السلام عليكم
انا بنت عندي 14 سنه في تالتة اعدادي حاسه اني لو ذاكرت او ماذكرتش بحس اني معملتش اي حاجه حاسه بالضغط دايما وحاسه اني فايتني كتير من تعلم لغه جديده غير الانجليزي وورد قرآن وحفظ قرآن وبودكاست وقراءة ورياضه او مهارات كتيره
حاسه اني مطلوب اعملها المشكله اني مبعملش اي حاجه في الآخر و وبينتهي بي الوقت باني تمسك الموبايل واقعد اسكرول من غير هدف ودا اللي بيزيد الضغط اكتر فأنا ولا بخلص الي عليا ولا حاسه بالراحة مش عارفه انا ايه بصراحه اتمنى تفيدوني 😣 @Psy-a'laa M. Abdulhamid
عليكم السلام ورحمة الله وبركاته يا أهلا يا أهلا بالكتكوتة بصي يا ست البنات ورقة وقلم كل آخر يوم وتعملي جدول لبكرة عايزة تعملي ايه؟ ووقته ايه؟ واخر اليوم تراجعي حققتي ايه منهم وايه متحققش وأسباب عدم تحقيقه وهكذا كل يوم في الدراسة اهتمي بصحتك واعملي لنفسك روتين صحي وركزي على دراستك اما البودكاست واللغة التانية وخلافه دا مهم آااه بس بجانب دراستك لو تقدري أو يبقى في الإجازة خالص دعواتي بالتوفيق
تم النشر الأحد، ٢٧ سبتمبر ٢٠٢٦
وعليكم السلام ورحمة الله بصي يا غالية دا طبيعي بسبب انك عايزه تعملي حاجات كتيره ف عقلك بيهرب للتليفون واي حاجة غير انك تنفذي اللي عليكي انا زيك برضو 😂 وبلاش تضغطي على نفسك بزياده يعني انتي دلوقتي ركزي على مذاكره تالته وسيبك من الباقي دلوقتي وهي تالته مش صعبه يعني انا في تانية بكالوريا وكانت تالته اعدادي بالنسبة ليا مش صعبه الحمد لله بس المهم انتي تذاكري المنهج بتاعك وتعملي اللي عليكي وبالنسبه للقرآن لو عايزة تحفظي حددي ساعه مثلا ف اليوم واحفظي فيها بس بودكاست وتعلم لغه جديده مش وقتهم دلوقتي معاكي الاجازه آخر السنه ونص السنه ممكن تستغليها انك تعملي دول وبس
تم النشر الأربعاء، ٣٠ سبتمبر ٢٠٢٦
وعليكم السلام ورحمة الله. يا بنتي، اللي بتمرّي بيه طبيعي جدًا في سنك، خاصة مع الضغط الدراسي والشعور إن فيه "كل حاجة لازم تتعمل". الضياع ده مش ضعف منك، ده إشارة إن عقلك محتاج ترتيب وأولويات واضحة، مش إنجازات كتير مرة واحدة. ابدئي بخطوة صغيرة جدًا: اختاري 3 أشياء بس في اليوم، مش أكتر. مثلاً: مذاكرة المواد المطلوبة + صفحة قرآن + 15 دقيقة رياضة أو قراءة. اكتبيهم في ورقة صغيرة أو مذكرة بسيطة، ولما تخلّصيهم تحسي بإنجاز حقيقي. الزيادة عن كده هتخلّيكِ تشعري بالإحباط وترجعي للموبايل. حددي وقت ثابت للسكرول، زي ساعة بعد الظهر، وبعديها قفلي التطبيقات أو حطي الموبايل في مكان بعيد. كمان، الشعور إنكِ "فايتكِ كل حاجة" ده وهم كبير في السن ده. ابدئي بلغة واحدة أو مهارة واحدة، وخلّي الباقي للإجازة أو السنة الجاية. التوازن مش معناه تعملي كل حاجة، معناه تعملي المهم بثبات. وادعي ربنا ييسرلك ويبارك في وقتك، واستعيني بالصلاة والذكر، هتديكِ راحة داخلية حتى لو اليوم ماكانش مثالي. أنتِ قادرة تتغيري، بس بالتدريج مش بالضغط. لو حابة تكتبي يومك بالتفصيل أو تسألي عن طريقة تنظيم بسيطة تناسب جدولك، أنا هنا.
تم النشر الأحد، ٢٧ سبتمبر ٢٠٢٦
طبيعي جدااا بسبب عدم تنظيمك للوقت وفراغ كبير
تم النشر الثلاثاء، ٢٩ سبتمبر ٢٠٢٦
شكرا للنصيحه
تم النشر الاثنين، ٢٨ سبتمبر ٢٠٢٦
لعرض السؤال في فدني اضغط هنا