امي و امهات بنات كتير بيمنعو بناتهم يشيلوا شعر جسمهم بالذات شعر العانة حتى لما كبرنا و بقينا نشيل شعر جسمنا هما يمنعونا نشيل شعر العانة بالذات و يقولوا دا ليله الدخله ؟
و انا صغيره كنت مش فاهمه ليه و قرفانه من نفسي و لما كبرت اتعلمت طرق ازاله الشعر و بقيت حره في جسمي طالما مش بعمل حاجه عيب او حرام احنا اللي بنخلي حاجات عاديه عيب معرفش ليه و بنخلي بنات صغيره تتعقد من نفسها بسبب معتقدات زباله ان البنت مش بتنظف الا لما تيجي تتجوز ولا حتى تعمل حمام مغربي الا ليله الدخله تخيلوا امي عايزه تشيل شعر جسمي بنفسها حتى العانة ليله الدخله ؟
انا ذهلت دا مطلعتش حتي امي لوحدها دي امهات كتيره و ستات كتير عندهم الافكار
السلام عليكم ورحمه الله وبركاته طبعا والدتك وامهات ثانيه كثير في نفس طريقه التفكير للاسف لانه احنا بنعتمد في تصرفاتنا او هم بيعتمدوا في تصرفاتهم بناء على العادات والمعتقدات اللي هي موروثه بدون تفكير اللي هو احنا شايفين ان ده الصح فالقياس بتاعنا بيكون العادات واللي علمه لنا اجدادنا كده وخلاص بدون اي تفكير ثاني هل ده فعلا مدى صحته بتوصل للافاده ولا احنا هنا في شكل من اشكال الدار طب ايه الضرر اللي هنا في المعتقد ده ان احنا هنا كده بنخالف اللي مطلوب مننا في الفطره الطبيعيه. الفطره الطبيعيه لازم الجسم يبقى نظيف هيبقى نضيف ازاي من بعد البلوغ ومن بعد ما بيزيد مستوى النمو بتاع الشعر في المناطق الحساسه بيكون ضروري جدا كل شخص بالغ سواء ولد او بنت يتم تنظيف المنطقه دي والكلام ده ما يعديش عليه 40 يوم يعني كل 40 يوم لازم المكان ده يكون نضيف يكون نضيف من الشعر الزائد طيب لازم نشيله خالص لا على الاقل بنخفف طيب فين بقى احنا من الكلام ده احنا بعيد عن الكلام ده عشان خاطر احنا ماسكين في العادات والمعتقدات فمعلش اذا كان ده الوضع اللي عندي في البيت واللي حواليك واللي كانت بهدوء وبساطه نبدا نوصل المفهوم الاصح بانه ده اللي مطلوب مننا وده للرسول عليه الصلاه والسلام وصى به كل اللي بلغوا علشان الفطره الطبيعيه بتخلينا بتطلب مننا ان احنا نكون نضاف في جسمنا من جوه الشعر اللي تحت الابطين والشعر بتاع العانة كل الكلام ده لازم يتم التاكد من انه ما بيوصلش اذى وما بيكونش مصدر لعدم النظافه فلازم يتشل يتشال طبعا بحساب بيكون الافضل على الام انها تقول ازاي ان احنا هنشيله بالطريقه الامنه الكويسه. خليني اقول لك على معتقد برضو ان هو بالنسبه لهم مش عايزين البنت بتلمس المنطقه دي نهائي الا لما يكون وقت الجواز جه يعني ليه خوفا من حاجات كثير عشان ما تفتحش عين البنت على اي لمسه المنطقه دي ولكن طبعا برضه هنرجع نقول دي معتقدات خاطئه مفيش يعني اي داعي منها خالص لان دي كلها أمور فطريه ولازم ان احنا نتعامل معاها بالطريقه المناسبه بدل ما نبقى خايفين منها وبنعمل تصرفات تانيه مفيش داعي منها خالص. فأنت خلاص عرفت انت عارفه صح ايه واعمليه ولو والدتك اتكلمت في موضوع ثاني وضحي لها انه لا احنا اللي بيحكمنا هو الحلال والحرام والصح والغلط اللي اتنقل عن طريق وصايا الرسول عليه الصلاه والسلام غير كده انا مش هعمل عادي جدا انك تقفي وقفة في الموضوع ده مش هيكون عليك يعني ان شاء الله اي ذنب مسألة برده ان والدتك هي اللي بتشيل الشعر من الجزء ده فده برده مش صح خالص ما ينفعش حد يطلع على العوره دي الا لو لضروره شديده حتى الوقت ده ما بيكونش ضروره شديده ويا ستي على الحمام المغربي انت ممكن تخشي تعملي سكراب لجسمك هيبقى زيه زي الحمام المغربي بس لنفسك برده هنرجع نقول مينفعش حد ثاني يعمله لك ولا والدتك ولا اي حد تاني هيتطلع على عورتك تقدري تعملي ده لوحدك يعني تكوني نظيفه وجميله وربنا ييسر لك كل أمورك.
تم النشر الأربعاء، ٢٨ مايو ٢٠٢٥
لا حول ولا قوة الا بالله، صراحة استغربت ، ازالة شعر العانة اصلا من سنن الفطرة مثل قص الاظافر: ثبت في صحيح مسلم عن أنس قال: وقت لنا في قص الشارب، وقلم الظفر، ونتف الإبط، وحلق العانة، أن لا نترك ذلك أكثر من أربعين ليلة، ومعنى وقت لنا: يعني: وقت الرسول ﷺ كما رواه أحمد وغيره، فالحاصل أنه لا ينبغي أن تؤخر هذه الأمور أكثر من أربعين ليلة، بل ينبغي للمؤمن أن يتعاهدها في أقل من أربعين ليلة، قص شاربه، قلم الظفر نتف الإبط حلق العانة، ينبغي التعاهد لهذه الأشياء، وأن لا تترك أكثر من أربعين ليلة. https://binbaz.org.sa/fatwas/5946/الحكم-على-حديث-خمس-من-الفطرة-وشرحه أما بالنسبة للحمام المغربي طبعا لا يجوز لا قبل ولا بعد الزواج! عورة المرأة امام المرأة من الصرة للركبة❗❗❗ وطبعا قيسي على هذا الشي انو لا يجوز اصلا امك تشوف عورتك...!
تم النشر الأربعاء، ٢٨ مايو ٢٠٢٥
انا متفهماكي جدا دي مش حاجة سهلة و لكن برده الحل ان انتي افهمي ممتك بتفكر ازاي و برده اشرحيلها وجهة نظرك بهدوء و اقعدوا اتكلموا مع بعض و افهموا بعض و اتناقشوا مع بعض عشان متكونيش شايلة منها هي برده ممتك و خايفة عليكي و عايزة مصلحتك و مستحيل تضرك
تم النشر الأربعاء، ٢٨ مايو ٢٠٢٥
السلام عليكم.. فعلا الموضوع حساس جدا ..المشكلة من البداية هي إن العادات والتقاليد ف مجتمعاتنا العربية اقوى من الدين (الجملة صعبة بس دي الحقيقة للاسف )ومن ضمن المشاكل والمعتقدات الخاطئة اللي حاربها الاسلام هي العادات والتقاليد المجتمعية .. من وأد بنات و تمييز الذكور عن الإناث وما إلى ذلك .. ف طبيعي يكون في مشكلة كبيرة و تأثيرها على فئة معينة من الناس بالذات على الناس اللي بترفض التحرر من هذه الأفكار ويقدسونها كأنها معتقدات دينية .. بس طبعا لان في ناس مينفعش نتكلم معاهم ب اسلوب حاد .. ف المعاملة وفهم المشكلة باللين واللطف دا افضل حل .. افهمي منها وجهة نظرها ايه بالظبط .. ممكن تكون خايفة عليكي .. فاكرة إن الطرق دي ممكن تزود كثافة الشعر أو تخلي اللون يغمق مع الوقت بطرق الإزالة الخاطئة .. أو خايفة إن يحصل حاجة غلط لو كنتي لسه ف مرحلة البلوغ والمراهقة ومتبقيش على وعي كافي بكيفية التعامل وتئذي نفسك بالخطأ .. ف الاول وف الاخر هو خوف زائد .. و مينفعش نتعامل بطريقة حادة مع ام خايفة على بنتها للدرجة دي .. هتحصل مشكلة كبيرة ساعتها ومش هنوصل لحل.. انتي لما تعرفي المشكلة وسبب خوفها الأساسي هتقدري تلاقي الحل .. خصوصا إن الطرق دلوقتي بقت كتير وأمنه اكتر وانك كمان كبرتي وتعرفي تاخدي بالك من نفسك .. واعتقد انتي خلاص عديتي بالمرحلة دي من كلامك انك خلاص بقيتي مسؤولة عن نفسك .. ف دا ممكن يكون حل للناس اللي لسه مش عارفة تتخلص من القيود دي او مش عارفة تتعامل صح ازاي .. نيجي بقى ع الجزء التاني من المشكلة .. وهي أنها هي اللي تتولى مهمة النضافة ف اليوم المهم دا .. الموضوع محرج فعلا .. بس تعالي نشوف وجهة نظرها ايه و ناخد جوله كدا ف طريقة تفكيرها .. هي ام و عاشت التجربة دي وكانت عروسة ف يوم من الايام .. و كان دا يوم مميز بالنسبالها وبالنسبة لجيلها وللاجيال الأكبر منها .. كانت دي المتعة والفرحة اللي بيحسوا بيها .. اه الموضوع محرج مفيش اختلاف عليه .. بس انتي بالنسبالها هتفضلي طفلة مهما كبرتي .. ف مش حاسة ولا مستوعبة أن هيجيلك يوم وتتكسفي منها .. ونفسها تعيش فرحة امها بيها .. تعيد تاني نفس الذكرى معاكي .. زمان مكنش في تعدد ال Activities اللي بتعيشها العروسة زي دلوقتي .. كان اه في حنة ورقص وغنا بس دلوقتي في كذا حاجة خلت الموضوع دا ميبقاش ليه الأهمية ولا الوضع زي زمان .. دلوقتي ممكن تروح حمام مغربي مع انها هتقولك يعني تتكسفي من امك ومتتكسفيش من ناس تانية ؟ ف بلاش موضوع الكسوف دا علشان مش هتصدقها.. الا إذا كنتي هتعملي كدا لنفسك ومش هتتكشفي على حد .. دا يبقى موضوع تاني .. ممكن مثلا تقوليلها في أدوات ومواد بيستخدموها مش هقدر اجيبها ولا اشتريها وهما متمكنين اكتر من شغلهم .. بلاش ف كلامك تحسسيها بالفجوة الزمنية اللي حصلت أو أنها قديمة اوي وتقللي منها و من أفكارها .. لان والله صدقيني دي معنى الفرحة بالنسبالها ونفسها تعيش معاكي فرحتها حتى لو الأسلوب غلط .. ف خليكي مراعية دا ف كلامك معاها .. وإن شاء الله تفرح بيكي ويرزقك بالزوج الصالح والذرية الصالحة ..
تم النشر الأربعاء، ٢٨ مايو ٢٠٢٥
مرحباً ميار، أشعر تماماً بما تحكين عنه وأتفهم الإحساس بالارتباك والضيق الذي تشعرين به تجاه هذه المواقف والمعتقدات. هذه الممارسات التي تفرضها بعض الأمهات والبيئات الاجتماعية على البنات مرتبطة غالباً بموروثات ثقافية، لكنها في بعض الأحيان تتحول إلى قيود تؤثر على شعور البنت تجاه جسدها ونظافتها الشخصية. بدينا نفكك الموضوع مع بعض: أسباب رفض أمك وأمهات أخريات إزالة شعر العانة في كثير من المجتمعات العربية والإسلامية، هناك معتقد تقليدي يقول إن إزالة شعر العانة يجب أن تتم فقط "ليلة الدخلة" أي عند الزواج، لأنه مرتبط بالنظافة والطهارة. بعض الأمهات يخشين من أن تحكم على ابنتها أو "تفضح" نفسها أمام الناس إذا أظهرت اهتماماً بزينة أو نظافة خاصة قبل الزواج. في بعض الأحيان هذا نابع عن حرص زائد أو خوف من "العيب" في المجتمع، رغم أن الشرع يحث على النظافة الشخصية دائماً. الفرق بين الموروثات والشرع في الإسلام، طهارة الجسد من واجبات. وإزالة شعر العانة ليست فقط من حق البنت، بل هي مستحبة ونظيفة. لا يوجد نص شرعي يمنع الفتاة أن تعتني بنفسها أو تنظف نفسها بطريقة صحيحة بأي وقت من حياتها. ما تفعله الأمهات هنا هو من الفهم الخاطئ أو التقاليد التي تأكل من حرية البنت وحقها في العناية بجسدها. مشاعرك تجاه هذا الموضوع شعورك بالقرف وعدم الارتياح أمر طبيعي جداً. كل إنسان يحب أن يحس بالنظافة والراحة في جسده. إحساسك بالحرية مع تقدمك في العمر ومراجعة طرق إزالة الشعر يدل على نضج وفهم نفسك بشكل صحي. كيف تتعاملي مع الموضوع عملياً؟ أولاً، احترمي رأي أمك ولا تتجاهليه، وحاولي أن تفسري لها أن اهتمامك بجسدك نظافة ومظهر صحي، وليس شيء يتعارض مع القيم الدينية أو العادات. يمكنك استشارة متخصص أو خبيرة في التوعية الصحية أو حتى مختصة في الشؤون الدينية لتشرح لهكذا مفاهيم بطريقة تحترم كلا الجانبين. كوني قدوة لأقرانك وأصدقاءك بأن الاهتمام بالنظافة جزء من احترام الذات وليس عيب. ذكري نفسك أن جسدك لك وحدك، وله الحق أن تهتمي به بما يريحك نفسياً وجسدياً طالما لا يخالف الدين أو القيم. نصيحة أخيرة لا تسمحي لمعتقدات أو أفكار مغلوطة أن تجعلك تشعري بعدم الراحة مع نفسك أو جسدك. الحرية في العناية الشخصية حق أساسي، ومهم جداً أن تعتني بنفسك وتتعلمي الطرق الصحية الآمنة. ودايماً تذكري أن الله يحب النظافة، والنظافة من الإيمان. إذا كانت لديك رغبة في معرفة المزيد عن الجانب الديني أو الصحي حول إزالة الشعر أو العناية بالجسم، يمكنك أيضاً البحث في فدني عن أسئلة مشابهة أو التواصل مع خبراء متخصصين من خلال صفحة الخبراء في تطبيق فدني. أنا هنا دائماً لدعمك يا ميار، ولا تترددي في طرح أي سؤال أو مشاركة أي شعور. أنتِ جميلة كما أنتِ، والاهتمام بالنظافة هو من أسمى علامات حب النفس والاحترام. 😊 هل تحبين أن أساعدك بصياغة طريقة لبسط فكرتك لأمك بطريقة هادية؟
تم النشر الثلاثاء، ٢٧ مايو ٢٠٢٥
لعرض السؤال في فدني اضغط هنا