بسم الله الرحمن الرحيم
السلام عليكم ورحمه الله وبركاته.
انا انسانه كنت متجوزه جواز تقليدي.ودلوقتي بقيت مطلقه.ومش عارفه الطلاق ده عيب ولا ايه؟احنا مجتمع ريفي.عندنا المطلقه بيقعدوا يعايروها كل شويه ويلقحوا عليها كل شويه.بها.ان.يعني جوزها مش قابلها او هي مش انثى جوزها يبص لها مثلا.عندي اهل جوزي لسه ما كناش نعرف عنهم حاجه مع انهم من نفس البلد.نعرف ان همبتوع.مخدرات او بلطجيه.لابد الواحد قبل ما يتجوز يسال الاول عن اهل.الزوج. عفوا.عشان ما تدبش بعد كده في الجوازه وتقول يا ريت اللي جرى مكان.انا واولادي.عايشين في الدنيا ديت.في البلد ديت.اهلي طليقي جيراني خالتو جارتي وخالتو بنتها متجوزه اخو طليقى.فكانت تقعد تسلط الجيران عليا.يشتموني ويبهدلوني وتلم الجيران.لازم اقطع عنك ميه وكهرباء واخليك تسيبي البلد.يعني ما تخليكيش تعرفي تعيشي في الدنيا؟وتسيب البلد خالص واكررك في نفسك انت وعيالك يا اما ترمي لنا اولادك.نشغلهم خدامين عندنا.على العموم مش عايزين يدفعوا الجنيه نفسه وبيموتوا عليه مش عايزين يدفعوا لهم نفقه.فخلوا بنت جايه من الدرس وابني.ابن خالد طليقي.راح ماسك بنت في اولى ثانوي عام كانت بتطلع من الاوائل.وابنى في الاولى اعدادي وخطفوهم في شارع ضلمه ضلمه خالص ما فيهوش اي حد وقاموا بالاعتداء عليهم بالضرب بخشب على بطنهم ورجليهم بدون ان هم يسيبوا عليه اثر.وبالله العظيم ده حصل. حصل.وابنتى نفسيتها تعبت جدا جدا.مش عارفه تذاكر لحد دلوقتي رغم ان هي كانت بتطلع من الاوائل.وابني مش عارف يمشي في الشارع عاملين روعه ويخوفوه.ولاد الجيران. والجير.واولاد ابن خالة طليق يجبلنا ولاده الخمسه اولاد بيلموا ولا تلاتين عيل يشتمونا وقلنا البيت جنب منهم.ويشتموا ولادي.ابن خالة ابوهم ده بلطجي اصلا.وبيقفلهم على بوز الشارع وهم خارجين مش عارفين يخرج ولا يدخلوا مش عارفين نعمل ايه؟وانا قلت له انا هعمل فيكم محضر في الاسم اهو وقفك عند حدك قالىي مش هتقدري تعملي حاجه شيخ البلد هيشهد ضدك لانه معايا.وهيخلي الناس معايا لانه مصاحب الناس كلها وبيحيللهم مشاكلهم.ولا ايه مش هتقدري تعملي معي اي حاجه فعلا انا عملت محضر في الاسم.شيخ البلد بعتلي ناس يا اما تنازل عن المحضر يا اما فعلا هيشهد ضدى ويلم الناس.اعمل ايه اخد حق اولادي ازاي اعيش في البلد دي ازاي قولولي اعمل ايه مش عارفه اعمل ايه؟مش عارفه يا ناس.
لازم يكون معاكي محامي كويس من نفس دايرتك، غير كدا حقوقك غالبا هتضيع. غير محضر الخطف والضرب، النفقات والمصاريف والبدلات دي كفيلة لوحدها تهد وتهدد طليقك.
تم النشر الاثنين، ٦ نوفمبر ٢٠٢٣
بصى ياحبيبتى اتحسبنى كل يوم ألف مره واستغفري ألف مرة وصلى على النبي عليه الصلاة والسلام ألف مره وقيمى اليل وتحسبني عليهم لان مافيش حد هيساعدك غير ربنا كل المحاضر والكلام ده مش منه نفع مع الناس الظالمه ده وربنا معاكى وإنشاء الله عوض الصبر خير
تم النشر الجمعة، ١٠ نوفمبر ٢٠٢٣
الله يعينك و يجبر بخاطرك يا رب 🙏 و يبعثلك جوز أحسن من الأول..... حاولي تغيري مكان اقامتك ان أمكن و واظبي على سورة البقرة يوميا، مع كثرة الإستغفار و الصلاة على النبي صلى الله عليه وسلم. باذن الله راح تشوفي الخير،. أبشري.
تم النشر الجمعة، ١٠ نوفمبر ٢٠٢٣
وكمان فين ابوهم من كل ده هتتضرري من وجودك معاهم لو هتفضلي الحل الوحيد تقفي في وشهم ويبقى ليكي موقف حازم وشخصيه تخليهم يخافوا يتعرضولكو تاني
تم النشر الثلاثاء، ٧ نوفمبر ٢٠٢٣
وبعدين عايزه تعملي محضر من بعيد اعملي معملتيش فا ليك رب يردلك حقكك وحق عيالك
تم النشر الثلاثاء، ٧ نوفمبر ٢٠٢٣
يريت تاخدي لي بيت بعيد عنهم في البلد لا تنقلي من البلد خالص حاولي بكل الطرق تلاقي حل عشان تعيشي مرتاحه وعيالك تبقا مرتاحه ومش متضرره منهم كدا
تم النشر الثلاثاء، ٧ نوفمبر ٢٠٢٣
المطلقه ست بي ميت راجل مفيش واحده تاخد خطوه زاي دي وتبقي هينه ولا سهله عليها هي بتعمل دور الرجل والست سوا لازم تقدري نفسك مبدأيا وتعتبري كلمهم هوا فيه ستات بتسكت وتتحمل مساويء الي معاه او مساوى العلاقه عمتا وفي الاخر بتندم علي العمر الي فتهم من بني آدم غلط او تتطلع العيال مش سويا .. كفايه كلامك عن عيلتو يدل انك خدي القرار الصح لكن كملي الطريق لأخر وابعدي عن الناس دي خالص
تم النشر الثلاثاء، ٧ نوفمبر ٢٠٢٣
ابعتيلي العنوان بالتفصيل و هحاول اعمل الي اقدر عليه
تم النشر الاثنين، ٦ نوفمبر ٢٠٢٣
ماتعرفيش تنقلي من البلد دي لحتة تانية أو تسكني جنب أهلك؟
تم النشر الأحد، ٥ نوفمبر ٢٠٢٣
لعرض السؤال في فدني اضغط هنا