السلام عليكم، أنا متفهمة مشاعرك بس بلاش تخليك تاخد أي خطوة غلط وكويس إنك صرفت نظر عن فكرة الزواج ضد رغبة أهلها. الأمر الواقع حاليا بيقول إنها مخطوبة أيا كانت أسباب رفض أهلها وتفضيلهم لشخص آخر، أنت مينفعش تاخد خطوة تجاهها حاليا. ومش لازم تحلل وتحاول تعرف السبب أو تأخذ الأمر على كرامتك وتتعب نفسيتك بالظنون. كل المطلوب منك حاليا إنك ترضى وتدعي ربنا، افتكر دايما إن (وعسى أن تكرهوا شيئًا وهو خير لكم وعسى أن تحبوا شيئاً وهو شر لكم) محدش عارف النصيب فين ولا الخير فين. فارض بقضاء ربنا وركز في حياتك ومستقبلك واشتغل على نفسك بحيث تكون جاهز ومستعد فعلا لمسؤولية الزواج وإنشاء أسرة، وإن شاء الله لو كان لك نصيب معها هيحصل حتى لو إرادة الناس كلها ضده ولو مش لكم فإن شاء الله ربنا يرزقك بخير منها. تحياتي.
لعرض الإجابة في فدني اضغط هنا