سؤال مختلف شوية
أنا فى كلية هندسة جامعة الأزهر السنة الرابعة
مشكلتي انى بفكر كتير فى المستقبل وده بيخليني احس أنه انا متأخر مع العلم انا عارف أنه كل حاجه بايد ربنا طبعا وكل واحد رزقه مكتوب بس فعلا احساس التأخير ده بيفضل ملازمني كتير مع أنه دكاترة كتير وناس باخد معاها كورسات بيقول انت مش متأخر بس عاوز توصل بسرعه حد عنده فكره عن الموضوع أو مر عليه قبل كده
انت عارف المشكله وكتبها وسط السوائل ( اني بفكر كتير في المستقبل وده بيحبني احس اني متأخر ) كمان انت حاطت تعليق بعد الجمله ديه جميل جدا بس مش بطبق عملي( انا عارف ان كل شئ بيد الله) وعشان تبقه عارف ان ده باب بيخشلك من الشيطان لإقناعك انك متأخر والباب ده الشيطان بيخش منه عشان يخليك تعمل عمليت تدمير ذاتي لنفسك ولنجاحك وليقينك بالله ( المستقبل ده منفكرش فيه لانه بايد ربنا احنا نعمل المطلوب ولو جت فرصه نستخير ونمتوكل ونبداء غير كده انت بتجهد عقلك ونفسيتك علي شئ مش بايدي استعيذ بالله ولما تجيلك الأفكار ديه رد علي نفسك وقول ده حاجه مش بايدي الحاجه الوحيده الي ايدك هي الوقت الي انت بتعيشه فعلا ( الحاضر ) هي ده الي بيحدد مستواك ( ربنا يبعد عنك نزغ الشيطان
تم النشر الأحد، ٥ أبريل ٢٠٢٦
التوتر والقلق ما بيعملش حاجه غير انه هياكل من عمرك ومن غير تقدم في حاجه في ناس وصلت للي هي عايزاه بعد سن ال 40 وال 50 وال 60 فانت مش متأخر ومافيش حد سابقك انت هتاخد نصيبك اللي مكتوب لك من قبل ما تتولد في الوقت اللي ربنا رايده بالضبط وهتضحك على نفسك لما تفتكر الايام دي اللي انت ضيعتها في القلق والتوتر بدل ما كنت تعيش احلى ايام حياتك وتستمتع باللي انت بتحبه بمذاكره اللي انت بتحبه
تم النشر السبت، ٤ أبريل ٢٠٢٦
انا بردو بحس نفس الإحساس ده اني متأخرة واللي قدي سبقوني بس انت عشان راجل ممكن الموضوع يكون ضغط عليك شوية... المهم اني كلمت دكتـور عندنا فِ الكلية وهدتني الى حدٍ ما ان انا لسه صغيرة ومتستعجليش وهكذا ولسه هتتعلمي وعيشي سنك في التعلُّم يعني وخدي وقتك في المعرفة و الخبرة اصل الحياة طول ما احنا عايشين فيها هنفضل نسعىٰ يعني تخيل كده انك حققت كل اللي مفروض تحققه دلوقت هتقعد تعمل ايه هتقعد فاضي مش هيكون في لازمة لكن الحاجة تاخد وقتها و الواحد يتبسط بالرحلة فاهم بس وبالتوفيق...
تم النشر الخميس، ٢ أبريل ٢٠٢٦
لا يا حبيبي، مش متأخر خالص ! أنت في السنة الرابعة هندسة الأزهر، ده إنجاز كبير أصلاً، والكتير من المهندسين الناجحين كانوا في مكانك أو أسوأ ووصلوا للقمة بفضل الاستمرارية مش السرعة. ليه الإحساس ده بيجي؟ التفكير الزايد في المستقبل (الـ"ماذا لو") بيخلق ضغط وهمي، زي اللي بيقول "الكل سبقني". بس الحقيقة: كل واحد مساره مختلف، والرزق مكتوب زي ما قلت. قال تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ" (الطلاق:2-3). التوكل مش معناه الجلوس، لكن الثقة في التوقيت الإلهي. خطة عملية عشان تتخلص من الإحساس ده: حدد أهداف يومية صغيرة : بدل التفكير في "المستقبل"، ركز على "النهارده": حل 5 مسائل، اقرأ فصل، أو ابدأ كورس أونلاين مجاني زي Coursera في تخصصك (هندسة ميكانيكية/كهرباء؟). قارن نفسك بنفسك بس : اكتب إنجازاتك الشهرية، هتلاقي تقدمت كتير. دعاء يومي : صلِّ ركعتين وادعِ ربنا ييسر أمرك، وقُل: "اللهم يسر ولا تعسر". شغل وقت فراغك : خد كورس LinkedIn Learning أو Progate للبرمجة (مهمة للهندسة)، أو ابدأ مشروع صغير زي تصميم app بسيط. الدكاترة عارفين صح، السرعة مش كل حاجة – الجودة أهم. أنت هتوصل، بس خطوة خطوة. لو عايز نصائح أكتر، ابحث في فدني عن أسئلة مشابهة هتلاقي إجابات كتير، أو شوف الخبراء هنا: https://www.fedni.net/experts (فيه مدربين حياة ومهندسين). ثق في ربنا وفي نفسك، أنت star في الطريق! 🌟
تم النشر الخميس، ٢ أبريل ٢٠٢٦
حاليا بعيش نفس الاحساس بس من وجهة نظري ناخدها خطوة خطوة عشان السرعه مش حلوة خصوصا بنبقا مشتتين ف اكتر من حاجه وعاوزين نكبر نفسنا بسرعه ف التأني السلامه وربنا معاك ومعانا وان شاءالله خير
تم النشر الجمعة، ٣ أبريل ٢٠٢٦
كلنا بنحس بنفس الاحساس دا ، كل ما الانسان بيشوف حد بيحس انه احسن منه ف بيقارن نفسه بيه غصبا عنه ، لانه احنا بنقارن نفسنا ببعض بطريقه لا اراديه ، وف الغالب احنا بنقارن اسوء ما فينا بأفضل ما لدي الشخص الاخر ف دايما ضاغطين نفسنا وظالمينها ، فيه ناس بتقعد تشتغل وتتعب بالسنين وتيجي تسوف ثمار تعبها بعد الاربعين او الخميسن من العمر وربنا بيفتح عليهم فتح عظيم ف فتره قليله لدرجه يعجز العقل عن الفهم ، وبر١وا ممكن يكون الطرف الاخر فعليا اذكي منك او اشطر منك ودا رزق من الله ونفتكر دايما اننا بنعامل ربنا وربنا بيرزقنا بالسعي
تم النشر الخميس، ٢ أبريل ٢٠٢٦
لعرض السؤال في فدني اضغط هنا