسن نفسيتك في فترة مهمة زي دي وعلي كل حال واضح انك بتسعي وكونك مش راضية عن نفسك لسة فدا أكبر دليل علي اهتمامك أصلًا فاتأكدي ان ربنا مش هيضيع تعبك وحاولي لآخر نفس والنتيجة مش علينا..! أتمني ليكِ كمان شهور من دلوقتي تكوني عايشة في حالة من البهجة مخلية الدنيا مش سايعاكِ من فرحتك بتحقيق أحلامك وتفضل كل حاجة صعبة عديتيها بقت مجرد دليل علي صمودك وتبقي وسام شرف ليكِ💗

لو لسه الوقت اللي الدكتور قالك عليه معداش يبقي متعمليش التحليل علشان ممكن جدًا يطلع negative وتبقي هي still موجودة فبنستنى الوقت يعدي اللي هو غالبًا شهر وممكن شهر ونص وبعدين حللي وشوفي وهدي أعصابك واستعيني بالله وان شاء الله خير، و عامةً مش غريب انها تيجي بدل المرة اتنين وتلاتة حتى في حالة انك مبطلة أي عادة سيئة وواخده احتياطاتك لأنها غالبًا بتبقى مش ماتت كليًا الجرثومة عنيدة جدًا وأوقات بتلتصق بجدار المعدة علشان متتأثرش بالدوا وبعد انتهاء مفعوله بتبدأ تخرج وتتكاثر من تاني وكأن شيئًا لم يحدث+ عندي 17 سنة بردو ومعالجاها مرتين وشاكة انها رجعت وهحلل كمان أيام إن شاء الله

وعجبتني حتة انك بتختصري زي انك تقولي هتعملي ايه بس متقوليش التفاصيل «استعينوا على قضاء حوائجكم بالكتمان فإن كل ذي نعمة محسود» وأنا شخصيًا بعمل دا بس خليكِ ذكية إجتماعيًا بحيث لو دا هيضايق الناس أوي خاصة القريبين منك يبقي بلاش من البداية تذكري انك ناوية تعملي الشئ الفلاني أصلًا علي قد ما تقدري يعني دي مش قواعد ثابتة بس اتعلمي تتعاملي وتهندليها زي ما بنقول بحيث تبقي مرتاحة تمامًا في الـzoon اللي ترضيها لنفسك و at the same time طالعة بأقل عدد من الحبايب زعلانين منك ويا سلام لو نعرف منزعلش حد مادام مش هنيجي ع نفسنا🤏🏻💗

حتة بقي تجاهل المدح لو من رجُل والله لو أنتِ بتفكري من باب الاحتياط والحياء وأن الأسلم في التعامل مع الجنس الآخر هو الرسمية الشديدة لتجنب أي فتح باب للكلام أو التمادي ​هذه النظرة لها وجاهتها ومنطقها لكن دعينا نوازنها بذكاء حتى لا يساء فهمك أو تظهرين بشكل جاف زيادة عن اللزوم ​الحياء لا ينافي "الرد المقتضب" ​الحياء في الإسلام خُلق رفيع، لكنه لا يعني العجز عن الرد بالمعروف تقدري تجمعي بين الحياء وبين الأدب برد كلمة واحدة لا تفتح مجالاً للحوار من رأيي المتواضع: السكوت التام أحياناً بيلفت الانتباه أكثر من الرد الرسمي لأنه ممكن يتفسر بالخجل الشديد أو الارتباك و دا ممكن يغري الطرف الآخر (لو كان نيته غير طيبة) بالتمادي أما الرد بجمود وأدب في نفس الوقت بيقدم رسالة واضحة انه أنا سمعت مديحك شكراً وانتهى الموضوع هنا وممكن أصلًا تبقي أسبابك حاجة تانية زي التواضع الزائد أو ​القلق الاجتماعي بس مهما تعددت الأسباب فأنا قلتلك رأيي وممكن بقي تردي بالطرق دي الردود المختصرة زي الحمد لله، ده توفيق من ربنا أو الدعاء للمادح: كان النبي ﷺ يقول: «من صنع إليكم معروفاً فكافئوه، فإن لم تجدوا ما تكافئونه به، فادعوا له حتى تروا أنكم قد كافأتموه». والكلمة الحلوة نوع من المعروف، فيكون الرد بـ جزاك الله خيراً أو بارك الله فيك أو بإرجاع الفضل لصاحب الفضل قولي مثلًا الحمد لله هذا من فضل ربي ⭐كان لبعض الصحابة (كأبي بكر الصديق رضي الله عنه) دعاء جميل جداً إذا مُدحوا، يمكنكِ قوله في سركِ ليطمئن قلبك: ​اللهم اجعلني خيراً مما يظنون، واغفر لي ما لا يعلمون، ولا تؤاخذني بما يقولون هذا الدعاء يوازن بين تقبلك للمدح في العلن، وبين تواضعك وصدقك مع الله في السر يعني الدين يدعوكِ لتكوني هينة لينة. الابتسامة وكلمة جزاك الله خيراً مثلًا هي تطبيق عملي للسنة ان شاء الله في رد الكلمة الطيبة بالطيب، وفي نفس الوقت تحميكِ من التوتر لأنكِ بتسبحي الله في سرك وبتنسبي الجمال له سبحانه طب متى يكون السكوت هو الأفضل؟ ​فعلاً يكون السكوت (أو تجاهل المديح) هو التصرف الأصح في حالات معينة ​لو كان المدح فيه تجاوز أو يتكلم عن تفاصيل شخصية لا علاقة لها بالعمل أو الموقف ​لو كان الشخص مِكثار (يمدح كثيراً لغرض لفت الانتباه) ​لو شعرتِ بـ عدم ارتياح لنية الشخص أو أسلوبه

أما نقطة عدم تقبل الناس الغير جدية وغير مهتمة لأمور الدين بما يكفي في نظرك ورفض التعامل معاهم ختي لو في نفع فبصراحة إحساسك ده مفهوم جداً هو في جوهره غالبًا رغبة في حماية المبادئ أكتر من كونه مجرد رفض للاختلاف الإنسان طبيعي بيميل للناس اللي بتشبهه في القيم، لأن ده بيحسسه بالأمان والراحة في التعامل لكن عشان نكون منصفين ونشوف الصورة كاملة، خلينا نفرق بين حاجتين:حماية النفس vs الانغلاق مبدئيًا حماية النفس:هي إنك تتجنبي الناس اللي بيضغطوا عليكِ علشان تتنازلي عن قيمك، أو اللي بيسخروا من معتقداتك، ده حقك تماماً وذكاء في اختيار الدوائر القريبة أما عدم تقبل الاختلاف: هو إننا نفترض إن أي شخص "مختلف" عني دينياً هو بالضرورة شخص سيء أو التعامل معاه ملوش لازمة، حتى لو كان التعامل ده في مصلحة عامة (شغل، دراسة، نفع متبادل) النفع في سيرة النبي ﷺ لو بصينا للسيرة النبوية، هنلاقي إن النبي ﷺ تعامل مع الكل (المؤمن، والمخالف في الدين تماماً) في أمور النفع والتجارة والعهود النبي ﷺ استعان بـ عبد الله بن أريقط (وكان غير مسلم) كدليل في الهجرة لأنه كان خبيراً بالطرق ده يعلمنا إن الاحترافية في التعامل مع الآخرين لنفع متبادل لا تنتقص من دينك أبداً، بل بالعكس، أحياناً بتمسُّكِك بمبادئك وأدبك ورسميتك في التعامل مع ناس مختلفة، بتديهم صورة أسمى عن الشخص المتدين هل ده تجنب أم هروب؟ أحياناً التجنب بيكون سببه الخوف من الاصطدام أو الخوف من إن الشخص التاني يحاول يشدنا لمنطقته لو ده السبب، فالحل هو تقوية الحدود مش قطع العلاقات تقدري تتعاملي وتستفيدي وتفيدي، مع الحفاظ على مسافة آمنة مش لازم الشخص اللي بتتعاملي معاه يكون صديق مقرب عشان يحصل نفع بصي للموضوع من زاوية تانية: لو كل الناس الملتزمة بالدين تجنبت التعامل مع اللي مش مهتمين، مين هيوصل للناس دي صورة الدين السمحة؟ ومين هيثبت إن الشخص المتدين هو الأنجح والأكثر أمانة وإتقاناً في عمله؟ و الخلاصة الصريحة لو كان تجنبهم لن يفوت عليكِ علماً ولا رزقاً ولا مصلحة ضرورية فالتجنب طبعاً أفضل لأنه أريح لبالك وأحفظ لقلبك أما إذا كان التجنب سيجعلكِ منعزلة عن اكتساب خبرات الحياة أو يعطلكِ عن أهدافك، فالأفضل هو التعامل بحذر وبحدود واضحة الدين لم يطلب منا اعتزال الناس، بل "المؤمن الذي يخالط الناس ويصبر على أذاهم خير من الذي لا يخالطهم ولا يصبر على أذاهم"

وعليكم السلام ورحمة الله تعالى وبركاته بالنسبة لكونك بتحسي بنفور تجاه النوع دا من الناس فأنا مش شايفة غلط في ده من وجهة نظري بالعكس في ديننا: عن ابن عمر رضي الله عنهما قال: قال رسول الله صلى الله عليه وسلم: "إني لأمزح، ولا أقول إلا حقاً" وكان مزاح النبي ﷺ تسرية عن أصحابه وكان قليلًا، وكان الصحابة رضي الله عنهم لا يكثرون المزاح أيضًا لأن من أكثر من المزاح أضر به، وقلل من هيبته، بل وربما أسقطه من أعين الناس ففي شعب الإيمان عن عبد العزيز بن أبي داود: أن قوماً صحبوا عمر بن عبد العزيز فقال: عليكم بتقوى الله وحده لا شريك له، وإياكم والمزحة، فإنها تجر إلى القبيح، وتورث الضغينة، وتجالسوا بالقرآن، وتحدثوا به، فإن ثقل عليكم فحديث من حديث الرجال حسن دا كمان في الصمت نجاة: عَنْ عَبْدِ اللَّهِ بْنِ عَمْرٍو رضي الله عنهما قَالَ: قَالَ رَسُولُ اللَّهِ صلى الله عليه وسلم: "مَنْ صَمَتَ نَجَا" ومما ذُكر لنا عن النبي ﷺ عَنْ سِمَاكٍ قَالَ: قُلْتُ لِجَابِرِ بْنِ سَمُرَةَ: أَكُنْتَ تُجَالِسُ رَسُولَ اللَّهِ صلى الله عليه وسلم؟ قَالَ: "نَعَمْ، وَكَانَ طَوِيلَ الصَّمْتِ، قَلِيلَ الضَّحِكِ، وَكَانَ أَصْحَابُهُ يَذْكُرُونَ عِنْدَهُ الشِّعْرَ، وَأَشْيَاءَ مِنْ أُمُورِهِمْ، فَيَضْحَكُونَ، وَرُبَّمَا تَبَسَّمَ وَعَنْ عَائِشَةَ رضي الله عنها: "أَنَّ النَّبِيَّ صلى الله عليه وسلم كَانَ يُحَدِّثُ حَدِيثًا لَوْ عَدَّهُ الْعَادُّ لأَحْصَاهُ" وَعَنْ أَبِي هُرَيْرَةَ رضي الله عنه أَنَّ رَسُولَ اللهِ صلى الله عليه وسلم قَالَ: "إِذَا رَأَيْتُمُ الْعَبْدَ يُعْطَى زُهْدًا فِي الدُّنْيَا وَقِلَّةَ مَنْطِقٍ، فَاقْتَرِبُوا مِنْهُ، فَإِنَّهُ يُلْقِي الْحِكْمَةَ" +من أبيات الشعر المفضلة عندي شخصيًا لا خَيرَ في حَشوِ الكَلامِ إِذا اِهتَدَيتَ إِلى عُيونِهِ يعني: مفيش فايدة من الكلام الكتير لو انت وصلت للفكرة الأساسية. “عيون الكلام” = أهم معانيه وَالصَمتُ أَجمَلُ بِالفَتى مِن مَنطِقٍ في غَيرِ حينِهِ يعني: السكوت أحيانًا يبقى أحسن من الكلام… خصوصًا لو الكلام في وقت غلط وَعَلى الفَتى لِطِباعِهِ سِمَةٌ تَلوحُ عَلى جَبينِهِ يعني: طبع الإنسان بيبان عليه… حتى من غير ما يتكلم دي أبيات جميلة للشافعي رحمه الله. و يقول ايضًا عمر بن الخطاب رضي الله عنه: «أظل أهاب الرجل حتى يتكلم، فإن تكلم سقط من عيني، أو رفع نفسه عندي» ..

وعليكم السلام ورحمة الله تعالى وبركاته بالنسبة لأنََّّكِ أصبحتِ أكثر جدية وحفاظًا علي وقتك وبدت حدودك واضحة بما يكفي فلا أري في هذا ما يجعلكِ توصفين بالشدة! لكن بطبع الفتيات من واقع تجربتي أن أي فتاة قد تبدو منطقية أكثر من كونها عاطفية أو تُظهر شخصية قوية ومُحافظة خاصةً مع صديقاتها اللاتي اعتدن منها التساهل والإنفتاح معهن يُعِدُّونها باتت متشددة ورسمية و يشعرن أنها قد وضعت حاجز بينها وبينهن وهذا الأمر بشكلٍ أو بآخر قد يُشعرهن بالارتباك وقد يدفعهن لانتقادك، في رأيي لا يفعلن هذا بدافع غلٍ أو غيرة إنما فقط لا يردن الشعور وكأن حاجز مفاجئ قد حال بينهن وبينك وهنا قد ينشأ التصادم! عليكِ من هذا ألا تقلقي أو تلومي نفسك لأنكِ علي الطريق الصحيح إن شاء الله ولكن حاولي باللين أن تُطلعيهن على دوافعك بهدوء وإن تطور الأمر وشعرتي بأذًي منهن أو بدفعك للتنازل عن حقوقك بسبب أي ضغط ناتج منهن والاضطرار للتبرير المستمر فلا أجد ما يمنعك من الابتعاد!

وعليكم السلام ورحمة الله تعالى وبركاته طب خلينا نفترض جميع الأسباب الممكنة سوا ونحاول نحلها مبدئيًا يعود انعقاد الشعر وتشابكه أثناء النوم بشكل أساسي إلى الاحتكاك المستمر بين خصلات الشعر والوسادة أثناء التقلب، خاصة مع استخدام أغطية وسائد قطنية تزيد الاحتكاك. يزداد هذا التشابك سوءاً بسبب جفاف الشعر، تقصف الأطراف، النوم بشعر مفرود، أو تركه مبللاً. فنحاول نتجنب كل ده بإنك تسرحيه كويس وتلفيه ويكون كويس أوي لو تلبسي الـHood بتاع البيچامة، أنا الحمدلله شعري ناعم جدًا وبضطر أعمل الحركة دي علشان مصحاش ألاقيه هايش ومتنعفش، تقدري حتي تلبسي حاجة ساتان أو قطن واسع ومريح مش يكتم شعرك بس يحميه من الاحتكاك وان شاء الله ميحصلش حاجة، ربنا يحميلك شعرك ويباركلك فيه يا رب💗 أما بالنسبة للشرود المفاجئ والتوهان فلو دا كان مرة واحدة فعادي جدًا ممكن كنتِ مضغوطة زيادة أو مركزة لفترة طويلة ومهما اختلف السبب فدا طبيعي وبتحصل في أحسن العائلات لكن لو دا متكرر وشِبه العادي حاولي تلاحظي لو في أي أعراض تانية أو لو الموضوع مأثر علي حياتك بشكل مؤذي لازم تتأكدي من نسية بعض الڤيتامينات في جسمك زي B12 و D وB6 وحمض الفوليك حقيقي بيبقي لنقصهم علاقة جسيمة بالتشتت في أغلب الأحيان، فاتطمني علي نفسك يا روحي، ان شاء الله خير وأمرها سهل ولنفترض إلي جانب الأخذ بالأسباب من النواحي دي أنك حقًا محسودة أو ربنا يعافينا ويبعد عننا(مسحورة) وأحسبك ان شاء الله لست كذلك ويبقي الأمر أهون كتير بس علي كل حال ميضرش أبدًا لو التزمتِ بالأذكار والأدعية والمعوذتين وسورة البقرة حتي لو هتشغليها جمبك وآية الكرسي 7 مرات بعد كل صلاة وان شاء الله ربنا يحفظك ويمنع عنك الأذي 💗 وادعي لنفسك دايمًا: يا رب ابعد عني كل حاسد، حاقد، ناقد، كاره، ساحر ربنا يعافيكِ ياقلبي ويبعد عنك شرور خلقه😔💗

⭐جرثومة المعدة ليها كذا نوع من أنواع التحاليل مش نوع واحد(ليها تحليل بالدم وليها تحليل أدق من البراز) وكل معمل ليه درجات معينة ونسب محددة غير المعمل التاني يعني النسب حاجة المعمل اللي بيحددها لشغله هي مش قانون فمثلًا المعامل اللي أنا حللت فيها كانت بتبقي positive من أول 11..! والجرثومة لو اتاخد ليها دواء ومماتتش بتقوي نفسها أكتر وتعمل أجسام مضادة تحارب بيها الدواء ده بعد كده فبتضطر تاني مرة تستخدم نوع تاني غالبًا بيكون أقوي وكل ده الدكتور هو اللي يحدده الموضوع دا ميتلعبش فيه لوحدنا خالص لان الدكتور بردو بيشوف لو في قرح لا قدر الله أو التهاب معدة شديد أو أي مشكلة تانية بيهديها الأول وبعدين يبدأ علاجها علشان متدخلش في مشكلة أكبر من تجربتي عالجاها أول مرة ب(ببتك كير) وتاني مرة مضاد حيوي تقيل أوي (تريو كلار) بعد العلاج بالمضادات الحيوية بتكون المضادات الحيوية قللت البكتريا النافعة فبيحصل خلل وبيزيد عدد البكتيريا الضارة ودا متعب وبيسبب انتفاخ وغازات وعسر هضم وي مكن مشاكل أكتر فيستحسن تاخد بعدها بروبايوتك ودي معناها بكتيريا نافعة دوا بسيط وكويس وهيرمم اللي حصل في المعدة ان شاء الله الموضوع صعب والجرثومة عنيدة لكن محتاج تكون أقوي وأعند وتأخذ بالأسباب وأهمها زيارة طبيب وان شاء الله كله خير 🤍

حاولي تاخدي قرارك الأخير وصلي إستخارة وبعدها إن شاء الله ربنا بنفسه هيدلك ويوجهك للي فيه الخير ليكِ💗

@hesham abdalghfar لكن توجد علاقة وثيقة وتلازمية بين الجسد والنفس و توجد أيضًا علاقة وثيقة ومباشرة بين الأعراض الجسدية والنفسية، حيث يؤثر العقل والجسد على بعضهما البعض بشكل تكاملي والبنوتة قالت إنها عملت التحاليل وطلعت بخير الحمدلله، إذًا بشكل قاطع، قد تكون الأعراض الجسدية ذات منشأ نفسي (Psychosomatic symptoms) إذا أظهرت التحاليل والفحوصات الجسدية الشاملة سلامة الأعضاء فهنا ممكن جدًا نشوف الأعراض بشكل نفسي مش جسدي بس مع الأخذ في الإعتبار إن في صداع نفسي بيبقي ناتج عن التوتر والإكتئاب والضغط دا غير إني شايفاها ذكرت أعراض نفسية فمثلًا أنا شايفة (عدم الرضا عن ما تقدمه) فهي قالت: مش راضية بالمجهود اللي بعمله عمومًا ، مقارنة الماضي بالحاضر وافتقادها للماضي لانها قالت زمان كانت بتركز أما دلوقتي فمش قادرة و عدم التركيز رغم المحاولات و ضغط نفسي وجسدي شديد من المذاكرة الضاغطة دي كلها ومن إحساس انها واقفة عند نفس النقطة والصداع القوي اللي مكانه بيقول إنه صداع ناتج عن التوتر وضغط العين وإرهاقها وضغط الدم المضطرب(مننساش إن التوتر والقلق والخوف يؤدي إلي إفراز هرمونات زي الأدرينالين والكورتيزول ودا بيسبب ارتفاع مؤقت في ضغط الدم وكمان الحزن الشديد والبكاء المستمر والتوتر النفسي الحاد بيسبب انخفاض مؤقت لضغط اادم) يعني ضغطها اللي مش مظبوط ممكن جدًا يبقي بسبب النفسية الصداع في العين ومقدمة الرأس ومنتشر أكثر في مقدمة و أسفل الرأس دا أصلًا التوتر والقلق والاكتئاب من أشهر أسبابه وان هي تقرأ وتدرس لساعات لكنها تشعر بعدم استيعاب لأي معلومة دا بشكل قاطع له علاقة وثيقة بالحالة النفسية والذهنية وهي مشكلة شائعة لا تعني بالضرورة قلة الذكاء، بل تشير إلى أن العقل في حالة "رفض" أو "تشتت" (مجرد وجهة نظر) 🫱🏽‍🫲🏻

@hesham abdalghfar مش واثقة حضرتك تقصد ايه بالسؤال بس طبعًا دكتور المخ والأعصاب يقدر يشخص مريض بالإكتئاب عادي جدًا خصوصًا لو كان مرتبط بأسباب عضوية أو أمراض عصبية كامنة. و بنزور طبيب المخ والأعصاب للإكتئاب لو كان مصحوب بأعراض زي الصداع المستمر والمزمن والدوخة الشديدة وفقدان التوازن وغيرها.. والله أعلي وأعلم

أنا النهاردة يومي كان صعب بس الحمدلله 💗أنا حاسة اني الفترة دي علي وشك الدخول في حالة انهيار عصبي ولما نزلت المدرسة والدروس بحالتي النفسية الغير مستقرة دي كنت بكبر كل حاجة جوا عقلي وكنت بتخنق من كل التصرفات اللي بتعرض ليها يوميًا أصلًا وبعديها، لدرجة اني قعدت أعيط في الدرس من كتر الخنقة والاحساس بالقرف، و فضل شاغلني سؤال: هو ازاي المجتمع مليان كذب وتزييف وفبركة وأمراض كده؟ دا حتي أبسط حاجة بقي يتكذب فيها عالأقل في بيئتي وحواليا أنا! وحسيت وكأن الكل حتي أقرب الناس كان لابس قناع طول الوقت وسألت نفسي هو فعلاً في حد يقدر يتحمل يبقي واقعي جدًا وصادق تمامًا وسط الناس دي؟ و ياتري الأحسن إن الإنسان يبقي زي كل اللي حواليه زي ما قلتِ حضرتك كلنا بنمثل أوقات علشان الدنيا تمشي.. وهل فعلاً ده مش عيب ولا تزييف دا تعامل مع الواقع مش أكتر؟؟ ولا الصح حتي لو الكل بعد عنه هو اننا نخلو من الزيف دا من البداية؟ أول مرة أحس مشاعر معادية للمجتمع كده بس واثقة ان دي مش مشاعر حقيقية 100% يعني أنا مش كرهت الناس بجد بس يمكن علشان نفسيتي حاليًا فأنا قرفانة ودا مش هيستمر كتير ان شاء الله وهرجع أتقبل اننا بشر وواضح ان كلنا كده فعلاً، ما هو أصل كنت بفكر كده وأنا رايحة لكن في الطريق وأنا راجعة واجهت نفسي واكتشفت ان حتي أنا بقيت كده!!! 😭😂😂😂

مادام الأمر كذلك فمن رأيي دا شئ جميل، أنتِ بدأت تميلي للإنعزال وتوجيه طاقتك لجوا (لفهم نفسك وتطويرها) مش لبرا (للتعاملات السطحية اليومية والاجتماعيات) ودا في نظري لا يحمل أي سوء بالعكس استغليه صح، ومادام بتتكلمي مع الكل عادي بس وقت الجد تحبي تنفصلي فليكِ كل الحق في ده، بس زي ما اتفقنا أي حاجة جديدة مريحاكِ حاولي تطبقيها بذكاء يحميكِ من المشاكل

مهتمين أكيد🎀

واضح ان حضرتك لجأتي للشخص الغلط لإنك بتختصري وأنا هنا بحب أحلل كل حرف في الأسئلة وأجاوبه علي حدا😂🩷 أتمني بجد تستفادي ولو بحاجة قد كده🤏🏻🩷

و في دوائر البنات تحديداً العلاقات غالباً ما بتقوم على "الاندماج العاطفي الكامل في ثقافة البنات الصداقة مرادفة للمشاركة البنت بتعبر عن حبها لصاحبتها بأنها تحكي لها كل تفاصيل يومها ومشاعرها. فلما تيجي بنت تانية تحط حدود أو تقول "مش عايزة أحكي" أو "وقتي مش مسموح" ده بيتم ترجمته فوراً على إنه "رفض شخصي" أو "قلة ثقة"، مش مجرد تنظيم وقت أو خصوصية +المجتمع بيربي البنت على إنها تكون لطيفة ومرنة ومراعية لمشاعر الآخرين لما بنت تكسر القالب ده وتكون واضحة وحازمة بتتشاف إنها ناشفة أو مسترجلة في ردودها أوقات لأنها تخلت عن صفة المطاوعة اللي المجتمع مستنيها منها بس دامش صح فمتقلقيش +البنات بارعات جداً في التواصل غير المباشر فكرة إنك تكوني دغري وواضحة بزيادة بتسحب منهم سلاح التلميحات والتوقعات +الحدود الواضحة معناها إنك مكتفية بذاتك وعندك نظامك الخاص في علم النفس ده بيخوف الطرف التاني لأنه بيحس إنك ممكن تستغني عنهم بسهولة البنت اللي معندهاش حدود بتبان محتاجة للصداقة أكتر وده بيدي أمان وهمي للطرف التاني إنه مسيطر أو مرغوب فيه بشدة +أحياناً الحدود بتتحول لـ رسمية بتقتل العفوية الصداقة بين البنات بتحلى بـ اللخبطة والمكالمات المفاجئة والهزار اللي مفيهوش حسابات لما الحدود تكون زيادة عن اللزوم الصداقة بتتحول لـ علاقة عمل أو زمالة جادة وده بيفقد العلاقة روحها كمتنفس عاطفي الخلاصة: البنات مش بيكرهوا الحدود نفسها هما بيكرهوا الشعور بـالمسافة لو عرفتي تحطي حدودك بشياكة (يعني بابتسامة، بكلمة حلوة، بس مع ثبات على الموقف)، الصدام بيقل ​لكن لو الوضوح كان جاف هنا فعلاً بتبدأ تظهر جمل زي انتي اتغيرتي و بقيتي رسمية أوي

وتقدري بقي يا قلبي في طريقك للتطوير من ذاتك دا تقرئي عن (Assertiveness vs. Aggression)هيعلمك الفرق بين الحزم والعدوانية علشان تفهمي أنتِ بتعملي ايه كويس