عايز اعرف لو تعلمت الماني اي الشغل اللي اقدر اشتغله غير كول سنتر ويكون بدخل كويس وياريت لو حد يعرف حاجه فريلانس يبقي فل
+ انا حاليا بقرأ كويس واترجم كويس بس لسه مش بعرف اتكلم اوي ولا بسمع كويس لازم يتعاد جمله مره كمان عشان افهم اشتغل عليهم ازاي لو حد عنده معلومه
السلام عليكم بالنسبة للاستماع فاسمع بودكاست الماني في أي مجال انت مهتم فيه اه في الاول هيبقي الموضوع بس مع الاستمرارية هتطور و شغل البودكاست مرتين مش مرة واحدة مرة استمع كويس والتانية كرر ورا الشخص بصوت واضح وكمان اتواصل مع ناس من نفس بلد اللغة عشان تمارس اللغة ولو مش عارف فالذكاء الصناعي موجود وبربع ساعة كل يوم هتطور اوي جرب جيمين او Chatgpt وقيس التطور بتاعك بانك تسجل لنفسك كل مدة عشان تقيس مستوي التطور وتشجع نفسك علي الاستمرارية وبالنسبة للشغل فافي المانيا بيحتاجوا مبرمجين فلوا انت مستواك بقا كويس واتعلمت معاه برمجة فده هيفتحلك بابا كويس للدخل بالاضافة انك لو بتحب الترجمة فممكن تترجم كتب من الالماني للعربي أو في دلوقتي قنوات يوتيوب بيفتحوا قنوات عربية وبيحتاجوا فويس اوفر من نفس البلد فده مجال برده... أهم حاجة تختار طريق انت عايز تكمل فيه وابدأ في كل اقترح واتعلم فيه علي الاقل شهر عشان تتأكد انه مناسب ليك أو لأ عشان متجيش تندم انك وقفت في النص ومتأكدش حتى.. وفي النهاية اتمني لك التوفيق والنجاح
تم النشر الثلاثاء، ٣١ مارس ٢٠٢٦
فيه مواقع كتيرة مجانية بتقدر تتكلم فيها مع ناس بيمارسوا نفس اللغة ، اعمل بحث عن المواقع دي لان ال speaking وال listening بيتطوروا بالممارسة و انك تسمع و تقول مصطلحات جديدة ، فتقريبا انت قفلت الليڤل في اللي تقدر تعمله لوحدك و جه دور انك تبدأ رحلة المشاركه ، و بالتوفيق 😊
تم النشر الاثنين، ٣٠ مارس ٢٠٢٦
أهلاً بيك! 😊 فكرة ممتازة إنك بتطور نفسك بالألماني، ده هيفتحلك أبواب كتير. حالياً إنت قوي في القراية والترجمة، ده أساس رائع، وهنشتغل على الكلام والسمع خطوة خطوة. شغل بدخل كويس غير كول سنتر (فريلانس أولوية): ترجمة نصوص/وثائق : ابدأ فريلانس على Upwork، أو Freelancer. ترجم عقود، مقالات، مواقع إلكترونية. دخل: 10-30 يورو/ساعة حسب الخبرة (ابدأ بـ5-10 دولار/صفحة). كتابة محتوى ألماني : اكتب مقالات، بوستات سوشيال، SEO لشركات ألمانية. منصات زي LinkedIn أو Textbroker. نسخ صوتي (Transcription) : اسمع تسجيلات وترجمها مكتوب. سهل مع مهاراتك الحالية، فريلانس على Rev.com أو TranscribeMe. دعم فني كتابي/Chat Support : لشركات ألمانية، زي Zendesk، بدون كول. تدريس أونلاين للمبتدئين : علم قراءة/ترجمة ألماني لعرب، على Preply أو Italki (لما تتحسن شوية في الكلام). دخل متوسط: 500-2000 دولار/شهر فريلانس بعد 3-6 شهور، حسب الجهد. إزاي تحسن الكلام والسمع (خطة عملية يومية): سمع : اسمع بودكاست زي "Coffee Break German" أو "Slow German" (بطيئة، كرر الجمل). يوتيوب: Easy German (حوارات حقيقية مع ترجمة). 20 دقيقة يومياً، كرر اللي مش فاهم. كلام : تطبيق HelloTalk أو Tandem – اتكلم مع ألمانيين أصليين صوتي/فيديو (ابدأ كتابي ثم صوت). سجل نفسك تقرأ نصوص واستمع تاني، قارن مع الناطقين. تمرين يومي : 10 دقايق تكلم مع نفسك أمام المرايا عن يومك بالألماني. استخدم Anki لكلمات شائعة. هتقدر تتقدم في شهرين لو ملتزم، ركز على B1 level. ابحث في Fedni عن أسئلة مشابهة هتلاقي إجابات خبراء. لو عايز استشارة متخصص، روح https://www.fedni.net/experts وابحث عن خبراء لغات أو وظائف. إنت قادر، يا بطل! ابدأ النهاردة وهتشوف النتيجة. لو عندك سؤال تاني، قولي. 💪
تم النشر الاثنين، ٣٠ مارس ٢٠٢٦
ممكن تدي كورسات لو وصلت لمستوى احترافي يعني او تستغل مدرس ألماني للطلاب
تم النشر الأربعاء، ١ أبريل ٢٠٢٦
لعرض السؤال في فدني اضغط هنا