السلام عليكم، معتقدش إنك مريضة بحبه على قد ما أنتِ خايفة من الطلاق للمرة التانية فمتمسكة بالزواج رغم كل اللي حكيتيه. راجعي نفسك وحساباتك تاني عشان حتى لو كنتِ مريضة بحبه فمفيش حد خاسر في النهاية غيرك ومع الوقت هتكرهي نفسك، وبنتك هتتأثر بالوضع سواء من المعاملة بينك وبين والدها أو من تصرفاتك أنتِ بعد كده اللي ممكن جدًا تطلعيها عليها عشان تفرغي مشاعرك السلبية وهتكون هي الخانة الضعيفة اللي بيتوجه لها كل الغضب اللي مش قادرة توجهيه لزوجك، ومش بعيد في المستقبل هتتحول لشخصية ضعيفة ومحتقرة لذاتها بتتقبل الأذى عادي من الناس ومن الشخص اللي ممكن تتزوجه أو تكون نسخة معاكسة كارهة للرجال والزواج. فكري في بنتك إذا مكنتش نفسك وكرامتك مهمة بالنسبة لك. وعامة، وضعك يحتاج متابعة مع أخصائي ضروري جدًا لو فكرتِ تنقذي نفسك. ربنا معك.
لعرض الإجابة في فدني اضغط هنا