ازاى اقدر ابطل اقارن نفسي بأختى وانى شايفاها طول الوقت احسن منى وانا متأكدة أن ده حقيقي وأنها احسن منى هيا شخصية ملتزمة ومحبوبة وكمان فى كلية قمه وعلاقتها مع أهالى كويسة عكسي تماما أنا شخصية انطوائية ومزاجية جدا وماليش أصحاب وطول الوقت لوحدى وكمان كليتى مش احسن حاجه وما اخترتهاش وعلاقتى بأهلى بايظة قوى وكمان مش ملتزمة ، بحاول اكون كويسة بس مش عارفه ومهما اعمل دائما حاسة انى وحشة وانى مش المفروض اكون هنا دائما بسأل نفسي أنا موجوده هنا ليه وايه فايدتى ومش بلاقى إجابة على سؤالى لدرجه انى بقى عندى لا مبالاة تجاه كل حاجه ومابقتش حتى بحاول ابذل مجهود علشان حاجه تبقى كويسة وبقول أن هيا كده كده هتفضل احسن منى فمافيش داعى انى اعمل حاجه
كنت يعاني ذي من موضوع الثقة في النفس و المقارنة و كنت بشوف نفسي انسانة وحشة و معنديش اي مميزات لحد ما بدأت اتعمق في علم النفس و ساعدني اني افهم نفسي اوي و وقتها أدركت أن المقارنة ما هي إلا مجرد مضيعة للوقت و اذى نفسي و ان دايما هتلاقي شخص اشطر منك او اجمل منك او ملتزم اكتر منك او احسن منك في اي حاجه و ان وجود شخص افضل مني في حاجه معينة مش معناه اني سيئة و ما اتحبش فكرة ان طالما انتي مش افضل واحدة مش هتكون محبوبة دي فكرة غلط و للاسف الشديد مجتمعنا فهمنا كده و حتى اهلنا من و احنا صغيرين فهمونا بشكل غير مقصود ان احنا مش هنكون محبوبين غير لما نكون الأفضل و الاشطر و الاذكى و الأحسن (طبعا مش كل الأهل كده) و لكن من الحاجات الي ساعدتني في بناء ثقتي بنفسي هي الوعي بدأت اقرأ كتير في علم النفس و اسمع نصايح و خبرات غيري و ده فادني في اني بقيت واعية اكتر لنفسي و بطلت اربط قيمتي بكوني أنجح واحدة او افضل واحدة و انتي كمان لازم تعملي كده لأن مش معنى ان اختك افضل منك في حاجات معينة يبقى انتي وحشة و ما تتحبيش و طول ما انتي بتعملي الي عليكي و بتبذلي جهدك يبقى طز في رأي اي حد عنك
تم النشر الجمعة، ٨ مارس ٢٠٢٤
لعرض السؤال في فدني اضغط هنا