انا و واحد بنحب بعض و فوسط كلام اكتشفنا ان كلامنا حرام دينيا و كد مع انه محترم بس طلع ان الكلام مع واحد اصلا غلط فالدين و اخترنا اننا نبعد و نتطمن عل بعض كل فتره بقالنا كد خمس ايام بس انا مش قادره و مخنوقه و عايزه ارجع تاني معاه زي الاول ازاي و ازاي اقنعه نبق زي الاول
لا أنت قادرة .. بس الخنقة دي من الشيطان اللي زين العلاقة دي في نفسك لو عايزة تعرفي مستقبل العلاقة دي هيبقى عامل ازاي لو رجعتي له اقرئي هنا في فدني في أسئلة قسم (اجتماعية) - (الحب) وهتشوفي نظرة مستقبلية تشرح لك علاقتكم الحرام هتتطور ازي .. أنت لسة على شط الأمان اشغلي وقت فراغك بحاجة تانية غير العلاقة الحرام قبل ما الموجة تجذبك جوة البحر
تم النشر الأحد، ١٢ مارس ٢٠٢٣
اللي انتي فيه طبيعي جدا .. لام اتعلقتي بيه واتعلقتي بالتفاصيل اللي كانت بينكم كل يوم فطبيعي انك تحسي بخنقة، ده اللي متعود انه يشرب قهوة كل يوم، لو في يوم مشربهاش بتبقى عليه اعراض زي انه مش طايق نفسه، عصبي، عنده صداع. هقولك على حاجة كمان .. في رمضان لما بنصوم مش بيكون اول الصيام كده اول كام يوم كده بيبقى الواحد مصدع وجعان وعطشان ومش طايق حد ولا حتى طايق نفسه ومصدع. طبيعي جدا ... كل ده ولكن شوفي كده ايه اللي ممكن يحصل بعد كام يوم من انتهاء الاعراض ديه .. اللي كان متعود على شرب القهوة وقطعها بقى شخص عادي والاعراض اللي كان بيحس بيها وهي اعراض انسحاب طبيعة .. ابتدى خلاص ميحسش بيها. ولما بنيجي كده برده في نصف رمضان بنكون خلاص اتعودنا على الصيام واخدنا عليه، فبقت حكاية اننا نقطع المياه والاكل طبيعي ومبقناش نحس بالاعراض بتاعة اول اسبوع .. ادي لنفسك فرصة .. انك تجاهدي نفسك .. وخليكي قوية وبلاش تبقى ضعيفة في نظر نفسك وفي نظره هتبقى وحشة جدا في حقك لما تيجي تقولي له تعالى نتكلم من تاني. وفي جزء تاني مش خاص بالدين .. وهو الجزء الاجتماعي .. بعيدا عن الدين بقى ايه الضمان من علاقتك اساسا معاه؟ يعني ماذا بعد؟ ماذا بعد كلامك معاه شهر ورا التاني ورا الثالث .. سنة ورا التانية؟ ايه اللي هيحصل هل انتي ضامنه علاقتك معاه؟ طبعا كده كده مفيش علاقات مضمونة اساسا. بس انتي ليه تحطي نفسك في الموقف ده؟ يعني ليه تعملي في نفسك كده؟ وتقعدي تتكلمي مع واحد كل الوقت ده ومفيش اي ارتباط رسمي ما بينكم؟ انتي لازم تتكلمي معاه وتعملي حد للموضوع ده، لانه وارد طبعا يكون بيضيع وقت، بيتسلى، اي حاجة، وممكن برده يكون شخص جاد .. بس هو طالما شخص جاد ليه ميدخلش البيت من بابه؟ لازم تفكري في كل الاسئلة ديه، واتمنى انك تلاقي الجواب اللي يريح قلبك وبالك، وبتمنى لكي التوفيق
تم النشر الأحد، ١٢ مارس ٢٠٢٣
انتي لسه قايله انك شايفه انه حرام طيب كنتي قلتيله حاجه واحده بتحبني تعال البيت وخلي الي بينا رسمي وانتي في حاجتين هتحققيهم لو فعلا فضلتي ع موقفك ومرجعتيش زي الاول هتشوفي بيحبك بحد ولا لا ويجي يتقدم ويبقا رسمي وميكونش في حرمانيه او تعرفي انه بيتسلى وانها جات ف وقتها عشان تحافظي ع نفسك وجع يوم واتنين احسن من وجع كبير بعد كده وطبيعي تحسي بخنقه اول كام يوم لانك متعوده ع وجوده وتفاصيله ف يومك وفجأه راحت منك ارجوكي تماسكي اكتر ومتروحيش بنفسك تكلميه لانه كده هيضمنك اكتر وهيبدأ يستغل انك مش قادره تبعدي عنه اشغلي نفسك بمليون حاجه بمذاكره بعباده برياضه وقرأه بخروج مع صحابك بس متضعفيش وتروحي تكلميه عشان ترجعوا زي الاول وفكري ف كلامي كويس قبل متندفعي بأي سلوك عشان تكسبي متخسريش
تم النشر الأحد، ١٢ مارس ٢٠٢٣
يعنى انتى عاوزة تقنعيه يرجع يعمل الحاجة الغلط ؟ الخمس ايام طبيعى تحسي فيهم كده لانك متعودة على جرعة عاطفيه ومفتقداها ...ده غير الشيطان اللى بيقولك عادى ومفيهاش حاجة وبيديكى مبرر انك تعبانه ومخنوقة . انسي الفكرة دى وكملى فى طريقك الصح .
تم النشر الأحد، ١٢ مارس ٢٠٢٣
لعرض السؤال في فدني اضغط هنا