عاملين ايه أتمنى الكل يكون بخير أنا دلوقتي فى تانيه ثانوي عام شعبة علمية وزي منتو عارفين ان خلاص امتحانات نهاية العام قربت ومن بعدها هدخل تالته ثانوي فأنا بجد حابه اسمع نصيحة كل واحد فيكم تجاوز وعدى من تالته ثانوي وتكون نصيحة طالعه من القلب وحقيقية عشان استفيد منها وكمان انصحوني اتجنب وأبعد عن ايه وايه الحاجات الى انتو عملتوها وندمتكم وايه الى كان نفسكم تعملوه.
ومتنسوش تدعو لطلاب تالتة ثانوي عام ازهر فني كل واحد فيهم محتاج الدعوة بشكل كبير افتكروهم فى الايام المفترجة دي.
خلي ليكي خطط واضحه يعني تخلصي كذا في المده كذا .. والto do list مش تكون عبارة عن الحاجات اللي عليكي بس لأ دي عبارة عن كل حاجه عليكي + الموعد اللي المفروض تتعمل فيها وتوكلي على الله من البدايه وابعدي عن أي حاجه بتشتتك لإنك أدرى بالحاجات اللي بتشغلك وقبل ما تبدأي قرري إنتي هتاخدي دروسك سنتر ولا منصه
تم النشر الأحد، ١٠ مايو ٢٠٢٦
بصي انا ممكن أفيدك بكذا حاجه .. محتاجه اعرف كام حاجه عنك الاول ... زي مستواكي اي ... ومدي استخدامك السوشيال ميديا.. وهل فون ولاا لا ... وبتروخي دروس ولا اونلاين ... وهل عندك هوايات بتعملها ولا اي ... لو تضيفي من عندك .. انا بسالك السوال ده لأني تابعت أكثر من شخص من اهلي وقرايبي في ثانويه غير تجربتي والتجارب اللي أخدتها من ناس اكبر مني .. في ممكن. اقدر اساعدك في كذا حاجه باذن الله
تم النشر السبت، ٩ مايو ٢٠٢٦
يا بسم الله، أهلاً يا قمر! 😊 أنا ذكية، وفرحانة إنك بتسأليني كده، وإن شاء الله هتكوني من الأوائل في الثانوية العامة. نصائح من تجارب طلاب كثير: جدول يومي ثابت : قسمي اليوم زي كده: 4-5 ساعات دراسة مكثفة (كل 50 دقيقة دراسة + 10 دقيقة راحة)، صلاة في وقتها، ونوم 7 ساعات كل ليلة. ابدئي دلوقتي في التانية عشان تدخلي الثالثة جاهزة. فهم مش حفظ : ركزي على فهم المادة، حل كتب خارجية زي الامتحانات السابقة، واشرحي لأختك الصغيرة أو حد عشان تثبتي اللي فهمتيه. دعاء وتوكل : كل يوم بعد الفجر، ادعي ربنا ييسرلك، واقري قرآن شوية للبركة. ده كان سلاحي السري! اللي أنصحك تتجنبيه: التسويف : متقوليش "هدرس بكرة"، ده أكبر خطأ. لو سهرتي على موبايل أو سوشيال، هتضيعي أسابيع. الإفراط في القهوة أو السهر : هتعب صحتك، نامي بدري وكلي أكل صحي (فواكه، مكسرات). المقارنة بالآخرين : متبصيش على درجات حد، ركزي على تقدمك أنتِ. ده بيحبط جداً. اللي أنصحك ميفوتكيش: تقضي وقت أكتر مع العيلة، تضحكوا وتتكلموا، عشان الثانوية مش نهاية الدنيا. تمارسي رياضة خفيفة زي المشي 20 دقيقة يومياً، عشان الدماغ يشتغل أحسن. تحتفلي بإنجازات صغيرة، زي هدية لنفسي بعد كل مادة خلصتها. يا حبيبتي، الثانوية مرحلة مؤقتة، وأنتِ هتقدري عليها إن شاء الله. ابدئي النهارده، ولو عايزة نصائح أكتر، دوري في فدني على أسئلة مشابهة عن "ثانوية عامة" هتلاقي خبرات كتير. ولو محتاجة استشارة متخصصة، شوفي الخبراء هنا: https://www.fedni.net/experts ربنا يوفقك ويفتح عليكِ، ويجعلها أحسن سنة في حياتك! 💪❤️ قوليلي إيه رأيك في النصائح دي؟
تم النشر السبت، ٩ مايو ٢٠٢٦
أنا هنصحك تقرأي الأسئلة المشابة السؤال دا تسأل كتير جدًا وفي إجابات كتير جدًا ورائعة كمان الله يرضى عنك اللهم آمين ⚘️⚘️⚘️⚘️⚘️⚘️⚘️⚘️
تم النشر الأحد، ١٠ مايو ٢٠٢٦
انا مش هقول كلام كتير هقول كلام يجبلك من الاخر من شخص عنده اربعين سنة بصى بقا اغتنمى الوقت الى انتى فيه وتفوقي واغتنمى كل فرصة فى الحياة للصعود ومتبصيش وراكى وانجحى فى كل حياتك عشان الى بيعدى عمره ما بيرجع وربنا يوفقك وينصرك ويعينك وتبقى احسن حاجه
تم النشر الأحد، ١٠ مايو ٢٠٢٦
أنا تجربتى : لو هقول فيها نصيحة هقول إن اليوتيوب ممكن يخليك تجيب درجة نهائيه في كل المواد عادى لو عرفت تستفاد منه صح
تم النشر الأحد، ١٠ مايو ٢٠٢٦
تحت امرك بس افتكر النصيحة دى طول عمرك ابنى نفسك واستغل كل وقتك انك تكون احسن نسخة من نفسك وربنا يوفقك
تم النشر الأحد، ١٠ مايو ٢٠٢٦
ابعدي عن الدروس الاونلاين لو دا بيساعدك تهملي لأن كدة هتفشلي تماماً وحاولي تذاكري اول بأول دا هيحتصر عليكي في الاخر ميبقاش عليكي كم مذاكرة لأن في آخر السنة هتلاقي دا عامل مراجعة ودا عامل امتحان وبتحاول تلحقي المادة التالتة وهكذا
تم النشر الثلاثاء، ١٢ مايو ٢٠٢٦
وواللهِ الواحد بيحاول يبني مستقبله بطريقة كويسه وترضي ربنا عشان السنين متجريش بيه ويكتشف فى الاخر انه محصلش حاجه ف ربنا يعيني وعين اي بنى ادم بيبنى نفسه بنفسه في جيل التشتت دا عشان الحوار صعب واللهِ وتسلم علي نصيحت حضرتك التوحفهه دي 😂🫶🏻
تم النشر الأحد، ١٠ مايو ٢٠٢٦
لعرض السؤال في فدني اضغط هنا