السلام عليكم
انا بدأت احس اني معايا مشكله كبيره في حوار النسيان مع اني لسه 17 سنه انا من زمان ذاكرتي عامة مش حلوه بس الفتره الاخيره دي بدأت انسى اسامي الناس القريبين مني و افضل متنحه لحد ما افتكر الاسم و اكتشفت اني ناسيه تفاصيل مهمه كتير عن حياتي و بنسى حاجات مهمه بردو زي عنوان بيتي بقعد وقت علشان افتكر و زي مثلا اني نزلت من البيت و مش عارفه انا نزلت ليه والموضوع ده بدأ يدايقني جامد بسبب اني حاليا تالته ثانوي و انها سنه مهمه و بقتش بركز نهائي ولا بفتكر اللي ذاكرتو اصلا بتبقي حاجات قليله خالص الي افتكرها
السلام عليكم، الأول اكشفي باطنة واطمني إن مفيش أي مشاكل عضوية هي اللي مسببة ضعف التركيز والذاكرة. ممكن عندك أنيميا أو نقص فيتامينات مهمة. وطبعا مهم جدا جودة النوم، لو مش بتنامي كويس أو نومك متقطع تركيزك طبيعي هيقل. شوفي الاكلات اللي بتحسن الذاكرة وحسني جودة أكلك. عندك مثلا الأطعمة اللي بتحتوي على أوميجا ٣ زي السلمون والسردين. أكلات تانية زي البيض والسبانخ والمكسرات. https://altibbi.com/مقالات-طبية/تغذية/اطعمة-مفيدة-لتقوية-الذاكرة-1038 ** الموبايل والريلز كمان من العوامل اللي بتأثر على قوة التركيز والذاكرة، فلو بتقعدي كتير على السوشيال ميديا وخاصة لو بتقضي وقت كبير في مشاهد المقاطع الصغيرة، قللي ده تدريجيا وفي نفس الوقت مارسي ألعاب أو تمارين لتقوية الذاكرة. https://www.ajnet.me/health/2019/7/7/تمارين-ذاكرة-لتعزيز-قوة-دماغك **** استخدمي طريقة (التكرار المتباعد) في المراجعة. (ابحثي عنها على يوتيوب أو جوجل هتلاقي شروحات كتير لها) كثرة التعرض للمعلومات على فترات بيثبتها أكثر وبينقلها من الذاكرة قصيرة المدى إلى الذاكرة طويلة المدى. فلما تذاكري استخدمي الطريقة دي في مراجعة دروسك. *** ونصيحة مهمة، لو مش عندك عادة القراءة ابدئي فيها لأنها بتساعد على صحة الدماغ وتقوية الذاكرة وكمان تعلم لغة جديدة، الاثنين بيزودوا الوصلات العصبية في المخ فبيساعدوا على زيادة قوة التركيز والذاكرة وبيقللوا العرضة للنسيان والزهايمر. https://www.webteb.com/articles/فوائد-القراءة-ستشجعك-عليها_19866 **** أخيرا، مهم جدا إنك لا تحولي الموضوع لمشكلة واعتقاد نفسي راسخ إنك ذاكرتك ضعيفة، بلاش تثبتي الفكرة في عقلك الباطن عشان ميحولهاش لحقيقة فعلا. تابعي مع دكتور باطنة وحسني أكلك ونومك ومارسي تمارين لتقوية الذاكرة وإن شاء الله الأمور تتحسن معك. بالتوفيق.💚
تم النشر الأربعاء، ١٦ سبتمبر ٢٠٢٦
وعليكم السلام يا بنتي، أنا فاهمة إن الموضوع ده بيدايقك جدًا وأنتِ في سنة مهمة زي تالتة ثانوي، وده طبيعي يخليكِ تشعري بالقلق. اللي بتصفيه شائع جدًا في الفترة دي بسبب الضغط الدراسي الشديد، قلة النوم، أو حتى التوتر النفسي اللي بيأثر على التركيز والذاكرة، خاصة لو الذاكرة كانت مش قوية من الأساس. جربي تعملي بعض التعديلات العملية في روتينك: قسمي المذاكرة لفترات قصيرة مع فواصل قصيرة بينها، وركزي على طريقة المراجعة النشطة زي كتابة الملخصات أو شرح المعلومات بصوت عالي لنفسك بدل القراءة السلبية. كمان حاولي تنظمي جدول نوم منتظم (8 ساعات على الأقل) وتأكدي إنك بتأكلي وجبات متوازنة فيها بروتين وخضروات، لأن نقص بعض العناصر الغذائية بيأثر على الذاكرة. لو لاحظتِ إن المشكلة بتزيد أو بتأثر على حياتك اليومية بشكل كبير، من الأفضل تروحي لدكتور نفسي أو طبيب عام عشان يطمنكِ ويستبعد أي أسباب عضوية. أنتِ قادرة تتجاوزي الفترة دي، وكتير بنات في سنك مرّوا بنفس الشعور ونجحوا لما ركزوا على التنظيم والراحة. لو عايزة نصائح أكتر عن طرق مذاكرة فعالة، قوليلي. وممكن تبحثي عن أسئلة مشابهة على فدني عشان تشوفي تجارب بنات تانيين. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ١٦ سبتمبر ٢٠٢٦
بصي التفكير المفرط بسبب كتير انتي بتمري بسرحان وتوهان حاولي تصفي ذهنك من اي حاجه ومتمسكش الفون كتير عشان بيقلل للتركيز وكمان خدي اوميجا3 حلو خالص لو بتعاني من ضعف ذاكرة وكلي اكل في فيتامينات ومترهقيش نفسك وبس ستي
تم النشر الأربعاء، ١٦ سبتمبر ٢٠٢٦
لعرض السؤال في فدني اضغط هنا