انا كنت متزوجه من سنتين ونص وكان زواج غصب عني انا رفضت كتير بس بابا كان مقتنع بيه وجوزي غصب عني بعد لما قولت لا كام مره و انضربت من بابا المهم تزوجته وكنت كرهاه لانه اخذني غصب عني وبعدها خلفت منه طفل وكان سئ المعامله ويطلب اشياء لا افهمها وكان أكبر مني ب١١ سنه وكان اوقات يطلب اشياء محرمه وكنت أرفض مع العلم انا مكنتش اعرف انها حرام غير بعد لما أرفض واروح ابحث عنها وكان يضربني على اتفه الاسباب الي ان طلبت الطلاق ومن بعدها تأثرت نفسيا جدا ولم اعد اثق باخد ولاعند امان لاحد محتاجه علشان ادي لنفسي فرصه اني اتعالج نفسيا لاني فعلا متأثرة نفسيا جدا
قرأت تعليقك (بحاول على قد ما اقد انسي بس للاسف كل لما حد يجي يتقدم ويقولوا جواز بنهار بنهار فعليا الي هو مش متقبله اي حد بحياتي مبقاش عندي ثقه ولو واحد فيه الميه في اي راجل وطبعا كل الي حوليا عايزين اني اتجوز وطبعا انا رافضه الفكره تماما) مش مطلوب منك تنسي اللي حصل، لان محدش بيقدر يمحي حاجه من ذاكرته، بس المطلوب مننا او اللي احنا محتاجينه اننا نتخطى، اننا ندرك، اننا نفهم ... لكن ننسى ديه لأ. مش بطلب منك تدخلي ف اي علاقة مع اي حد حاليا، غير لما تتعافي بشكل نهائي من اللي حصلك. احنا بس محتاجين اننا نرسخ شوية افكار او معلومات جواكي .. بصي الراجل ده او طليقك مش شرط كل الرجالة تبقى زيه .. او تتصرف زي ما كان بيتصرف. يمكن كان المفروض وقتها تدافعي عن حقك في انك تختاري شريك حياتك قبل كده، ولكن اللي حصل حصل .. للاسف اللي بتعمليه من غير ما تدركي انك بترفضي حاليا ل سبيين اول سبب الخوف من تكرار التجربة، تاني شئ هو رغبتك الاساسية في الرفض. لانك ببساطة كنتي محرومة من فكرة قول (لأ) .. متاخديش نفس القرار او تتصرفي غلط في الموقفين .. اول موقف انك رضيتي بالامر الواقع ، وتاني موقف انتي بترفضي علشان خايفة. الحالتين غلط. _ ف كل الاحوال مش لازم خالص الللي حصلك يتكرر تاني، مش الالم تشعري بيه تاني، انتي مريتي بتجربة حياتيه مؤلمة اه، لكن اتمنى تكوني اتعلمتي منها .. شوفي الجانب المضئ منها. لان محدش طول الوقت لازم يعيش حياة سعيدة، ده كان جزء من تجربتك في الحياة .. محتاجة تتقبلي الاول التجربة علشان تعرفي تتعاملي معاها. حاولي كل يوم تكتبي في مذكرة كده مخصصة ليكي عن اي شئ بتشعري بيه او كنتي بتشعري بيه. خرجي كل مشاعرك في الورق. واخرجي للحياة واشتغلي واتعلمي شئ لو عايزة تتعلميه .. حاولي تعمليه كل حاجه مكانتش متوفرة ليكي قبل كده. وطبعا لو لزم اللجوء لمتخصص اعملي كده. اتمنى ليكي السلامة
تم النشر الأربعاء، ٢٣ أغسطس ٢٠٢٣
تراكمات كتير ومحتاجة تتعافى بشكل كويس وواضح انك محتاجة تفهمى حاجات كتير اوى ايه وضعك الحالى بعد الانفصال ؟
تم النشر الأربعاء، ٢٣ أغسطس ٢٠٢٣
الحمد لله ان ربنا كرمنا بنعمة النسيان ، لكن متسبيش نفسك للفراغ حاولي تشغليها بأي حاجة مفيدة ..وقربي من ربنا وان شاء الله ربنا هيعوضك خير عن كل دا
تم النشر الخميس، ٢٤ أغسطس ٢٠٢٣
جوازك ده لا يجوز اصلا انك مكنتيش موافقه و ده شرط من شروط النكاح وحمدي ربنا انك فلتى منه وفتحى صفحه جديده فى حياتك ومش كل صوابعك زي بعضها لو انت لسه فيك فرصه تتجوزي تانى اعمليها عادي وتخطى الموضوع لان هو مش فارق معاه حاجه وكان بعاملك وحش بس حاولى تاخدي كورسات توعيه لختيار الزوج ومتخليش حد يجبرك على حاجه تانى دي حياتك مش حياه اهلك حتى لو هم شافين نفسهم صح
تم النشر الأربعاء، ٢٣ أغسطس ٢٠٢٣
حاولي تبدأي حياتك من اول وجديد وتنزلي وتشتغلي ومتتسرعيش في ان حد جديد يخش حياتك ومتفكريش خالص في اللي فات وربنا يكرمك بالخير ويطبطب عل قلبك
تم النشر الأربعاء، ٢٣ أغسطس ٢٠٢٣
انا فعلا نزلت اشتغل وبحاول على قد ما اقد انسي بس للاسف كل لما حد يجي يتقدم ويقولوا جواز بنهار بنهار فعليا الي هو مش متقبله اي حد بحياتي مبقاش عندي ثقه ولو واحد فيه الميه في اي راجل وطبعا كل الي حوليا عايزين اني اتجوز وطبعا انا رافضه الفكره تماما
تم النشر الأربعاء، ٢٣ أغسطس ٢٠٢٣
لعرض السؤال في فدني اضغط هنا