انا من فتره حوالي اسبوعين تعرفت على شخص من لعبه والشخص ده كان معجب بي وكان دايما يقولي كلام حلو برغم اننا كنا لسه متعرفين من يوم كان واضح من كلامه انه بيحبني كان محترم في الكلام معايا برضو بعد كده بفتره كنت منزله ستوري رومانسي فرح هو دخل وقال لي عقبالنا قلت له من قلبك قال لي اه قلت له مش باين يعني قال لي ما هو على حسب النصيب قلت له انت غريب بصراحه انا بشوف ناس بتعافر في الدنيا علشان يكونوا مع الاشخاص اللي بيحبوهم لكن انت غريب بصراحه وحاسه انك مش فارقلك الموضوع قال لي ليه يعني انت هتمسكي في الكلمه قلت له لا بصراحه انت دايما بتقول النصيب وعلى حسب النصيب والله اعلم بس في ناس مش بيهمهم القدر والنصيب كاتب ايه في ناس بيعافروا بيتحدوا الدنيا عشان الاشخاص اللي بيحبوهم، المهم انا تعصبت وقلتلو انا عايزه اعرفك حاجه اني مش البت اللي فخيالك وانا محترمة وبنت ناس برضو لتفكرني بتاعت كلام وانا هستناك سنة لو مجتش خطبتني مش هتشوفني تاني وانا عمالة ابعت فرسايل وهوا بيقرا ومش بيرد. وفالاخر قالي خلصتي قلتلو اة قالي تمم شكراا ليكي قلتلو العفو شافها ومردش وقفل وقعد يومين مش بيكلمني وبعدها دخل اتكلمت قالي انو بيطمن عليا لما بيشوف اللستوري بتعتي وقالي انتي طالبة حاجه انا معرفش اعملها وربنا يوفقك مع الاحسن مني ويمكن انا اللي مستاهلكيش وانتي هتفضلي غالية عندي ولو احتجتيني ف اي وقت هتلاقيني قلتلو اني هحزفو من عندي قالي برحتك بس يريت تخليني عنك قلتلو لي قالي حابك تكوني عندي قلتلو تمم ومن ساعتها بيشوف اللستوري بتعتي علي طول وبيعمل لڤ علي اي حاجه بنزلها وبعد ما سبني ب يومين بيقولي عاملة اي وانا قلت اطمن عليكي قلتلو شكرا علي سؤالك قالي انانفسي اطمن عليكي كل ساعة قلتلو شكرا قالي تمم انا دلوقتي اطمنت محتاجة مني حاجه قلتلو تسلم قالي لو احتجتيني ف اي وقت انا موجود جمبك وقالي باي
مش عارفه انا ادخل اكلمو وهوا انا غلطانة فحقو ولا لا
مع العلم اني حاولت اخلي ميبعدش وقعدت اقولو دانا فكرت ان ربنا بعتك ليا غوض وهوا يقولي انا مستاهلكيش يمكن
ادعى الله فليس لك ملجأ الا هو تضرع له واساله ان يعفو عنك ويرضيك
تم النشر الجمعة، ١٧ نوفمبر ٢٠٢٣
عوض ايه بالظبط ايه اللي هيجي من لعبة؟ انتي بتتكلمي عن شخص وحياة وزوج من لعبة؟ اتعرفتي على شخص انتي متعرفيش عنه اي حاجه .. شخص مجهول ويقدر يلف ويدور بيكي اساسا، ف ازاي اديتي له الثقة للدرجة ديه؟ وكنتي عاوزه تدي له سنة على أساس ايه برضه؟ تقعدي مع حد لمدة سنة علشان ايه؟ هل جه كلم اهلك اصلا علشان تقولي له مثلا هستناك سنة عقبال ما نجهز نفسنا؟ ومشكتيش لحظة من الجملة اللي انتي قولتيها؟ : (كان معجب بي وكان دايما يقولي كلام حلو برغم اننا كنا لسه متعرفين من يوم)! يوم !!! يعني حد يكون لسه عارفك وفجأة تلاقيه عمال يقول كلام حلو؟ ده ميقولش ليكي انه مثلا بيحاول يتسلى بيكي؟ او بيحاول يعلقك بيه؟ او يوقعك فيه؟ الموضوع في كلامه كان باين ده ولا نصيب ولا غير نصيب ... ده نصاب وبيتسلى بيكي وعايزك تبقى موجوده بس في حياته وخلاص .. اعملي بلوك وياريت متلعبيش العاب ويحصل محادثات بينك وبين ولاد .. لان ده نتيجة اللي حصل.
تم النشر السبت، ١٨ نوفمبر ٢٠٢٣
شخص زي دا يا اما مش قادر فعلا يجي يتقدم ف مش عايز يعلقك ب حاجه هو مش هيبقي قدها يا اما هو بيتسلي وفي الحالتين انتي متتكلميش معاه واقطعي كل الطرق الي ممكن توصلك بيه عشان هو هيفضل يدخل يكلمك كل فتره وانتي غصب عنك هتتعودي عليه واحده واحده وهتدخليه تكلميه تسئلي عليه وبعد كدا الموضوع هيتطور انكوا تتكلموا وبعد كدا لم تقولي تعالي اخطبني هيقولك مانتي عارفه ظروفي مالاول واني مش جاهز
تم النشر الجمعة، ١٧ نوفمبر ٢٠٢٣
نصيحتى ليكى انك تقفلى صفحته وتنسيها خالص، لان لا دا هينفعك ولا هييجى بفايده ليكى بالعكس انتوا كدا بتعلقوا بعض ع حاجه م مضمونه، وبرضوا انتى م عارفه نوايا الحقيفيه اى، هل هو بيكلمك كفراغ ويملى حياته بيكى وخلاص ولا بيتسلى ولا اى، مهو مفيش حاجه اسمها انا حابب اطمن عليكى خلينى عندك!!! انتى كبنت تحافظى وتصونى نفسك متسمحيش لاى شخص انه يلعب بيكى او يثبتك بكلمتين وتصدقى الله اعلم بنوايا الاشخاص، بس نصيحتى ليكى امسحى رقمه وتقطعى علاقتك بيه وتكملى حياتك عادى، كان مكتوبلك وم نصيبك وهو كان راجل واتقدملك وعافر ع يوصلك يبقى دا يستاهلك ومنساكيش لكن انكوا تفضلوا ع الحال دا غلططط...
تم النشر الجمعة، ١٧ نوفمبر ٢٠٢٣
انصحك زى اختى ، اسمعى كلامه وشوفى حياتك ومتكلميهوش تانى ولو حاول يكلمك صديه واشكريه وانك لو احتاجتى منه حاجه هتبقى تطلببها وخلاص ولو حابب ملغيش الصداقه او اعمل بلوك اوك بس من غير اى كلام او رسايل او كومنت ع اى بوست وعيشى حياتك عادى تجربه وعديت ولو بيحبك بجد وليكم نصيب لبعض هيحاول عشانك وبرضه هو ممكن يكون عارف ظروفه كويس ومش هيقدر وفى كل الحالات متتعلقوش ببعض اكتر واللى ربنا كاتبه هيكون ، اتمنالكم حياه سعيده وراحة بال
تم النشر الجمعة، ١٧ نوفمبر ٢٠٢٣
نيته باينه من الاول تاني حاجه هيجبك ازاي ف الوقت الصغير دا وهياخد قرار خطوبه او قرايه فاتحه ازي ف المده الصغيره دي مش معني انه قال انا بحبك يبقي حقيقي انصحك تاخدى بالك من الحاجات دي ومتستعجليش بس سؤال ازاي وثقتي فيه بسرعه كدا دا حتي شخص غريب عليكي متعرفهوش محتاجه تعيدي تفكيرك ف المووضوع تاني ♡
تم النشر الخميس، ١٦ نوفمبر ٢٠٢٣
لعرض السؤال في فدني اضغط هنا